قازاقستان • 16 ماۋسىم، 2021

قازاقستاندا كليماتتىق وزگەرىستەر بويىنشا وڭىرلىك حاب قۇرىلادى

10 رەت كورسەتىلدى

قر ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ «قازاقستان مەن اقش ساۋدا-ەكونوميكالىق قاتىناستارىنا 30 جىل» اتتى قازاقستان-امەريكا ينۆەستيتسيالىق فورۋمىنىڭ وتىرىسىنا قاتىستى، دەپ حابارلايدى Egemen.kz.

مينيستر ءوز سوزىندە «جاسىل» تەحنولوگيالار نارىعىن دامىتۋ ءۇشىن قازاقستان ەكولوگيالىق كودەكس، جاڭارتىلاتىن ەنەرگيا كوزدەرىن پايدالانۋدى قولداۋ تۋرالى زاڭ جانە «جاسىل» ەكونوميكاعا كوشۋ تۇجىرىمداماسى سياقتى بىرقاتار نورماتيۆتىك قۇجاتتاردى قابىلداعانىن ايتتى.

سونىمەن قاتار اقش پرەزيدەنتىنىڭ كليمات جونىندەگى ارنايى وكىلى دجون كەرريمەن ونلاين كەزدەسۋ بارىسىندا قازاقستان تاراپى قازاقستاندا كليمات ماسەلەلەرى بويىنشا ورتالىق ازيانىڭ وڭىرلىك حابىن قۇرۋ تۋرالى باستاما كوتەردى. ماعزۇم مىرزاعاليەۆ قازاقستاندا جاڭا كەن ورىندارىن (ليتي وكسيدى، قۇرامىندا وسمي توتىعى بار مىس قۇمتاس، سونداي-اق قۇرامىندا تانتال بار كەندەر، ونىڭ ىشىندە ىلەسپە نيوبي بار) اشۋ پەرسپەكتيۆالارى بار ەكەنىن اتاپ ءوتىپ، وسى جوبالاردى ىسكە اسىرۋ ءۇشىن اقش-پەن ىنتىماقتاستىقتى كەڭەيتۋ مۇمكىندىگىن قۇپتادى.

سونداي-اق ماعزۇم مىرزاعاليەۆ Tesla، Lucid Motors، Nikola سياقتى امەريكالىق ەلەكتروموبيلدىك كومپانيالاردىڭ جەتەكشى ءرولىن، GM، Ford سياقتى ءىرى اۆتووندىرۋشىلەردىڭ ەلەكتر قوزعالتقىشتارىنا كوشۋ جونىندەگى ۇزاق مەرزىمدى ستراتەگيالارىن ەسكەرە وتىرىپ، قازاقستان تاراپى ليتي-يوندى اككۋمۋلياتورلار وندىرۋگە ارنالعان زاۋىتتار سالۋ بويىنشا امەريكالىق تاراپپەن ىنتىماقتاسۋعا دايىن ەكەنىن اتاپ ءوتتى.

سوڭعى جاڭالىقتار

جەڭىس داۋىسى

تاريح • كەشە

ەرتەڭىن ويلاعان ەكپە الادى

كوروناۆيرۋس • كەشە

ۇقساس جاڭالىقتار