قازاقستاندىق وقۋ ورتالىقتارى مەن وزگە دە ۇيىمدار كۋرستاردىڭ اۆتورلارى مەن ازىرلەۋشىلەرى بولا الادى. قر ەحاقم ءباسپاسوز قىزمەتىنىڭ مالىمەتىنشە, پورتال ماركەتپلەيس (ونلاين-قىزمەتتەردى ساتىپ الۋ) قاعيداتى بويىنشا ونلاين-كۋرستاردى ۇسىناتىن وقىتۋ الاڭدارىنىڭ قازاقستاندىق انالوگى بولىپ تابىلادى. كەز كەلگەن ازامات تالاپ ەتىلەتىن داعدىلارعا نەمەسە بىلىكتىلىكتى ارتتىرۋ كۋرستارىن وقۋعا قول جەتكىزە الادى.
كۋرستىڭ اۆتورلارى مەن ازىرلەۋشىلەرى زاڭدى تۇلعالار مەن جەكە كاسىپكەرلەردى, سونىڭ ىشىندە وقۋ ورتالىقتارىن, ءبىلىم بەرۋ ۇيىمدارىن تارتۋدى جوسپارلاپ وتىر.
پورتال حالىقتىڭ ءبىلىم دەڭگەيى مەن كاسىبيلىگىن ارتتىرۋ, مانساپتىق دامۋدى ىنتالاندىرۋ جانە ء«ومىر بويى وقىتۋ» تۇجىرىمداماسىن ىلگەرىلەتۋ ماقساتىندا قۇرىلعان. بۇدان بولەك, پورتالدىڭ الەۋمەتتىك ماقساتى جۇمىسسىز ادامداردى جۇمىسقا ورنالاستىرۋ مۇمكىندىكتەرىن جاقسارتۋ ءۇشىن مەملەكەت قاراجاتى ەسەبىنەن وقىتۋ بولىپ تابىلادى. بۇل فۋنكتسيا 2021 جىلدىڭ ەكىنشى جارتىسىندا ىسكە قوسىلادى.
«ەردو» اق مۇددەلى ۇيىمداردى ونلاين-وقىتۋ باعىتىن دامىتۋدا ىنتىماقتاستىققا شاقىرادى. ونلاين كۋرستاردىڭ اۆتورى نەمەسە ازىرلەۋشىسى رەتىندە قاتىسۋ جانە ولاردى پورتال رەسۋرستارىن پايدالانۋ بويىنشا تولەمسىز ورنالاستىرۋ ءۇشىن https://skills.enbek.kz/ سىلتەمەسى بويىنشا تىركەۋدەن ءوتۋ قاجەت. جاڭا باستاعان اۆتورلار مەن ازىرلەۋشىلەر ءۇشىن پورتالدا ونلاين كۋرستاردى قۇرۋ بويىنشا ادىستەمەلىك ۇسىنىمدار جانە ولارعا قويىلاتىن تالاپتار ازىرلەندى جانە ورنالاستىرىلدى.
اۆتورلار ءۇشىن پورتالداعى ارىپتەستىكتىڭ ارتىقشىلىقتارى مىناداي: قوسىمشا پلاتفورمالار مەن سايتتار قۇرۋعا ينۆەستيتسيا سالماي-اق, ەلدىڭ بارلىق مۇددەلى ازاماتتارى ءۇشىن ءسىزدىڭ ونلاين-كۋرستارىڭىزدى ورنالاستىرۋ جانە ىلگەرىلەتۋ; ازاماتتاردى, سونداي-اق جۇمىسسىز ادامداردى وقىتۋ كەزىندە قوسىمشا تابىس كوزىن الۋ مۇمكىندىگى.
