ايماقتار • 28 ماۋسىم، 2021

قوستانايدا قازاقستان-بەلورۋس ىنتىماقتاستىعى ماسەلەلەرى تالقىلاندى

15 رەت كورسەتىلدى

قر پرەمەر-ءمينيسترى اسقار مامين قازاقستانعا جۇمىس ساپارىمەن كەلگەن بەلارۋس رەسپۋبليكاسىنىڭ پرەمەر-ءمينيسترى رومان گولوۆچەنكومەن كەلىسسوز جۇرگىزدى، دەپ حابارلايدى Egemen.kz.

ۇكىمەت باسشىلارى ساۋدا-ەكونوميكالىق، اۋىل شارۋاشىلىعى، ەنەرگەتيكا، كولىك-لوگيستيكا، قۇرىلىس سالالارىنداعى ىنتىماقتاستىقتىڭ، ونەركاسىپتىك كووپەراتسيا مەن ءبىلىم بەرۋدىڭ، سونداي-اق وڭىرلەردىڭ ءوزارا ىنتىماقتاسىعى  ماسەلەلەرىن تالقىلادى.

قوس ەلدىڭ ۇكىمەت باسشىلارى قوستاناي قالاسىنداعى اۋىل شارۋاشىلىعى ماشيناسى ونىمدەرىنىڭ بىرلەسكەن ءوندىرىسىن دامىتۋ جوبالارىمەن تانىستى.  مۇنداعى «اگروماشحولدينگ KZ» اق ء وندىرىس كولەمىن جىلىنا 1 مىڭعا دەيىن ۇلعايتا وتىرىپ، «گومسەلماش» زاۋىتىنىڭ تەحنولوگياسى بويىنشا «ەسىل» كومبايندارىن قۇراستىرادى. زاۋىت قىسقا مەرزىم ىشىندە ءونىمدى جەرگىلىكتەندىرۋ دەڭگەيىن 60%-عا دەيىن جەتكىزۋدى كوزدەپ وتىر. ودان كەيىن اسقار مامين مەن رومان گولوۆچەنكو «متز قازاقستان» كاسىپورنىنىڭ دامۋ جوسپارلارىمەن تانىستى. زاۋىتتا جاڭا كورپۋستاردىڭ قۇرىلىسى ءجۇرىپ جاتىر، بۇل ءوندىرىس كولەمىن جىلىنا 4 مىڭ تراكتورعا دەيىن ارتتىرۋعا مۇمكىندىك بەرەدى. قوستاناي قالاسىنداعى «اگروماشحولدينگ KZ» اق لوكاليزاتسيالاۋ ورتالىعى «كۋۆو» بەلارۋس كومپانياسىمەن بىرلەسىپ، 2022 جىلدىڭ سوڭىندا جىلىنا 30 مىڭ اۋىلشارۋاشىلىق جانە اۆتوموبيل تەحنيكاسىنا ارنالعان كوپ قاباتتى شىنى پاكەتتەر ءوندىرىسىن اشۋدى جانە ونى كەمىندە 70% دەڭگەيدە جەرگىلىكتەندىرۋءدى جوسپارلاپ وتىر. سونداي-اق، قوستاناي قالاسىندا «بەلكارپلاستيك» جشق-نىڭ قاتىسۋىمەن ماشينا جاساۋ سالاسى ءۇشىن كومپوزيتسيالىق ماتەريالداردان جاسالعان بۇيىمدار ءوندىرىسى اشىلادى. تاعى ءبىر ايت كەتەتىن ماڭىزدى ماسەلە، اوك سالاسىندا تاراپتار بەلارۋس تەحنولوگيالارىن تارتا وتىرىپ، قازاقستاندا ءسۇت-تاۋار فەرمالارىن سالۋ بويىنشا ىنتىماقتاستىقتى دامىتۋدى كوزدەپ وتىر. توبىل تورىندە كەزدەسكەن ەكى ەلدىڭ كاسىپكەرلەرى وسىنداي ۋاعدالاستىقتارعا قول جەتكىزدى.

سونىمەن قاتار، قۇرىلىس يندۋسترياسىسالاسىندا دا بىرلەسكەن جوبالار قولعا الىنباق. ماسەلەن، «بەلۆۋددوورس» كومپانياسى مەن «سامۇرىق-قازىنا كونستراكشن» جشس نۇر-سۇلتان قالاسىنىڭ يندۋستريالىق ايماعىندا قۋاتتىلىعى جىلىنا 250 مىڭ ەسىك ءوندىرىسىن اشۋعا نيەتتى. جوبا قۇنى – 5،5 ملرد تەڭگە. الداعى ۋاقىتتا مۇنداي جوبانى الماتى قالاسىندا دا ىسكە اسىرۋ جوسپارلانعان. سونداي-اق قازاقستاندا قۋاتتىلىعى 2 ملن م² بولاتىن كەراميكالىق پليتالاردىڭ بىرلەسكەن ءوندىرىسى اشىلادى.  كەلىسسوزدەر قورىتىندىسى بويىنشا بەلارۋس رەسپۋبليكاسىنا مۇناي جانە مۇناي ونىمدەرىن جەتكىزۋ سالاسىنداعى ساۋدا-ەكونوميكالىق ىنتىماقتاستىق تۋرالى ۇكىمەتارالىق كەلىسىمگە قول قويىلدى.

ەكى ەلدىڭ پرەمەر-مينيسترلەرى قوستاناي قالاسىنداعى «سارىارقااۆتوونەركاسىپ» جشس وندىرىستىك الاڭىندا، سونداي-اق تەمىر كەنىن، ءدولوميتتى، اكتاستى، قۇرىلىس شاعىلتاسىن قايتا وڭدەيتىن ء ىر كاسىپورىن – رۋدنىي قالاسىنداعى «سوكولوۆ-سارىباي تاۋ-كەن بايىتۋ وندىرىستىك بىرلەستىگى» اق-دا بولدى. 

اسقار مامين مەن رومان گولوۆچەنكونىڭ كەزدەسۋى نۇر-سۇلتان قالاسىندا جالعاسىپ، قوس ەلدىڭ ۇكىمەت باسشىلارى ModeX مودۋلدىك ءۇي قۇرىلىسى زاۋىتىندا، «لوكوموتيۆ قۇراستىرۋ زاۋىتى» اق-دا، «استانا» حالىقارالىق قارجى ورتالىعىندا جانە باسقا دا نىسانداردا بولدى.

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار