ءىس-شاراعا قحا توراعاسىنىڭ ورىنباسارى - قر ءپا قحا حاتشىلىعىنىڭ مەڭگەرۋشىسى مارات ءازىلحانوۆ, قر ءبىلىم جانە عىلىم ۆيتسە-ءمينيسترى قۋانىش ەرعاليەۆ, قر مادەنيەت جانە سپورت ۆيتسە-ءمينيسترى نۇرعيسا داۋەشوۆ, قر اقدم ەتنوسارالىق قاتىناستاردى دامىتۋ كوميتەتىنىڭ توراعاسى عالىم شويكين, قر پرەزيدەنتى جانىنداعى قسزي ديرەكتورى زارەما شاۋكەنوۆا, ە. ا. بۋكەتوۆ ات. قارمۋ رەكتورى ن. دۋلاتبەكوۆ, قحا عەك ءتورايىمى ا. سادۋاقاسوۆا; قحا عىلىمي-ساراپشىلىق كەڭەسى مەن عىلىمي-ساراپشىلىق توپتارىنىڭ مۇشەلەرى جانە ت. ب. ونلاين-قوسۋ ارقىلى قاتىستى.
قاتىسۋشىلار قحا-نىڭ ەل تاۋەلسىزدىگىن نىعايتۋدا قوسقان ۇلەسىن اتاپ ءوتتى.
سونداي-اق ولار قحا عىلىمي-ساراپشىلىق قوعامداستىعى قىزمەتىنىڭ جاڭا تاسىلدەرى مەن پەرسپەكتيۆالارىن, قحا ۇەج مۇشەلەرىن روتاتسيالاۋ ماسەلەلەرىن تالقىلادى.
م.ءازىلحانوۆ عالىمدار مەن ساراپشىلاردىڭ ۇلتتىق دامۋدىڭ تەرەڭ پروتسەستەرىن زەردەلەۋ, مەملەكەتتىك ساياساتتى ىسكە اسىرۋدىڭ ءتيىمدى جولدارى مەن تەتىكتەرىن ىزدەستىرۋ جانە ازىرلەۋ بويىنشا ماڭىزدى ميسسيانى اتقاراتىنىنا جانە ستراتەگيالىق مىندەتتى ورىندايتىنىنا نازار اۋداردى. وسىلايشا, ول عىلىمنىڭ باسىم باعىتتارىن دامىتۋدىڭ, زەرتتەۋ ناتيجەلەرىمەن, سوڭعى جاريالانىمدارمەن الماسۋ بويىنشا ساراپشىلار ءۇشىن اقپاراتتىق بازا مەن ينتەراكتيۆتى الاڭ قۇرۋدىڭ وزەكتىلىگىن اتاپ ءوتتى.
قحا عەك شەڭبەرىندە عىلىمي زەرتتەۋلەر مەن اناليتيكانىڭ قولدانبالى اسپەكتىلەرىن كۇشەيتۋ جونىندەگى عىلىمي-ساراپشىلىق كەڭەستىڭ جۇمىسىن ودان ءارى جەتىلدىرۋ شارالارى ازىرلەندى, جالپى رەسپۋبليكالىق جانە وڭىرلىك ماسەلەلەردى قامتي وتىرىپ, ىرگەلى جانە قولدانبالى زەرتتەۋلەردىڭ باسىم تاقىرىپتارىن قوسا وتىرىپ, بىرىڭعاي ءىس-قيمىل جوسپارىن ازىرلەۋ ۇسىنىلدى.
