ايماقتار • 22 ماۋسىم، 2021

جامبىل وبلىسىندا جۇيەلى جۇمىستار اتقارىلۋدا

70 رەت كورسەتىلدى

قازاقستان رەسپۋبليكاسى پرەزيدەنتىنىڭ جانىنداعى ورتالىق كوممۋنيكاتسيالار قىزمەتىنىڭ الاڭىندا جامبىل وبلىسىنىڭ اكىمى بەردىبەك ساپارباەۆتىڭ قاتىسۋىمەن ءباسپاسوز كونفەرەنتسياسى ءوتتى. اكىم كەزدەسۋدە ءوڭىردىڭ 2021 جىلدىڭ 5 ايىنداعى الەۋمەتتىك-ەكونوميكالىق دامۋ كورسەتكىشتەرى مەن مەملەكەتتىك باعدارلامالاردىڭ ىسكە اسۋ بارىسىنا توقتالدى. سونىمەن قاتار ول مەملەكەت باسشىسى جانە ۇكىمەتتىڭ قولداۋىمەن وڭىردە نەگىزگى الەۋمەتتىك-ەكونوميكالىق كورسەتكىشتەردىڭ وسىمىنە قول جەتكىزىلىپ وتىرعانىن دا ايتتى.

اعىمداعى جىلدىڭ قاڭتار-مامىر ايلارىنىڭ قورىتىندىسى بويىنشا جامبىل وبلىسىندا ەكونوميكانىڭ ءوسىمى 101،6 پا­­يىزدى قۇرادى. نەگىزگى كاپيتالعا 421 ميلليارد تەڭگە ينۆەستيتسيا تارتۋ جوسپارلانعان. جىل باسىنان بەرى 436 ميلليارد تەڭگەگە 11 جوبا ىسكە اسىرىلۋدا. ال بۇگىنگە 74،1 ميلليارد تەڭگەگە 5 جوبا ورىندالعان. سونداي-اق وڭىردە اعىمداعى جىلدىڭ بەس ايىندا «ەڭبەك» باعدارلاماسى اياسىندا جۇمىسپەن قامتۋدىڭ بەلسەندى شارالارىمەن 23200 ادام قامتىلعان. ەسەپتى كەزەڭدە وبلىستا 16400 جاڭا جۇمىس ورنى اشىلسا، ونىڭ ىشىندە 7300  جۇمىس ورنى تۇراقتى. وسىنداي جۇ­مىس­تاردىڭ ناتيجەسىندە جۇ­مىس­­سىزدىق دەڭگەيى 4،9 پا­يىز­دى قۇراعان. سونىمەن قاتار اي­ماق­تاعى اتاۋلى الەۋمەتتىك كو­مەك الۋشىلاردىڭ سانى 69 مىڭ­­نان 50 مىڭ ادامعا دەيىن ازايعان. وبلىستاعى 356 اۋىلدىق ەلدى مەكەننىڭ 70-ءىنىڭ تۇرعىندارى اتاۋلى الەۋمەتتىك كومەك المايدى. سونداي-اق بەردىبەك ساپارباەۆ اگرو­ونەر­كاسىپتىك كەشەنىن دا­مى­تۋعا ءوڭىردىڭ قولايلى­ كليماتتىق جاعدايىن ايتا كەلىپ، اسىرەسە ەگىستىك القاپتارى مەن جايىلىمدىق جەرلەردىڭ بوس جاتپاۋىنا ايرىقشا نازار اۋدارىلىپ وتىرعانىن جەتكىزدى. اكىمنىڭ ايتۋىنشا، وبلىستا ارنايى ازىرلەنگەن كارتانىڭ ناتيجەسىندە پايدالانىلماي جاتقان 41،1 مىڭ گەكتار جەر مەملەكەت مەنشىگىنە قايتارىلعان. ونىڭ 2،1 مىڭ گەكتارى ەگىستىك جەرلەر بولسا، 38،9 مىڭ گەكتارى جايىلىم جەرلەر. سونداي-اق اعىمداعى جىلى وڭىردە ەگىستىك القابى 47 مىڭ گەكتارعا دەيىن ۇلعايىپ، 768،5 مىڭ گەكتارعا جەتكەن.

