اتالعان شارا اۋدان اكىمدىگىنىڭ باستاماسى نەگىزىندە جەرگىلىكتى كاسىپكەرلەردىڭ دەمەۋشىلىگىمەن جۇزەگە اسۋدا. بۇگىندە قايتادان تۇلەپ, جاڭعىرعان تۇركىستان ولكەسىنە ساپار قارساڭىندا اۋدان اكىمى نۇرجان كالەندەروۆ جەرگىلىكتى قاريالارمەن كەزدەسىپ, پىكىر الماسقان ەدى. كەزدەسۋ بارىسىندا قاريالار دا وسىنداي يگى ىسكە قولداۋ كورسەتكەن بارشا ازاماتتارعا العىس بىلدىرگەن بولاتىن.
«ەل تاريحىنداعى ەلەۋلى مەرەكە قارساڭىندا قاريالارىمىزعا تۇركى الەمىنىڭ بەسىگى بولعان تۇركىستان قالاسىنا ساياحات جاساتۋدى ءجون كوردىك. كۇنى كەشە سول قارتتارىمىزعا اقجولتاي تىلەپ, تۋريستەر كوپ باراتىن شىرايلى شاھارعا شىعارىپ سالعان ەدىك. تۇركىستاندا بۇرىن بولعانمەن, قالانىڭ تاپ قازىرگى كوركەيگەن كەلبەتىن كورمەگەن اقساقالدار از ۋاقىت ىشىندە شاھاردىڭ جاڭا كەيىپكە ەنىپ, ادام تانىماستاي وزگەرىپ كەتكەندىگىنە وزدەرىنىڭ تاڭقالىستارىن ءبىلدىردى. وسىنداي قۇرمەتكە اۋدانىمىزداعى 7000-عا جۋىق بارلىق زەينەتكەرلەر لايىقتى. ولار بۇگىنگى بەيبىت تە بەرەكەلى كۇن ءۇشىن بەينەت كەشىپ كەلدى», دەيدى نۇرجان كالەندەروۆ.
