«24 ماۋسىمدا ترياتلون-پاركتە بولعان وقيعاعا بايلانىستى مىنانى اتاپ ءوتۋ ماڭىزدى دەپ سانايمىن. ساياباقتا دوسىممەن سەرۋەندەۋ كەزىندە يتپەن بىرگە كەلە جاتقان قىز جۇگىرۋ جولىمەن قارسى كەلە جاتىر ەكەن. مەن وعان «نەگە ءيتتىڭ تۇمىلدىرىعى جوق» دەپ ەسكەرتۋ جاسادىم. ويتكەنى بۇل باسقا ادامدار ءۇشىن قاۋىپتى بولۋى مۇمكىن دەپ ويلادىم. بۇعان ءبىز جاۋاپ رەتىندە جاعىمسىز جانە دورەكى سوزدەردى ەستىدىك. دورەكى ءسوز تۋرالى قىز ءوزىنىڭ الەۋمەتتىك جەلىلەردەگى پاراقشاسىندا جازدى», دەدى تالعات مۇساباەۆ.
سەناتوردىڭ ايتۋىنشا, قىز پوليتسيا شاقىرعاننان كەيىن ول ءتارتىپ ساقشىلارىنىڭ كەلۋىن كۇتىپ, قاجەت بولعان جاعدايدا زاڭ بويىنشا جاۋاپ بەرۋگە جانە ءوز ءسوزىنىڭ دۇرىستىعىن قورعاۋعا دايىن بولعان.
«پوليتسيا كەلگەننەن كەيىن, ياعني, ءىىم-ءنىڭ ەكى قىزمەتكەرىنە تۇسىنىكتەمە بەردىك. ونىڭ ىشىندە ءوتىنىش بەرۋشى دە تۇسىنىكتەمە بەردى. مەنىڭ تاراپىما سول جەردە زاڭسىز ارەكەتتەر تۋرالى, اسىرەسە قانداي دا ءبىر دەنە جاراقاتىن جاساۋ تۋرالى ايىپتاۋلار بولعان جوق. ونىڭ ۇستىنە, قىز بىزگە قولىن سوزىپ, كەشىرىم سۇرادى. مەن ونىڭ ۇرىپ-سوعۋ تۋرالى ايىپتاۋلارىن نەگىزسىز دەپ سانايمىن», دەپ قوستى سەناتور.
ەستەرىڭىزگە سالا كەتەيىك, بۇعان دەيىن الينا نۇرتاس حالىق قاھارمانىنىڭ قول كوتەرگەنىن ايتىپ, Instagram جەلىسىندە جازبا قالدىردى.
