پرەزيدەنت • 21 ماۋسىم، 2021

پرەزيدەنت ازىق-ت ۇلىك باعاسىن تومەندەتۋ بويىنشا تاپسىرما بەردى

271 رەت كورسەتىلدى

قاسىم-جومارت توقاەۆقا الەۋمەتتىك ماڭىزى بار ازىق-ت ۇلىك تاۋارلارى نارىعىنداعى احۋالدى تۇراقتاندىرۋ ءۇشىن قابىلدانىپ جاتقان شارالار تۋرالى ەسەپ بەرىلدى، دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.

پرەزيدەنتكە قازاقستانداعى بيرجا ساۋداسىنىڭ دامۋى، قۇرىلىس ماتەريالدارى، تۇرعىن ءۇي، جانار-جاعار ماي نارىقتارىنداعى باعاعا قاتىستى احۋال، سونداي-اق، كىرمە جولدار نارىعىنداعى جاعدايدى تۇراقتاندىرۋ جونىندە مالىمەت بەرىلدى.

سەرىك جۇمانعارين قاسىم-جومارت توقاەۆقا مەملەكەتتىك جانە جەكە وپەراتورلاردىڭ قىزمەتىنە تالداۋ جۇرگىزۋ جونىندەگى تاپسىرماسىنىڭ ورىندالۋ ناتيجەلەرى تۋرالى باياندادى. سونداي-اق،  جۇمىس ىستەپ تۇرعان قازىرگى قۇرىلىمداردى وڭتايلاندىرۋ جونىندەگى ۇسىنىستارىن ايتتى. بولجام بويىنشا ولار 3،5 ميلليارد تەڭگە ەكونوميكالىق پايدا اكەلەدى.

سونىمەن قاتار مەملەكەت باسشىسىنا فارماتسەۆتيكا، اۆتوجولدار قۇرىلىسى نارىقتارىنداعى، دەنساۋلىق ساقتاۋ سالاسىنداعى مونوپولياعا قارسى ارەكەت ەتۋ شارالارى تۋرالى ايتىلدى. سالالىق ۆەدومستۆونىڭ جەتەكشىسى پرەزيدەنتكە باسەكەلەستىكتىڭ دامۋىنا كەدەرگى كەلتىرەتىن شەكتەۋلەردى جويۋ ءۇشىن اۋىل شارۋاشىلىعى مينيسترلىگىمەن بىرلەسىپ قابىلداپ جاتقان شارالار، ۇلتتىق جوبا جانە باسەكەلەستىكتى دامىتۋ جونىندەگى زاڭ جوباسى بويىنشا اتقارىلىپ جاتقان جۇمىستار جايىندا ايتتى.

قاسىم-جومارت توقاەۆ  ازىق-ت ۇلىك جانە باسقا دا تاۋارلاردىڭ باعاسىن  تومەندەتۋ جونىندە جۇيەلى شارالار قابىلداۋدى تاپسىردى. اتاپ ايتقاندا قاسىم-جومارت توقاەۆ نەگىزگى ازىق-ت ۇلىك ءوندىرىسى كولەمىن ۇلعايتۋ، وتاندىق تاۋار وندىرۋشىلەرگە مەملەكەتتىك قولداۋ شارالارىنىڭ قولجەتىمدىلىگىن قامتاماسىز ەتۋ، حالىقتىڭ الەۋمەتتىك جاعدايى ناشار توپتارىنا قولداۋ كورسەتۋ قاجەت دەپ سانايدى.

سوڭعى جاڭالىقتار

«ساتەمىر حان» كىم؟

رۋحانيات • كەشە

«ەسىل وزەن»

ونەر • كەشە

تاسادا قالعان تۇلعا

تاريح • كەشە

ساحنا سۋرەتكەرى

ونەر • كەشە

ۇقساس جاڭالىقتار