بريفينگ بارىسىندا بەردىبەك ساپارباەۆ وڭىردە بالىق ءوندىرىسىن 2025 جىلعا قاراي 5 مىڭ تونناعا دەيىن جەتكىزۋ جوسپارلانىپ وتىر­عانىن اتاپ ءوتتى. بۇگىنگى تاڭدا وبلىس اۋماعىندا 142 بالىق شارۋا­شى­لىعى ايدىندارى بولسا، فورەل بالىقتارىن وسىرۋگە ارنالعان 17 تاۋ ۋچاسكەلەرى انىقتالعان. بۇدان بولەك، ازىق-ت ۇلىك تاۋارلارىنىڭ باعاسىن تۇراقتاندىرۋ بويىنشا دا جۇيەلى جۇمىستار اتقارىلۋدا. ول جۇمىستاردىڭ ناتيجەسىنىڭ ءبىر كورىنىسى رەتىندە اشىلعان 29 الەۋمەتتىك دۇكەندى ايتۋعا بولادى. قوسىمشا تاعى وسىنداي 12 ساۋدا ورنىن ىسكە قوسۋ جوس­پارلانۋدا. بۇل ورايدا مەملەكەت باسشىسىنىڭ تاپسىرماسىنا سايكەس وڭىردە جۇزەگە اسىپ جاتقان «القاپتان سورەگە دەيىن» قاناتقاقتى جوباسىنىڭ ماڭىزى زور. ول ءۇشىن 1 ميل­­­ليارد تەڭگە باعىتتالعان. اتالعان جوبا اياسىندا ازىق-ت ۇلىك تاۋارلارىن ساتىپ الۋدى تۇراقتاندىرۋ جانە قامتاماسىز ەتۋ ماقساتىندا ءتورت ساۋدا جەلىلەرى انىقتالىپ، ولارعا ونىمدەر دەلدالدارسىز تىكەلەي جەتكىزىلۋدە. بەردىبەك ساپارباەۆ بەس اي ىشىندە وبلىستا 42 اۋىل شارۋاشىلىعى تاۋار­لارىنىڭ جارمەڭكەسى وتكە­نىن، وندا بار­لى­عى 460 ميل­ليون تەڭگەنىڭ 1104 توننا اۋىلشارۋاشىلىق ءونىمى وتكەرىلگەنىن، ونىمدەر نا­رىق­تاعىدان 15-20 پايىزعا تومەن باعامەن ساتىلعانىن دا ايتتى. سونداي-اق وڭىرلەردى دامىتۋعا ارنالعان مەملەكەتتىك باعدارلامالاردىڭ جەمىسىن جام­بىل­دىقتار دا ايقىن سەزىنۋ­دە ەكەنىن، اسىرەسە تۇرعىن ءۇي قۇرىلىسى جاقسى قارقىنمەن جۇرۋدە ەكەنىن دە جەتكىزدى. جىل باسىنان كۇنى بۇگىنگە دەيىن 204،3 مىڭ شارشى مەتر تۇرعىن ءۇي پايدالانۋعا بەرىلسە، جىل قورىتىندىسىمەن 651 مىڭ شارشى مەتر تۇرعىن ءۇي تۇرعىزۋ جوس­­­پارلانۋدا.

بيىل مەملەكەتتىك باعدارلا­ما­لار اياسىندا وڭىردە 424،8 شا­قىرىم جولدار سالىنىپ، جون­دەۋدەن وتەدى. ناتيجەسىندە، جاق­سى جانە قاناعاتتانارلىق جاع­دايداعى جولدار ۇلەسى 90 پا­يىزدان 93،3 پايىزعا، ەلدى مەكەن كوشەلەرى 77،2 پايىزدان 79،2 پايىزعا ارتادى دەپ كۇتىلۋدە. جىل سوڭىنا دەيىن 44 مىڭ تۇرعىن تۇراتىن 12 اۋىلدىق ەلدى مەكەنگە سۋ قۇبىرى جۇرگىزىلىپ، قامتىلۋ دەڭگەيى 88،7 پايىزعا جەتپەك. سول سەكىلدى 20 ەلدى مەكەنگە گاز تارتىلىپ، گازداندىرۋ ۇلەسى 83،8 پايىزدى قۇرايتىن بولادى. بەردىبەك ساپارباەۆتىڭ ايتۋىنشا، وبلىستا 23 ءبىلىم بەرۋ عيماراتىنىڭ قۇرىلىسى جۇرگىزىلۋدە. ناتيجەسىندە، 1 اپات­تى، 3 ءۇش اۋىسىمدى جانە 2 توزىعى جەتكەن مەكتەپتەردىڭ ماسەلەسى شەشىمىن تاباتىن بولادى. سونداي-اق بۇگىنگى تاڭدا 150 مىڭ جامبىلدىق كوروناۆيرۋسقا قارسى ۆاكتسينا قابىلداعان. وڭىردە س.اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتىنىڭ فيليالى اشىلىپ، Primary Health Care ۇلتتىق قاۋىمداستىعىمەن ىن­تى­ماقتاستىق تۋرالى مەموراندۋم اياسىندا 4 وزىق تاجىريبە ورتالىعى قۇرىلعان. ونىڭ ەكەۋى تاراز قالاسىندا بولسا، قالعان ەكەۋى جامبىل جانە مەركى اۋدان­دارىندا ورنالاسقان. سول سياق­تى، اكىم مەيىربيكە ىسىندەگى مەديتسينالىق كومەكتىڭ ساپاسىن ارتتىرۋ ءۇشىن يننوۆاتسيالىق مەديتسينالىق-الەۋمەتتىك تەحنولوگيالار ەن­گىزىل­گەنىن، وبلىس اۋداندارى جىلجىمالى مەديتسينالىق كەشەن­دە­رىمەن تو­لىق قامتاماسىز ەتىل­گەنىن دە ايتىپ ءوتتى. قازاقستان رەسپۋب­لي­كا­­سىنىڭ تۇڭعىش پرە­زيدەنتى – ەلباسى قورىنىڭ باس­تا­ماسىمەن وبلىستا جامبىل وبلىستىق كوپ­سا­لالى بالالار اۋرۋحاناسىندا 120 توسەكتىك «قام­قورلىق» وڭالتۋ ورتالىعى اشىل­عان. وندا بۇگىنگە دەيىن 620 بالا ەم قا­بىل­داعان. مەديتسي­نالىق مەكە­مە­لەردىڭ ماتەريالدىق بازاسىن نىعايتۋعا جەرگىلىكتى بيۋدجەتتەن 2،6 ميل­­­ليارد تەڭگە قاراس­تىرىلعان.

