الەم • 25 ماۋسىم، 2021

سوعىس تاقىرىبى سىيلىق الدى

18 رەت كورسەتىلدى

الەمدىك ارەناداعى بەدەلدى ادەبي سىيلىقتاردىڭ ءبىرى – حالىقارالىق بۋكەر سىيلىعى. بۇل ماراپاتتىڭ بيىلعى جۇلدەسى فرانتسۋز جازۋشىسى دەۆيد ديوپقا بۇيىردى. بريتاندىق تاۋەلسىز Pushkin Press باسپاۇيىنەن باسىلعان «جان باۋىرىم» (Frère d’âme) رومانى قازىلار القاسىن تاڭعالدىرعان دەسەدى. ايتا كەتەيىك، جەڭىمپاز ەسىمىن كوۆەنتري سوبورىندا وتكەن سالتاناتتى راسىمدە قازىلار القاسىنىڭ توراعاسى، بريتاندىق جازۋشى ليۋسي حيۋز-حاللەتت جاريا ەتكەن ەدى.

مۇنداي ۇلكەن ادەبي سىي­لىقتاردىڭ قازاق قوعامىنا داڭقى مەن داقپىرتى جەتكەنى بولماسا، قالامگەرلەرىمىز قاتىسىپ، جۇلدەلى بولىپ جات­­قان جوق. دەگەنمەن، الەم­دىك كەڭىستىكتەگى اتاۋلى سىيلىقتاردى قانداي تا­­قىرىپتاعى شىعارمالار الىپ جاتقانى قىزىق. ما­سەلەن، اقىن-جازۋشى اننا موسكوۆاكيس فرانتسۋز تىلىنەن اعىلشىنشاعا اۋدارعان (كۇنى كەشە عانا حالىقارالىق بۋكەر سىيلىعىن العان) كىتاپتا دەۆيد ديوپ ءبىرىنشى دۇنيەجۇزىلىك سوعىس جانە وتارشىلدىق كەزەڭدەرى تۋرالى باياندايدى. دەمەك، سوعىس تاقىرىبى ءالى دە جا­­زىلىپ جاتىر ءھام ما­را­پاتقا دا لايىق. ال قازىرگى قازاق ادەبيەتىندە سوعىس تا­قىرىبىن قاۋزاپ جۇرگەن قا­لامگەرلەر بار ما؟.. ال­قيسسا.

كىتاپتىڭ باستى كەيىپكەرى فرانتسيانىڭ بۇرىنعى افري­كالىق كولونيالارىنان كەلگەن كوپتەگەن يمميگرانت سياقتى فرانتسۋزدار قاتا­رىندا ۇرىس جۇرگىزەتىن سە­نەگالدىق سارباز. ديوپتىڭ ءوزى دە پاريجدە تۋعان، بىراق بالالىق شاعىن سەنەگالدا وتكىزگەن سوڭ فرانتسياعا ورال­عان. «جان باۋىرىم» – 55 جاستاعى جازۋشىنىڭ ەكىنشى كىتابى. رومان 2018 جىلى جارىق كورگەن ەدى.

«بۇل – سوعىس، ماحاببات پەن ەسسىزدىك تۋرالى كەرە­مەت اسەر قالدىراتىن كۇشى بار شىعارما. باستى كەيىپ­كەرگە سيقىرمەن اينالىستى دەگەن ايىپ تاعىلىپ، ون­داعى اڭگىمەنىڭ ءوربۋى مەن وقىر­مانعا جەڭىل باياندالۋى نازارىمىزدى ەرەكشە اۋداردى»، دەيدى قازىلار القاسى.

ايتا كەتەيىك، 1969 جىلى نەگىزى قالانعان جانە بۇرىنعى بريتان دوستاستىعى ەلدەرىنىڭ جازۋشىلارىنا جىل سايىن بەرىلەتىن بۋكەر سىيلىعىنان ايىرماشىلىعى – ول 2004 جىلى قۇرىلىپ، 2016 جىل­عا دەيىن ەكى جىلدا ءبىر رەت تاعايىندالىپ كەل­گەن. ەندى جىل سايىن ادە­بيەتتەگى جە­تىستىكتەرى ءۇشىن قالام­گەر­لەرگە بەرىلەدى. اعىلشىن تى­لىنە اۋدارىلعان جانە ۇلى­­بريتانيادا نەمەسە ير­لان­ديادا باسىلعان كەز كەلگەن كىتاپتىڭ اۆتورى جەڭىمپاز بولا الادى. سىيلىققا قوسا 50 000 فۋنت ستەرلينگ (70 800 دوللار) بەرىلەدى. ونى اۆتور مەن اۋدارماشى تەڭ ءبولىپ الادى.

سوڭعى جاڭالىقتار

شىعىس «قىزىل» ايماقتا

ايماقتار • كەشە

تسيفرلى تەڭگە جوباسى تالقىلاندى

ەكونوميكا • 23 شىلدە، 2021

اقپاراتتىق حابارلاما

ەگەمەن قازاقستان • 23 شىلدە، 2021

ۇقساس جاڭالىقتار