ۇكىمەت • 21 ماۋسىم، 2021

اسقار مامين 2020 جىلدىڭ داعدارىسقا تولى كەزەڭ بولعانىن ايتتى

10 رەت كورسەتىلدى

2020 جىل – سوڭعى 100 جىلداعى ەڭ داعدارىستىق كەزەڭ بولدى. بۇل تۋرالى قر پارلامەنتى پالاتالارىنىڭ بىرلەسكەن وتىرىسىندا پرەمەر-مينيستر اسقار مامين ايتتى، دەپ حابارلايدى Egemen.kz.

«قر تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆتىڭ ستراتەگيالىق باعىتىنا جانە مەملەكەت باسشىسى قاسىم-جومارت كەمەل ۇلى توقاەۆ بەلگىلەگەن مىندەتتەرگە سايكەس ۇكىمەت ەلدىڭ الەۋمەتتىك-ەكونوميكالىق تۇراقتىلىعىن قامتاماسىز ەتۋ بويىنشا پارلامەنتپەن بىرلەسىپ، ءتيىمدى جۇمىس جۇرگىزۋدە.

2020 جىل – حالىقارالىق ساراپشىلاردىڭ باعالاۋى بويىنشا سوڭعى 100 جىلداعى ەڭ داعدارىستىق كەزەڭ بولدى. كوروناۆيرۋس پاندەمياسى الەمدىك ەكونوميكانىڭ دامۋ جاعدايىن جانە ونىڭ قۇرىلىمىن تۇبەگەيلى وزگەرتتى. سونىمەن قاتار جاڭا الەۋمەتتىك-ەكونوميكالىق ۇردىستەر قالىپتاستى»، دەدى ۇكىمەت باسشىسى.

ونىڭ ايتۋىنشا، ۇكىمەت قر پارلامەنتىمەن بەلسەندى ءوزارا ءىس-قيمىل جاساي وتىرىپ، وسىنداي كۇردەلى كەزەڭدە، ازاماتتار مەن بيزنەستى قولداۋعا باعىتتالعان اسا ماڭىزدى شەشىمدەردى دەر كەزىندە قابىلدادى. بۇعان قر پارلامەنتى وراسان زور ۇلەس قوستى.

«وسى ءساتتى پايدالانىپ، پارلامەنتتىڭ قوس پالاتاسىنىڭ بارلىق دەپۋتاتتارىنا سىندارلى جانە ناتيجەلى جۇمىس ءۇشىن العىس ايتقىم كەلەدى. اۋقىمدى جانە ۋاقتىلى قولداۋ شارالارىن، سونداي-اق كونترتسيكلدى ماكروەكونوميكالىق ساياساتتى ىسكە اسىرۋ 2020 جىلى قازاقستان ەكونوميكاسىنىڭ تومەندەۋىن 2،6 پايىزعا دەيىن، ال نەگىزگى كاپيتالعا ينۆەستيتسيانىڭ ازايۋىن 3،4 پايىزعا شەكتەۋگە مۇمكىندىك بەردى»، دەدى اسقار مامين.

سوڭعى جاڭالىقتار

«ساتەمىر حان» كىم؟

رۋحانيات • كەشە

«ەسىل وزەن»

ونەر • كەشە

تاسادا قالعان تۇلعا

تاريح • كەشە

ساحنا سۋرەتكەرى

ونەر • كەشە

ۇقساس جاڭالىقتار