قازاقستان ۇلتتىق وليمپيادالىق كوميتەتى وليمپيادالىق قۇندىلىقتارعا ماۋسىم ايىنىن تۇتاستاي ارنادى. بۇل اي حالىقارالىق جانە قازاقستان وليمپيادالىق قوزعالىسىنىڭ ء«بىز بىرگەمىز! تەزىرەك, بيىگىرەك, مىقتىراق - بىرگە» ۇرانى بويىنشا وتكىزىلۋدە.
3ح3 باسكەتبول, ستريتبول, ستريت-ۆوركاۋتەرلەر مەن كانوەشىلەر جانە تەكبول. بۇل سالىستىرمالى تۇردە سپورتتىڭ جاڭا ءتۇرى, فۋتبول مەن ۇستەل تەننيسىنىڭ گيبريدى سانالادى. تەكبولدى ويلاپ شىعارعان كوماندا جاڭا سپورت ءتۇرىن وليمپادا باعدارلاماسىنا ەنگىزۋگە تىرىسۋدا. ودان بولەك, ەلوردانىڭ ەڭ جاس تۇرعىندارىنا ارناپ توكيو-2020 وليمپيادسىنا جولداما يەگەرلەرى, ۇلتتىق قۇراما مۇشەلەرى كيريلل گەراسيمەنكو مەن اناستاسيا لاۆروۆا شەبەرلىك ساباعىن وتكىزدى.
«بارشاڭىزدى حالىقارالىق وليمپيادا كۇنىمەن قۇتتىقتايمىن! وليمپيادا ويىندارىنىڭ باستالۋىنا ءبىر اي قالعانىن ەسكەرسەك, بۇل شىنىمەن دە ماڭىزدى مەرەكە. وليمپيادانىڭ ءبىر جىلعا شەگەرگەننەن كەيىن بۇل ويىنعا قاتىسۋ مۇمكىندىگىن الۋ مەن ءۇشىن ۇلكەن قۋانىش. ال وليمپيادادا اناستاسيا لاۆروۆانىڭ دا باق سىنايتىنى قۋانىشىمىزدى ەسەلەي تۇسەدى. وسىنداي ءىس-شاراعا قاتىسىپ, كىشكەنتاي سپورتشىلاردىڭ قىزىعۋشىلىعىن كورگەنىمە قۋانىشتىمىن. تاعى دا مەرەكەلەرىڭىزبەن!», دەپ قۇتتىقتادى كيريلل گەراسيمەنكو.
Qazsport تەلەارناسى وليمپيادا كۇنىنە تىكەلەي ەفيرىن ارناپ, ەلورداداعى ۋربان-فەستيۆالدى, قۇراما كوماندانىڭ توكيوعا دايىندىعىن جانە ايماقتارداعى سيۋجەتتەردى ەل نازارىنا ۇسىندى. توكيو وليمپياداسىنىڭ باستالۋىنا تۋرا ءبىر اي قالعاندا وتكىزىلگەن مەرەكەنى ەل تۇرعىندارى تىكەلەي ەفيردەن تاماشالادى.
مەدەت تولەنباەۆ, جاس باسكەتبولشى:
- مەن كۇن سايىن جاتتىعامىن. جاز كەزىندە دە جاتتىعۋدى توقتاتپايمىن. ءبىزدىڭ ءوز كوماندامىز بار, اۋلالار بولىپ جارىسامىز. ءبىزدىڭ سپورتشىلاردىڭ وليمپياداداعى ونەرىن ءبارىمىز دە تاماشالايمىز. مەن بوكسشىلارعا, ۆاسيلي لەۆيتكە جانكۇيەرمىن.
بەس وليمپيادا شىعىرشىعى بەس قۇرلىقتى بىلدىرەتىنى سەكىلدى, مەرەكەلىك ەستافەتانى وتكىزۋگە ەلىمىزدىڭ بەس ايماعى اتسالىستى. ولار قازاقستاندىقتاردىڭ بەلسەندى بولىپ, سپورت تۋرادى جاڭا دۇنيەلەرمەن تانىسۋىنا, ءوز مۇمكىندىكتەرىن ارتتىرۋىنا سەبەپكەر بولدى.
جاقىندا الماتىدا سكالولازدار اراسىندا جارىس وتسە, پەتروپاۆدا وليمپيادا چەمپونى الەكساندر ۆينكۋروۆتىڭ قاتىسۋىمەن ۆەلوجارىس ءوتتى, وسكەمەندە ولگا رىپاكوۆانىڭ قاتىسۋمەن جەڭىل اتلەتيكالىق جارىستار ۇيىمداستىرىلسا, اقتاۋدا ادىلبەك نيازىمبەتوۆ پەن ايبەك يماشەۆ بوكس جانە دزيۋدودان شەبەرلىك ساباعىن وتكىزدى.
ۆاسيلي لەۆيت, ريو وليمپياداسىنىڭ جۇلدەگەرى:
«بارشاڭىزدى حالىقارالىق وليمپيادا كۇنىمەن قۇتتىقتايمىن! بۇل قوزعالىسقا كوپتەگەن ەلدەردىڭ قاتىساتىنى جاقسى. وليمپيادالىق كوڭىل-كۇي بۇكىل جاز بويى سەزىلىپ تۇرسا ەكەن, سەبەبى, سپورتشىلار توكيعا اتتانادى. بىزدەر, وليمپياداشىلار, بارشا قازاقستاندىقتاردى سپورتشىلاردى قولداۋعا شاقىرامىز. وليمپيادادا سىزدەردىڭ قولداۋلارىڭىز بىزگە اسا قاجەت».
16 شىلدە كۇنى كوماندانىڭ العاشقى بولىگى توكيوعا اتتانادى. ال ازىرگە وليمپياداشىلار مەن چەمپيوندار بالالارمەن جانە جاستارمەن كەزدەسەدى. سپورتشىلار قازاقستاندىقتاردىڭ ءپاتريوتيزمدى, سپورت پەن دەنساۋلىقتى تاڭدايتىنىنا سەنىمدى.
