قر-نىڭ «جاسىل ەكونوميكاعا» كوشۋى جونىندەگى 2013-2020 جىلدارعا ارنالعان تۇجىرىمدامانىڭ ءىس-شارالار جوسپارىن ىسكە اسىرۋ بارىسى تۋرالى ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ, الماتى وبلىسىنىڭ اكىمى اماندىق باتالوۆ, قوستاناي وبلىسى اكىمىنىڭ ورىنباسارى ۆيكتور يونەنكو, ەڭ وزىق قولجەتىمدى تەحنولوگيالار انىقتامالىقتارىن ازىرلەۋ تۋرالى «حالىقارالىق جاسىل تەحنولوگيالار مەن ينۆەستيتسيالىق جوبالار ورتالىعى» كەاق باسقارما توراعاسىنىڭ م. ا. جانار يگەنوۆا باياندادى.
قر-نىڭ «جاسىل ەكونوميكاعا» كوشۋى جونىندەگى 2013-2020 جىلدارعا ارنالعان تۇجىرىمدامانى ىسكە اسىرۋ اياسىندا اۋىل شارۋاشىلىعىنداعى ەڭبەك ونىمدىلىگى 4,83 ەسەگە ۇلعايدى, ەلەكتر ەنەرگياسىن وندىرۋدەگى جاڭارتىلاتىن ەنەرگيا كوزدەرىنىڭ (جەك) ۇلەسى 3%-عا دەيىن, گاز ەلەكتر ستانتسيالارىنىڭ ۇلەسى 20,2%-عا دەيىن ارتتى.
قالالاردا ورتالىق اۋىز سۋمەن جابدىقتاۋ جۇيەسى تۇراقتى تۇردە قولجەتىمدى سۋ پايدالانۋشىلاردىڭ ۇلەسى 97,5%-عا, اۋىلدىق جەرلەردە 90,1%-عا جەتتى. ءجىو-ءنىڭ ەنەرگيا سىيىمدىلىعى 2008 جىلعى كورسەتكىشتەن 33,1%-عا تومەندەدى. ورنىقتى دامۋ مىندەتتەرىن ىسكە اسىرۋ ماقساتىندا قازاقستاندا جاڭا ەكولوگيالىق كودەكس قابىلداندى, ول بيىلعى 1 شىلدەدە كۇشىنە ەنەدى جانە ەۋروپالىق وداق ەلدەرىنىڭ تاجىريبەسى بويىنشا ەڭ وزىق قولجەتىمدى تەحنولوگيالار (وقت) كورسەتكىشتەرىن پايدالانۋ ارقىلى كاسىپورىنداردى ءوندىرىستى جاڭعىرتۋعا ىنتالاندىرۋدى كوزدەيدى.
وقت بيۋروسى جۇرگىزگەن قر ونەركاسىبىنىڭ نەگىزگى سالالارى كاسىپورىندارىنىڭ كەشەندى تەحنولوگيالىق ءاۋديتى نەگىزىندە ەڭ وزىق قولجەتىمدى تەحنولوگيالار بويىنشا انىقتامالىقتار ازىرلەنۋدە. تەحنيكالىق جۇمىس توپتارىنىڭ قۇرامىنا ونەركاسىپ كاسىپورىندارىنىڭ, مەملەكەتتىك ورگانداردىڭ, سالالىق جانە ەكولوگيالىق قاۋىمداستىقتاردىڭ, عىلىمي جانە جوبالاۋ ۇيىمدارىنىڭ, جوعارى وقۋ ورىندارىنىڭ 335 وكىلى كىردى.
حالىقارالىق كونسۋلتانتتارمەن ءوزارا ءىس-قيمىل جۇزەگە اسىرىلادى. قازىرگى تاڭدا «ەنەرگيا ءوندىرۋ ماقساتىندا ءىرى قوندىرعىلاردا وتىندى جاعۋ», «مۇناي مەن گازدى قايتا وڭدەۋ», «بەيورگانيكالىق حيميالىق زاتتار ءوندىرىسى», «تسەمەنت جانە اك ءوندىرىسى», «شارۋاشىلىق جانە (نەمەسە) وزگە دە قىزمەتتى جۇزەگە اسىرۋ كەزىندەگى ەنەرگەتيكالىق تيىمدىلىك» انىقتامالىقتارى قارالىپ جاتىر. 2022 جىلعا 9 انىقتامالىق ازىرلەۋ جوسپارلانعان. الداعى كەزەڭدە وقت بويىنشا كەمىندە 30 سالالىق جانە سالاارالىق انىقتامالىقتار ازىرلەۋ جوسپارلانۋدا.
وقت بويىنشا انىقتامالار جانە ءتيىستى قورىتىندىلار قر ۇكىمەتىنىڭ قاۋلىسىمەن بەكىتىلەدى. ۇكىمەت باسشىسى قازاقستاننىڭ پاريج كەلىسىمى بويىنشا قابىلداعان حالىقارالىق مىندەتتەمەلەرىن جانە 2030 جىلعا دەيىنگى تۇراقتى دامۋ سالاسىنداعى كۇن ءتارتىبىن, سونداي-اق ازىرلەنىپ جاتقان «جاسىل قازاقستان» ۇلتتىق جوباسىن ەسكەرە وتىرىپ, قر-نىڭ «جاسىل ەكونوميكاعا» كوشۋى جونىندەگى تۇجىرىمدامانى وزەكتەندىرۋدى تاپسىردى.