 بريفينگتە جامبىل وبلىسىندا جۇزەگە اسىپ جارقىن جوبالار تۋرالى دا جان-جاقتى ايتىلدى. ايتالىق، مەملەكەت باسشىسىنىڭ تاپسىرماسىنا سايكەس وبلىستا قولعا الىنعان «بەيبىتشىلىك پەن كەلىسىم» قا­نات­قاقتى جوباسى اياسىندا 347 ازامات تۇراقتى جۇمىسقا ورنالاسىپ، 445 ازاماتقا مەديتسينالىق كومەك كورسەتىلسە، 180 تۇرعىن قايتارىمسىز گرانت الدى. ال وبلىس اكىمىنىڭ باستاماسىمەن جۇزەگە اسىپ جات­قان «اسارلاتىپ ءۇي سالۋ» جوباسىمەن بىلتىر 99 مۇقتاج وتباسى اۋىلداستارىنىڭ كومەگىمەن باسپانالى بولعان. اعىمداعى جىلى تاعى 134 ءۇيدىڭ قۇرىلىسى باستالىپ، بۇگىنگە دەيىن ونىڭ 14-ءى پايدالانۋعا بەرىلگەن. وسىلايشا، جالپى اسارلاتۋ ادىسىمەن 2،3 ميلليارد تەڭگەنىڭ 233 ءۇيى سالىناتىن بولادى. سول سەكىلدى «جومارت تۇلەك» جوباسى شەڭبەرىندە تابىستى تۇلەكتەردىڭ دەمەۋشىلىگىمەن 3 STEAM لابوراتورياسى اشىلىپ، 3 سپورت كەشەنى سالىنعان. تاعى وسىنداي 4 كەشەننىڭ، 6 دەنساۋلىق ساقتاۋ نىسانىنىڭ قۇرىلىسى جوسپارلانۋدا. جالپى، تۇلەكتەر تاراپىنان 2،8 ميلليارد تەڭگەگە 73 ەلدى مەكەندە جوبالار جۇزەگە اسادى دەپ كۇتىلۋدە. سونداي-اق اعىمداعى جىلى جالپى بيزنەستىڭ الەۋمەتتىك جاۋاپكەرشىلىگى قا­عي­­دات­تارىن دامىتۋ اياسىندا «جومارت تۇلەك»، «تارازعا تارتۋ»، «اسار­لاتىپ ءۇي سالۋ» جوبالارى بو­يىنشا بيۋدجەت قاراجاتىنان تىس 26 ميلليارد تەڭگە تارتىلاتىن بولادى. ال بيىل وڭىردە باس­تاۋ العان «تارازعا تارتۋ» جوباسى اياسىندا وبلىس ورتالىعىندا 42 نىساندا اباتتاندىرۋ جانە جوندەۋ جۇمىستارى جۇرۋدە دەسەك، ولاردىڭ قاتارىندا تۇرعىن ۇيلەر مەن بالالارعا ارنالعان ويىن جانە سپورت الاڭشالارى، 21 ساياباق پەن سكۆەر بار. بۇل تۇرعىدا بارلىعى 42 جوبانى جۇزەگە اسىرۋ جوسپارلانعان. ال جۋىردا بەس نىسانداعى جۇمىستار اياقتالىپ، پايدالانۋعا بەرىلدى.

 

جامبىل وبلىسى

سوڭعى جاڭالىقتار

شىعىس «قىزىل» ايماقتا

ايماقتار • كەشە

تسيفرلى تەڭگە جوباسى تالقىلاندى

ەكونوميكا • 23 شىلدە، 2021

اقپاراتتىق حابارلاما

ەگەمەن قازاقستان • 23 شىلدە، 2021

ۇقساس جاڭالىقتار