قالالىق جەرلەردە كورسەتكىش 2,4 پايىزدان 3,2-گە كوتەرىلسە, اۋىلدىق جەرلەردە وزگەرىس جوق. دەگەنمەن كورسەتكىش جوعارى - 6,3 پايىز.
وڭىرلەر بولىنىسىندە تابىسى كۇنكورىس مينيمۋمىنان تومەن ءۇي شارۋاشىلىقتار ۇلەسى تۇركىستان وبلىسىندا تىركەلگەن - 9,1 پايىز. بۇدان كەيىن سولتۇستىك قازاقستان (6 پايىز) جانە ماڭعىستاۋ (5,8 پايىز) وبلىستارى تۇر. ەلدەگى تومەن كورسەتكىش نۇر-سۇلتان قالاسىنا تيەسىلى. مۇندا تومەنگى كىرىسى بار وتباسىلار ۇلەسى 1,6 پايىزعا تەڭ.
سونىمەن قاتار قاراعاندى (2 پايىز) جانە اتىراۋ (2,8 پايىز) وبلىستارىندا بۇل كورسەتكىش تومەن. وزگە ايماقتاردا كىرىسى تومەن تۇرعىندار سانى ارتقان. الماتى (2,4 پايىز), شىمكەنت (1,1 پايىز), پاۆلودار (1 پايىزعا) جانە سولتۇستىك قازاقستان (1 پايىز) وبلىستارىندا كورسەتكىش ارتقان.
وتباسىلاردىڭ شىعىنى تۇرعىنداردى دەتسيلدى توپتارعا ءبولۋ كەزىندە ۇلكەن ايىرماشىلىقتى كورسەتەدى.
مىسالى, بيىل ءبىرىنشى توقساندا از قامتىلعان تۇرعىنداردىڭ 10 پايىزى مەن قامتۋ دەڭگەيى جوعارى تۇرعىنداردىڭ 10 پايىزىنىڭ شىعىن مولشەرىندە 5,8 ەسەلەك ايىرماشىلىق بولعان: ورتا ەسەپپەن ءبىر ادامعا ەسەپتەگەندە 26,8 مىڭ جانە 156 مىڭ تەڭگە.
سونىمەن قاتار تۇتىنۋ شىعىنىنىڭ ايىرماشىلىعى 5,4 ەسەگە تەڭ: ادام باسىنا ەسەپتەگەندە 25,8 مىڭ جانە 139,5 مىڭ تەڭگە. ازىق-ت ۇلىك شىعىنى - 4,3 ەسە, اقىلى قىزمەت - 5,6 ەسە, كيىم, ماتا جانە اياق-كيىم شىعىنىندا 5,1 ەسە ايىرماشىلىق بار.
