جۇمىسسىز مارتەبەسىن العان 50 مىڭ ادامنىڭ 7 مىڭىنا جۇمىسىنان ايىرىلۋ جاعدايىنا بايلانىستى مەملەكەتتىك الەۋمەتتىك ساقتاندىرۋ قورىنان الەۋمەتتىك تولەمدەر تاعايىندالدى جانە 20 مىڭنان استام ادام تۇراقتى, سونداي-اق مەملەكەت سۋبسيديالايتىن جۇمىس ورىندارىنا (جاستار پراكتيكاسى, قوعامدىق جۇمىستار, الەۋمەتتىك جۇمىس ورىندارى) جۇمىسقا ورنالاستىرىلدى.
2020 جىلعى 17 قاراشادا جۇمىسسىزداردى تىركەۋ راسىمدەرىن جەڭىلدەتۋ جانە جۇمىسپەن قامتۋدى قولداۋ بويىنشا مەملەكەتتىك كورسەتىلەتىن قىزمەتتەردى الۋدى جەڭىلدەتۋ ءۇشىن قر ەڭبەك جانە حالىقتى الەۋمەتتىك قورعاۋ مينيسترلىگى رەسپۋبليكالىق ماڭىزى بار قالالار مەن وبلىس ورتالىقتارىنىڭ تۇرعىندارىنا ەلەكتروندىق ەڭبەك بيرجاسى ارقىلى حجقو قىزمەتتەرىن قاشىقتىقتان كورسەتۋ بويىنشا پيلوتتىق جوبانى ىسكە قوستى. وسى جىلدىڭ 5 قاڭتارىنان باستاپ بۇل مۇمكىندىكتەر رەسپۋبليكانىڭ 40 قالاسىنىڭ تۇرعىندارىنا, ال مامىردان باستاپ بارلىق قازاقستاندىقتارعا بەرىلگەنىن ەستەرىڭىزگە سالا كەتەيىك.
ەەب-تەگى «جەكە كابينەتتە» قازاقستاندىقتار جۇمىس ىزدەپ جۇرگەن ادام نەمەسە جۇمىسسىز رەتىندە ەسەپكە تۇرا الادى جانە تىركەۋدىڭ بارلىق كەزەڭدەرىن قاداعالاي الادى. جۇمىسسىز مارتەبەسىن العاننان كەيىن الەۋمەتتىك ساقتاندىرۋ جۇيەسىنە قاتىسۋشىلار جۇمىسىنان ايىرىلۋ بويىنشا الەۋمەتتىك تولەمگە ونلاين رەجيمدە ءوتىنىم جىبەرە الادى, بارلىق ازاماتتار مەملەكەت سۋبسيديالايتىن جۇمىس ورىندارىنا – جاستار پراكتيكاسىنا, الەۋمەتتىك جۇمىس ورىندارىنا, قوعامدىق جۇمىستارعا بوس جۇمىس ورىندارىن ءوز بەتىنشە تاڭداي الادى. جوعارىدا كورسەتىلگەن قىزمەتتەردى ونلاين رەجيمدە الۋ ءۇشىن ەلەكتروندىق تسيفرلىق قولتاڭبانى پايدالانا وتىرىپ, ەەب-دا تىركەۋدەن ءوتۋ قاجەت.
ينتەرنەت نەمەسە كومپيۋتەر بولماعان جاعدايدا, بارلىق جۇمىسپەن قامتۋ ورتالىقتارىندا قۇرىلعان وزىنە-ءوزى قىزمەت كورسەتۋ ايماقتارىندا ەەب ارقىلى قىزمەتتەردى الۋعا بولادى. حجقو قىزمەتكەرلەرى ونلاين ۇسىنىلاتىن قىزمەتتەر بويىنشا قاجەتتى كونسۋلتاتسيالار بەرەدى. بۇل ازاماتتارعا جۇمىسپەن قامتۋ ورتالىعىنىڭ مامانىنا قابىلداۋعا كەزەك كۇتپەۋگە جانە COVID-19 پاندەمياسى جاعدايىندا فيزيكالىق بايلانىستاردى ازايتۋعا مۇمكىندىك بەرەدى.
ونلاين قىزمەت كورسەتۋ تۋرالى تولىق اقپاراتتى www.enbek.kz سايتىنان جانە حالىقتى جۇمىسپەن قامتۋ ورتالىعىندا الۋعا بولادى.
ازاماتتار ەلەكتروندىق ەڭبەك بيرجاسىندا مىنا سىلتەمە بويىنشا جۇمىس ىزدەپ جۇرگەن ادام رەتىندە ونلاين تىركەلە الادى.
