ايماقتار • 18 ماۋسىم، 2021

شقو-دا مەملەكەتتىك مەكەمە ەسەپشىسى 2 ملن تەڭگە بيۋدجەت قارجىسىن جىمقىرعان

324 رەت كورسەتىلدى

شىعىس قازاقستان وبلىسى جارما اۋداندىق ساۋلەت، قالا قۇرىلىسى جانە قۇرىلىس ءبولىمىنىڭ ەسەپشىسى 2 ملن تەڭگە جىمقىرعان، دەپ حابارلايدى Egemen.kz.

بۇل جايلى شقو سىبايلاس جەمقورلىققا قارسى قىزمەتىنىڭ باسشىسى ەرلان جالماعامبەت ونلاين فورماتتا وتكەن جيىن بارىسىندا ايتتى.

«جارما اۋداندىق ساۋلەت، قالا قۇرىلىسى جانە قۇرىلىس ءبولىمىنىڭ ەسەپشىسى 2011-2019 جىلدار ارالىعىندا ءوزىنىڭ كارتوچكالىق شوتىنا 2 ملن تەڭگەنى اۋدارۋ ارقىلى بيۋدجەت قاراجاتىن جىمقىرعان. بۇل قىلمىستىڭ جاسالۋىنىڭ نەگىزگى سەبەپتەرىنىڭ ءبىرى – تىكەلەي باسشىنىڭ الدىن الۋ شارالارىن قولدانباۋى جانە دۇرىس باقىلاۋ جاساماۋى»، دەدى ول.

ونىڭ ايتۋىنشا، جارما اۋدانىنىڭ اكىمدىگى مەن جەرگىلىكتى مەملەكەتتىك ورگانداردىڭ باسشىلىعى وسىعان ۇقساس قۇقىق بۇزۋشىلىقتاردىڭ الدىن الۋ جانە بولدىرماۋ ماقساتىندا پراكتيكالىق ءىس-شارالار وتكىزىپ، قىزمەتكەرلەرىنە سىبايلاس جەمقورلىققا قارسى زاڭناما ەرەجەلەرىن ءتۇسىندىرۋى قاجەت.

بۇدان بولەك، جارما اۋداندىق ءبىلىم ءبولىمىنىڭ جانە ساۋلەت، قالا قۇرىلىسى جانە قۇرىلىس ءبولىمىنىڭ ۆەدومستۆولىق باعىنىستاعى ۇيىمدارىنىڭ بۋحگالتەرلىك ەسەپ جۇرگىزۋىنە جىل سايىنعى تەكسەرۋ كەستەسى بەكىتىلەدى.

 

 

سوڭعى جاڭالىقتار

ۇقساس جاڭالىقتار