ەكولوگيا • 16 ماۋسىم، 2021

ەكى وبلىستا توتەنشە جاعداي رەجيمى ەنگىزىلۋى مۇمكىن

64 رەت كورسەتىلدى

قىزىلوردا مەن ماڭعىستاۋ وبلىستارىندا توتەنشە جاعداي ەنگىزىلۋى مۇمكىن. ءماجىلىس دەپۋتاتتارى وسىنداي باستاما ايتتى، دەپ حابارلايدى Egemen.kz.

دەپۋتاتتاردىڭ ايتۋىنشا، بۇعان وڭىرلەردە مال ازىعىنا قاتىستى جاعدايدىڭ وتە قيىن ەكەنى سەبەپ. وندا اشتان تەك رەسمي مالىمەتتەر بويىنشا، ەكى مىڭعا جۋىق باس قىرىلىپ قالعان. سونىمەن قاتار، الىپساتارلاردىڭ كەسىرىنەن باسقا وبلىستاردان اكەلىنەتىن جەم-ءشوپتى الۋعا كوپ فەرمەردىڭ قالتاسى كوتەرەيدى. مىسالى، ءبىر ورام ءشوپتىڭ باعاسى 17 مىڭ تەڭگەگە دەيىن جەتەدى. بۇل ەلدەگى ورتاشا باعادان ءتورت ەسە قىمبات.

دەپۋتاتتار ۇكىمەتتى شۇعىل شارالار قابىلداۋعا شاقىردى، ولار كوپتەگەن قاراپايىم پروبلەما، ونىڭ ىشىندە جەم-شوپپەن قامتاماسىز ەتۋ رەسپۋبليكادا ءالى كۇنگە دەيىن شەشىلمەگەنىن ايتتى.

ەسكە سالايىق، جەلىدە ماڭعىستاۋ وبلىسىندا اشتان ازىپ كەتكەن جىلقىلاردىڭ سۋرەتتەرى تالقىلانعان بولاتىن. سۋرەتتەردى Facebook قولدانۋشىسى بەردىمۇرات تورەكەنوۆ جاريالادى. ونىڭ ايتۋىنشا، ماڭعىستاۋ وبلىسىنداعى بىرنەشە اۋىلدا جىلقىلار ءولىم اۋزىندا تۇر. تورەكەنوۆتىڭ سوزىنشە، بيىل دالادا جاڭبىر جوق، جايىلىمدار كەۋىپ كەتكەن، جەم جەتىسپەگەننەن جىلقىلارعا بەرەر ازىق جوق.

سوڭعى جاڭالىقتار

جەڭىس داۋىسى

تاريح • كەشە

ەرتەڭىن ويلاعان ەكپە الادى

كوروناۆيرۋس • كەشە

ۇقساس جاڭالىقتار