ونەر • 21 ماۋسىم، 2021

استانا وپەرا تەاترى ەلوردا كۇنىنە مەرەكەلىك باعدارلاما ازىرلەپ جاتىر

6 رەت كورسەتىلدى

«استانا وپەرا» تەاترى ەلوردا كۇنىنە وراي اۋقىمدى مەرەكەلىك باعدارلاما ازىرلەدى، دەپ حابارلايدى Egemen.kz.

قالا تۇرعىندارىنا ارنالعان جارقىن سىيلاردىڭ ءبىرى – الەمنىڭ 5 ەلىنەن كەلگەن اتاقتى ارتىستەردىڭ قاتىسۋىمەن گ.دونيتسەتتيدىڭ «دون پاسكۋالە» وپەراسىنىڭ تەگىن كورسەتىلىمى.

سوليستەر «استانا وپەرا» تەاترىنىڭ ساحناسىندا عانا ەمەس، سونداي-اق اشىق الاڭدارداعى ونەر كورسەتۋلەرىنە دە بەلسەندى دايىندالۋدا. وسىلايشا، كورەرمەن قاۋىم ءوز باسىمدىقتارىن وپەرا، بالەت نەمەسە كونتسەرت جانرىنا بەرە الادى.

استانا كۇنىن مەرەكەلەۋ اياسىندا 4 شىلدە ساعات 18:00-دە تەاتردىڭ ۇلكەن زالى ساحناسىندا «استانا وپەرا» حالىقارالىق وپەرا اكادەمياسىنىڭ اشىلۋىنا وراي سالتاناتتى گالا-وپەرا وتەدى.

كونتسەرتكە مارياندجەلا سيتسيليا، ماەسترو دجۋزەپپە اكۋاۆيۆا، فرانچەسكو مەلي، ماتتيا روسسي (يتاليا)، ليبۋشە سانتوريسوۆا (چەحيا)، الەكسەي شاپوۆالوۆ (رەسەي)، بادرال چۋلۋنبااتار (موڭعوليا)، سايان يسين (قازاقستان-قىرعىزستان)، باۋىرجان اندەرجانوۆ (گەرمانيا-قازاقستان)، مەدەت چوتاباەۆ، جۇپار عابدۋللينا، سالتانات احمەتوۆا (قازاقستان) جانە ت.ب. الەمدىك ءارى قازاقستاندىق ونەر جۇلدىزدارى قاتىسادى.

ورىنداۋشىلاردىڭ جۇلدىزدى قۇرامى ورتالىق قالالىق ساياباقتاعى امفيتەاتر ساحناسىندا دا ونەر كورسەتەدى. «استانا وپەرا» تەاترى قر مادەنيەت جانە سپورت مينيسترلىگى جانە نۇر-سۇلتان قالاسىنىڭ اكىمدىگىمەن بىرلەسىپ، 5 شىلدە ساعات 20:00-دە گاەتانو دونيتسەتتيدىڭ ەكى ءبولىمدى «دون پاسكۋالە» وپەراسىن ۇسىنادى.

باستى پارتياداردى ورىنداۋشىلار: نورينا – ليبۋشە سانتوريسوۆا (چەحيا)، ەرنەستو – ەتسۋو دوي (جاپونيا)، مالاتەستا – الەكسەي شاپوۆالوۆ (رەسەي)، دون پاسكۋالە – انتۋان بەرنحەيم (شۆەيتساريا)، كارليتو – ەرۇلان كامەل. ديريجەر – كوررادو ۆالۆو (يتاليا). 

«بۇل مەنىڭ وسىنداي دارىندى حالىقارالىق انشىلەر قۇرامىمەن العاشقى ىنتىماقتاستىعىم. اشىق اسپان استىندا ونەر كورسەتۋ كەزىندە ەڭ قيىنى – انشىلەر مەن وركەستر اراسىنداعى تەڭگەرىمدى تابۋ»، دەپ اتاپ ءوتتى ماەسترو كوررادو ۆالۆو (يتاليا). 

6 شىلدەدە ورتالىق قالالىق ساياباقتاعى امفيتەاتر ساحناسىندا مەرەكەلىك گالا-كونتسەرت وتەدى، وندا «استانا وپەرا» تەاترىنىڭ جەتەكشى وپەرا سوليستەرى، حور ارتىستەرى مەن سيمفونيالىق وركەسترىنىڭ ورىنداۋىندا قازاقستاندىق اۆتورلار مەن باتىس ەۋروپالىق كلاسسيك كومپوزيتورلاردىڭ تانىمال وپەرالىق اريالارى مەن دۋەتتەرى، اسپاپتىق ءارى حورعا ارنالعان شىعارمالارى شىرقالادى.

مەرەكەلىك 6 جانە 7 شىلدە كۇندەرى «استانا وپەرا» ۇلكەن زالىنىڭ ساحناسىندا افيشاعا ەكى بىردەي قويىلىم – «كۇمىس عاسىر بالەتتەرى» توپتاماسىنان م.فوكيننىڭ حورەوگرافياسىنداعى ف.شوپەننىڭ مۋزىكاسىنا «شوپەنيانا» مەن ن.ا.ريمسكي-كورساكوۆتىڭ مۋزىكاسىنا «شەحەرازادا» ءبىر ءبولىمدى بالەتتەرى ەنگىزىلدى.

سوڭعى جاڭالىقتار

ەرتەڭىن ويلاعان ەكپە الادى

كوروناۆيرۋس • بۇگىن، 16:53

ۇقساس جاڭالىقتار