ەۋروپالىق قايتا قۇرۋ جانە دامۋ بانكىنىڭ بۇرىنعى توراعاسى قازاقستاندا اتقارىپ جۇرگەن جۇمىسى جانە كوشباسشىلىق قابىلەتىمەن بولىسە وتىرىپ, جاستاردىڭ ساۋالىنا جاۋاپ بەردى. رەزەرۆ وكىلدەرى مەملەكەتتى باسقارۋ ىسىندە كەزدەسەتىن كەدەرگىلەرمەن تانىستى.
پرەزيدەنت كەڭەسشىسىنىڭ ايتۋىنشا, بۇل جاستار كەلەشەك مەملەكەتتىك قىزمەتشىلەر, ەل باسقاراتىن تۇلعالار. سوندىقتان ستراتەگيالىق جوسپارلاۋ, اۋماقتىق دامۋ, مەملەكەتتىك باسقارۋ جۇيەسى جانە ەل ەكونوميكاسىنا ينۆەستيتسيا تارتۋ تاسىلدەرىن جەتىك ءبىلۋى قاجەت.
ولجاس ساكەنوۆ, پرەزيدەنتتىك جاستار كادرلىق رەزەرۆىنىڭ مۇشەسى:
– رەزەرۆ مۇشەلەرىنىڭ ساياسي تۇلعالارمەن كەزدەسۋىنىڭ تاعى ءبىر مۇمكىندىگى تۋدى. بۇنىڭ ماڭىزى جاڭا رەفورما, وزگەرىستەرگە سەپتىگىن تيگىزۋ.
اياۋجان ابدۋاليەۆا, پرەزيدەنتتىك جاستار كادرلىق رەزەرۆىنىڭ مۇشەسى:
– كەزدەسۋ بارىسىندا سۇراقتار قويىپ, يدەيالارمەن ءبولىسىپ, تالقىلاۋ بولدى. وسى كىسىنىڭ تاجىريبەسى, قىزمەتتەگى جەتىستىكتەرىن, كوپتەگەن اقپاراتتى ويىمىزعا تۇيدىك.
