قازاقستان • 28 ماۋسىم، 2021

قازاقستان مەن اقش اراسىنداعى تىكەلەي رەيس قاشان اشىلادى؟

94 رەت كورسەتىلدى

اقش تاراپى قازاقستاننىڭ تىكەلەي رەيسكە قاتىستى شەشىمىن اسىعا كۇتىپ وتىر. بۇل تۋرالى اقش-تىڭ قازاقستانداعى ەلشىسى ۋيليام موزەر ايتتى، دەپ حابارلايدى Egemen.kz.

«قازاقستاندىقتاردى امەريكاعا جىبەرۋ – مەنىڭ دە كوزدەپ وتىرعان ماقساتىم جانە قازاقستاندىقتار اقش-قا بارىپ، مەنىڭ ەلىمدى، مەملەكەتىمدى تاماشالاپ، ءبىزدىڭ قوعام قالايشا جۇمىس ىستەپ جاتقانىن كورۋى وتە ماڭىزدى. ءبىز ارينە كەلىسىمشارتقا قول قويۋدى اسىعا كۇتۋدەمىز. مۇنى ىسكە اسىرۋ ءۇشىن ۇزاق جىلدار بويى قانشا جۇمىس اتقارىلدى. تالقىلاۋ، يمميگراتسيالىق رەجيمدى قاراستىرۋ جانە امەريكالىقتار قازاقستاندا جۇمىس ىستەي الاتىنى تۋرالى مۇمكىندىكتەر سەكىلدى بىرقاتار شارا ىسكە اسىرىلدى. سونداي-اق تەحنيكالىق ماسەلەلەر دە بار. ءبىز ەشقانداي كەدەرگىلەر بولماۋى ءۇشىن جۇمىس ىستەپ جاتىرمىز»، دەدى ەلشى جۋرناليستەرمەن ونلاين-كەزدەسۋدە.

ايتا كەتەيىك، قر پارلامەنتىنىڭ ءماجىلىسى قازاقستان مەن اقش اراسىندا اۋەتاسىمالىنا رۇقسات بەرەتىن زاڭ جوباسىن قاراستىرىپ جاتىر.

«قازاقستان رەسپۋبليكاسىنىڭ ۇكىمەتى مەن امەريكا قۇراما شتاتتارىنىڭ ۇكىمەتى اراسىنداعى اۋە قاتىناسى تۋرالى كەلىسىمدى راتيفيكاتسيالاۋ تۋرالى» زاڭ جوباسى «تاراپتار تاسىمالداۋشىلار سانى، مەجەلى پۋنكتتەر مەن جيىلىكتەر بويىنشا شەكتەۋسىز ۇشۋدى ورىنداي الاتىن اشىق اسپان قاعيداتتارىن» كوزدەيدى.

 

سوڭعى جاڭالىقتار

اقتاۋدا شارشى الاڭعا كىمدەر شىعادى؟

كاسىپقوي بوكس • بۇگىن، 14:52

اتىراۋدا ەپيدجاعداي ءالى دە كۇردەلى

كوروناۆيرۋس • بۇگىن، 13:50

تۇركىستاندا ۇشەم دۇنيەگە كەلدى

ايماقتار • بۇگىن، 12:50

ەرتەڭ ۇكىمەت وتىرىسى وتەدى

ۇكىمەت • بۇگىن، 11:31

ۇقساس جاڭالىقتار