مەملەكەت باسشىسى قازاقستان حالقىنىڭ جانە جەكە ءوزىنىڭ اتىنان نيكول پاشينياندى ءوزى باسقاراتىن «گراجدانسكي دوگوۆور» پارتياسىنىڭ كەزەكتەن تىس وتكەن پارلامەنت سايلاۋىنداعى جەڭىسىمەن قۇتتىقتادى.
«داۋىس بەرۋ قورىتىندىسى مەملەكەتتىلىكتى, ۇلتتىق بىرلىكتى نىعايتۋعا جانە ەلدەگى احۋالدى تۇراقتاندىرۋعا باعىتتالعان ءسىزدىڭ ساياسي ۇستانىمىڭىزدى حالىق قولدايتىنىن ايقىن كورسەتتى», دەلىنگەن جەدەلحاتتا.
پرەزيدەنت بىرلەسكەن بەلسەندى كۇش-جىگەردىڭ ارقاسىندا قازاقستان مەن ارمەنيا اراسىنداعى قارىم-قاتىناستار ەكىجاقتى فورماتتا دا, ەۋرازيالىق كەڭىستىكتەگى ەكونوميكالىق ينتەگراتسيا اياسىندا دا نىعايا بەرەتىنىنە سەنىم ءبىلدىردى.
قاسىم-جومارت توقاەۆ نيكول پاشينياننىڭ دوستاس ارمەنيانى وركەندەتۋ جولىنداعى اسا جاۋاپتى مەملەكەتتىك قىزمەتىنە مول تابىس تىلەدى.
