پارلامەنتارالىق ديالوگقا تىڭ سەرپىن

كەزدەسۋ بارىسىندا تاراپتار ەكى ەل اراسىنداعى پارلا­مەنت­ارالىق ىنتىماقتاستىقتى ودان ءارى نىعايتۋ ماسەلەلەرىن تال­قىلادى.
ءماجىلىس توراعاسى اتاپ وتكەن­دەي, رەسەي – قازاقستاننىڭ سترا­تەگيالىق ارىپتەسى, سەنىمدى دوسى جانە تاتۋ كورشىسى. قوس مەم­لەكەتتى تامىرىن تەرەڭگە تارت­قان كوپ عاسىرلىق تاريحي ور­تاق تامىرلاستىق بىرىكتىرەدى.
سونداي-اق پالاتا سپيكەرى قوس مەملەكەت اراسىنداعى قا­رىم-قاتىناس قازاقستاننىڭ تۇڭ­عىش پرەزيدەنتى – ەلباسى نۇر­سۇلتان نازارباەۆ پەن رەسەي پرە­زيدەنتى ۆلاديمير ءپۋتيننىڭ ءوزارا سىندارلى كەلىسىمدەرىنىڭ ارقا­سىندا جوعارى دەڭگەيدە دامۋ جولىنا تۇسكەنىن, بۇگىندە مەملەكەت باسشىسى قاسىم-جومارت توقاەۆ ماسكەۋمەن سترا­تەگيالىق سەرىكتەستىكتى ودان ءارى نىعايتۋعا زور كوڭىل بولە­تىنىن اتاپ ءوتتى.
كەزدەسۋ بارىسىندا نۇرلان نىعماتۋلين مارتەبەلى مەي­مانعا ەلىمىزدەگى زاڭ شىعارۋ قىز­مەتىنىڭ جاڭالىقتارى تۋرالى, ساياسي, الەۋمەتتىك, ەكو­نو-
ميكالىق رەفورمالار جا­نە ولاردى زاڭدىق دەڭگەيدە قام­تا­ماسىز ەتۋ بارىسىنداعى جەتىس­تىكتەر جايىندا بايانداپ بەردى.
ءوز كەزەگىندە رەسەي فەدە­را­تسياسى كەڭەسىنىڭ توراعاسى پاندەمياعا قاتىستى شەكتەۋلەردەن كەيىنگى العاشقى ساپارىن ارنايى قازاقستانننان باس­تاپ وتىرعانىن اتاپ ءوتتى.
ۆالەنتينا ماتۆيەنكو قازاق­ستان تاۋەلسىزدىگىنىڭ 30 جىل­دىق مەرەيتويىن ءسوز ەتە كەلىپ, تاريحي ولشەممەن العان­دا از عانا ۋاقىتتىڭ ىشىندە, ءبىزدىڭ مەملەكەتتىڭ ەكونو­مي­كاسى دامىعان, الەمدىك بەدەلى جوعارى, زاماناۋي دەمو­كرا­تيالىق ەلگە اينالعانىن, بۇل قازاقستاننىڭ تۇڭعىش پرەزي­دەنتى نۇرسۇلتان نازارباەۆتىڭ ەرەن ەڭبەگىنىڭ ناتيجەسى ەكە­نىن, قازىرگى ۋاقىتتا پرەزيدەنت قاسىم-جومارت توقاەۆتىڭ باس­شى­لىعىمەن تابىستى جالعا­سىپ كەلە جاتقانىن باسا ايتتى. سونىمەن قاتار ەكى ەل ارا­سىنداعى ءوزارا ءتيىمدى ءىس-ارە­كەتكە, ءوزارا قۇر­مەتكە نە­گىز­­دەلگەن بەرىك ىنتى­ماقتاس­تىق حالىقتارىمىزدىڭ يگىلىگى جو­­لىن­دا الداعى ۋاقىتتا قار­قىندى دامي بەرەتىنىنە توقتال-
دى.
كەزدەسۋگە قاتىسۋشىلار پار­لامەنتارالىق, ونىڭ ىشىن­دە, تمد جانە ۇجىمدىق قاۋىپ­سىزدىك تۋرالى شارت ۇيىمى پار­لامەنتارالىق اسسامبلەيالارى, ەۋروپاداعى قاۋىپسىزدىك جا­نە ىنتىماقتاستىق ۇيىمى, پار­لا­مەنتارالىق وداق اياسىندا ىقپالداستىقتى تەرەڭدەتۋ جو­نىندە اڭگىمەلەدى.
نۇرلان نىعماتۋلين مەن ۆالەنتينا ماتۆيەنكو پار­لا­مەنتارالىق ديالوگ قازاقستان مەن رەسەي اراسىنداعى ءوزارا ىنتىماقتاستىقتى نىعايتۋعا سەرپىن بەرەتىنىنە نازار اۋداردى.