24 ماۋسىم كۇنى تاڭەرتەڭ پەتروپاۆل پوليتسياسىنا تۇندە بىرەۋلەر Audi س4 اۆتوكولىگىن ايداپ اكەتكەنى تۋرالى قالا تۇرعىنى جۇگىندى. اققايىڭ اۋدانى پوليتسيا ءبولىمىنىڭ قىزمەتكەرلەرى قيالى اۋىلىنىڭ ماڭىنداعى جولدا باعداردا كورسەتىلگەن كولىككە ۇقسايتىن ورتەنگەن اۆتوكولىكتى انىقتادى.
اۋداندىق پوليتسيا ءبولىمىنىڭ باستىعى رۋسلان ساپاروۆتىڭ ايتۋىنشا, كولىك قاسىندا جول-كولىك وقيعاسىندا زارداپ شەككەن ەكى ادام بولعان. ەكەۋى دە جەدەل جاردەممەن اۋدان ورتالىعى سميرنوۆوداعى مەديتسينالىق مەكەمەگە جەتكىزىلدى.
اتالعان فاكتى سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە قر قىلمىستىق كودەكسىنىڭ 200-بابى (اۆتوموبيلدi نەمەسە وزگە دە كولiك قۇرالىن جىمقىرۋ ماقساتىنسىز قۇقىققا سىيىمسىز يەلەنىپ الۋ) بويىنشا ەنگىزىلدى. تەرگەۋ جۇرگىزىلۋدە.
