قوعام • 24 ماۋسىم، 2021

جۇمىسىنان ايىرىلعان 64 مىڭنان استام ادام تولەم الدى

13 رەت كورسەتىلدى

1 ماۋسىمداعى جاعداي بويىنشا مەملەكەتتىك الەۋمەتتىك ساقتاندىرۋ قورىنان جۇمىسىنان ايىرىلۋىنا بايلانىستى الەۋمەتتىك تولەم الۋشىلاردىڭ سانى 64،4 مىڭ ادامدى قۇرادى، بۇل رەتتە وسى جىلى 39،9 مىڭ ادامعا العاش رەت تولەم تاعايىندالدى، دەپ حابارلايدى Egemen.kz.

قولدانىستاعى زاڭناماعا سايكەس جۇمىستان بوساتىلعان جۇمىسكەرلەر مىندەتتى الەۋمەتتىك ساقتاندىرۋ جۇيەسىنە قاتىسۋ وتىلىنە جانە سوڭعى 24 ايداعى تابىسىنا بايلانىستى 1 ايدان 6 ايعا دەيىن جۇمىسىنان ايىرىلۋى بويىنشا الەۋمەتتىك تولەمدەر الادى. تولەم جوعالعان كىرىستىڭ 40%-ىنا دەيىنگى مولشەردە ماسق قاراجاتى ەسەبىنەن جۇزەگە اسىرىلادى.

تولەم تاعايىنداۋ ءۇشىن جۇمىستان بوساتىلعان جۇمىسكەرگە:

- eGov.kz پورتالىندا اۆتوريزاتسيالانۋ;

- «جۇمىسقا ورنالاستىرۋ جانە جۇمىسپەن قامتۋ» بولىمىندە «جۇمىس ىزدەۋشى ادامداردى تىركەۋ» قىزمەتىن تاڭداۋ;

- ونلاين-قىزمەتكە تاپسىرىس بەرىپ، بارلىق جولداردى تولتىرۋ جانە وعان ەتسق-مەن قول قويىپ، ءوتىنىمدى جىبەرۋ قاجەت;

- ءبىر كۇن ىشىندە تۇرعىلىقتى جەرىڭىزدەگى حالىقتى جۇمىسپەن قامتۋ ورتالىعى (بۇدان ءارى – حجقو) بوس جۇمىس ورىندارىن ۇسىنادى;

- ەگەر جۇمىس تابىلماسا، 3 جۇمىس كۇنى ىشىندە قاشىقتىقتان جۇمىسسىز مارتەبەسى بەرىلەتىن بولادى (قاجەت بولعان جاعدايدا قوسىمشا اقپارات جيناۋ ءۇشىن سىزگە حجقو قىزمەتكەرى حابارلاسادى);

جۇمىسسىز رەتىندە تىركەلۋ تۋرالى مالىمەتتەر بولعان كەزدە ەڭبەكمينىنىڭ اقپاراتتىق جۇيەسى پرواكتيۆتى فورماتتا ماسق-تان تولەمدى تاعايىنداۋ بويىنشا قىزمەت كورسەتۋگە كەلىسۋ ءۇشىن ءموبيلدى تەلەفونعا SMS-حابارلاما جىبەرەدى. كەلىسكەن جاعدايدا SMS-حابارلاماعا جاۋاپ بەرۋ قاجەت. تولەم اۆتوماتتى تۇردە تاعايىندالادى.

ەستەرىڭىزگە سالا كەتەيىك، ماسق قاراجاتى ەسەبىنەن جۇمىستان ايىرىلعان جاعدايدا تولەنەتىن الەۋمەتتىك تولەم جۇمىستان شىعۋ سەبەپتەرىنە قاراماستان جۇزەگە اسىرىلادى جانە جۇمىسسىز ادام جۇمىس ىزدەگەن كەزەڭدە ونى قولداۋعا ارنالعان.

بۇدان بۇرىن حابارلانعانداي، جۇمىسسىزداردى تىركەۋ راسىمدەرىن جەڭىلدەتۋ جانە جۇمىسپەن قامتۋدى قولداۋ بويىنشا مەملەكەتتىك قىزمەتتەر الۋدى جەڭىلدەتۋ ءۇشىن قر ەڭبەك جانە حالىقتى الەۋمەتتىك قورعاۋ مينيسترلىگى ەلەكتروندىق ەڭبەك بيرجاسى (بۇدان ءارى – ەەب) ارقىلى حالىقتى جۇمىسپەن قامتۋ ورتالىقتارىنىڭ قاشىقتىقتان قىزمەت كورسەتۋ فۋنكتسيونالىن ىسكە قوستى.

قازاقستاندىقتار ەەب-تەگى «جەكە كابينەتىندە» جۇمىس ىزدەۋشى ادام نەمەسە جۇمىسسىز رەتىندە ەسەپكە تۇرا الادى جانە تىركەۋدىڭ بارلىق كەزەڭدەرىن قاداعالاي الادى. جۇمىسسىز مارتەبەسىن العاننان كەيىن ازاماتتار (الەۋمەتتىك ساقتاندىرۋ جۇيەسىنە قاتىسۋشىلار) ونلاين رەجيمدە ەەب-دا جۇمىسىنان ايىرىلۋ بويىنشا الەۋمەتتىك تولەمگە ءوتىنىم جىبەرە الادى جانە مەملەكەت سۋبسيديالايتىن جۇمىس ورىندارىنا– جاستار پراكتيكاسىن، الەۋمەتتىك جۇمىس ورىندارىن، قوعامدىق جۇمىستارداعى بوس جۇمىس ورىندارىن ءوز بەتىنشە تاڭداي الادى. جوعارىدا كورسەتىلگەن قىزمەتتەردى ونلاين رەجيمدە الۋ ءۇشىن ەلەكتروندىق تسيفرلىق قولتاڭبانى پايدالانا وتىرىپ، ەەب-دا تىركەۋدەن ءوتۋ قاجەت.

سوڭعى جاڭالىقتار

شىعىس «قىزىل» ايماقتا

ايماقتار • كەشە

تسيفرلى تەڭگە جوباسى تالقىلاندى

ەكونوميكا • 23 شىلدە، 2021

اقپاراتتىق حابارلاما

ەگەمەن قازاقستان • 23 شىلدە، 2021

ۇقساس جاڭالىقتار