تايسويعان – ءتارتىپتى اۋىل

بۇل اۋىلدىڭ وزگە ەلدى مەكەن­دەردەن ايىرما­شىلىعى ­جوق. بىراق وزگەلەرگە ۇلگى ەتۋ­گە بولاتىن­داي ءجونى بار. ويت­كە­نى اۋىل تۇرعىندارىنىڭ ايتۋىن­­شا, ۋچاسكەلىك پوليتسيا ينس­پەكتورلىعىنا پوليتسيا كاپي­تانى عالامات الدانباەۆ تاعا­يىن­دالعالى بىردە-ءبىر بۇزاقىلىق ورىن الماعان. وزگە دە قىلمىس تىركەلمەگەن.
– اۋىلىمىز شاعىن, تۇر­عىن­دار ءبىرىن-ءبىرى جاقسى بىلەدى. مۇن­دا الەۋمەتتىك جاعدايى وتە تو­مەن وتباسىلار جوق. ءتىپتى وت­با­سىلىق كيكىلجىڭ دە بولعان ەمەس. بىلتىر اۋىلىمىزعا قىز­مەتكە كەلگەن ۋچاسكەلىك پوليتسەي تۇرعىندارمەن ءتىل تابىسا الادى. ءار ءۇيدى كۇندەلىكتى ارالايدى. تۇرعىنداردىڭ جاعدايىن ءبىلىپ تۇرادى. قازىر اۋىلىمىزدا بۇزا­قىلىق ساپ تىيىلدى, – دەيدى تايسويعان اۋىلدىق اقساقال­دار كەڭەسىنىڭ توراعاسى تۇزەنباي ءوربىسىنوۆ.
ۋچاسكەلىك پوليتسيا ينس­پەك­­­تورى, پوليتسيا كاپيتا­نى عا­­لا­­مات الدانباەۆ تايسوي­عان­­دا بىل­تىردان بەرى قىز­مەت ات­قا­رادى. ول 2015 جى­لى قى­زىل­قو­عا اۋدان­دىق جەرگى­لىك­تى پو­لي­تسيا قىزمەتى بولىم­شە­سىنە ۋچاس­­كەلىك پولي­تسيا ينس­پەك­­تو­رى­نىڭ كومەكشىسى بولىپ جۇ­مىسقا قا­بىلدانىپتى. سو­دان بەرى الىس اۋدان­داعى قو­عام­دىق ءتارتىپتىڭ ساق­شىسى رە­تىن­دە تاجىريبە جينادى. تاي­­سوي­عان­عا كەلگەنگە دە­يىن­گى قىز­مەت­ىن تاس­شاعىل اۋى­لىندا اتقارعان.
– تايسويعان اۋىلىندا جاع­داي تۇراقتى. قىل­مىستىق وقي­عالار تىركەلگەن جوق. بۇل اۋىل­دا بۇرىن سوتتالعاندار, نە پو­لي­تسيانىڭ پروفيلاكتيكالىق باقى­لاۋ ەسەبىنە الىنعان ادامدار تۇر­مايدى. اۋىل تۇرعىندارى­مەن كەرى بايلانىس ورناتۋ ءۇشىن WhatsApp جەلىسىندە ارنايى چات اشتىم. سول ار­قىلى تۇر­عىن­­­دارمەن ۇنەمى بايلانىس جا­­سايمىن. مىندەتىم – قۇقىق بۇ­زۋ­­شىلىق پەن قىلمىستى بول­دىرماۋ, الدىن الۋ. وسى ماق­­سات ءۇشىن قىزمەت ەتە بەرەمىن, – دەي­دى پولي­تسيا كاپيتانى ع.ال­دانباەۆ.
اۋىل تۇرعىندارىنىڭ ءبى­رى شالقارباي ءىزباسا­روۆتىڭ ايتۋىن­­شا, تايسويعان – اۋەلدەن ىن­­تىماعى جاراسقان, بىرلىگى بە­كەم, تىنىشتىقتى تۋ ەتكەن بەرە­كەلى مەكەن. سونىڭ ناتيجەسىندە تۇرعىندارى تاتۋ, ال اۋىل ءىشى كۇندىز دە, تۇندە دە تىنىش.
– مەملەكەت باسشىسى قاسىم-جومارت توقاەۆ ءوز جولداۋىن­دا «پوليتسيا حالىققا جاقىن, اشىق بولۋى كەرەك» دەپ قاداپ ايتتى. اسىرەسە, ۋچاسكەلىك ينس­پەكتورلاردىڭ مارتەبەسىن كو­تەرۋدى تاپسىردى. وسى ورايدا قىزىلقوعا اۋدانىنىڭ تاي­سويعان اۋىلدىق وكرۋگىندەگى ۋچاس­كەلىك بەكەتتىڭ جۇمىسىن وزگە اۋداندار مەن اكىمشىلىك اۋماق­تارعا ۇلگى ەتۋدى كوزدەپ وتىر­مىز. ءبىزدىڭ ماقساتىمىز – حا­لىقتىڭ پوليتسياعا سەنىمىن ارت­تىرۋ. ويتكەنى پوليتسيا قىز­مەت­كەرلەرىنىڭ جۇمىسىنا با­عانى تۇرعىندار بەرەدى, – دەي­دى وبلىستىق پوليتسيا دەپار­تامەنتىنىڭ باستىعى, پوليتسيا پولكوۆنيگى قامزا ۇمبەتقاليەۆ.

اتىراۋ وبلىسى