قوعام • 15 ماۋسىم، 2021

1،5 جىلعا سوتتالعان ەكس-شەنەۋنىك التى كۇننەن كەيىن بوستاندىققا شىقتى

93 رەت كورسەتىلدى

قاراعاندىدا اكىمنىڭ بۇرىنعى ورىنباسارى جاقسىلىق شالابەكوۆ بوستاندىققا شىقتى. ول قازىبەك بي اۋداندىق سوتىنىڭ قاۋلىسىنا سايكەس قاماۋدان بوساتىلدى، دەپ حابارلايدى Egemen.kz.

جاقسىلىق شالابەكوۆ ۇكىم جاريالانعاننان كەيىن تۋرا التى كۇن تەمىر توردىڭ ار جاعىندا وتىردى. 14 ماۋسىمدا قازىبەك بي اۋداندىق سوتى ونى جازاسىن وتەپ بولۋىنا بايلانىستى قاماۋدان بوساتۋ تۋرالى قاۋلى شىعاردى. سوت قۇجاتىندا جاقسىلىق شالابەكوۆتىڭ 2020 جىلى 12 قىركۇيەكتەن باستاپ قاماۋدا بولعانى ايتىلعان. ول 13 ماۋسىمدا بوساتىلۋى كەرەك ەدى.

«سوت ۇكىمى بويىنشا، جاقسىلىق شالابەكوۆكە 2020 جىلعى 12 قىركۇيەكتەن باستاپ ۇكىم زاڭدى كۇشىنە ەنگەنگە دەيىن قاۋىپسىزدىگى بارىنشا تومەن مەكەمەدە باس بوستاندىعىنان ايىرۋ تۇرىندەگى جازانى وتەۋدىڭ ەكى كۇنى ءۇشىن كۇزەتپەن ۇستاۋدىڭ ءبىر كۇنى ەسەبىمەن قاماۋدا بولعان ۋاقىتى ەسەپكە الىندى. باس بوستاندىعىنان ايىرۋ تۇرىندەگى جازا مەرزىمى 2021 جىلعى 13 ماۋسىمدا اياقتالدى، ودان ءارى ونى ۇستاۋ زاڭسىز جانە ونىڭ كونستيتۋتسيالىق قۇقىقتارى مەن بوستاندىقتارىن بۇزادى. كورسەتىلگەن جازانى ەسكەرە وتىرىپ، سوتتالعان ادامنىڭ جازا مەرزىمىنىڭ اياقتالۋىنا بايلانىستى ول قاماۋدان دەرەۋ بوساتىلدى»، دەلىنگەن قازىبەك بي اۋداندىق سوتىنىڭ قاۋلىسىندا.

ەسكە سالايىق، قاراعاندى اكىمىنىڭ بۇرىنعى ورىنباسارى جاقسىلىق شالابەكوۆ 120 ميلليون تەڭگە كولەمىندە بيۋدجەت قاراجاتىن جىمقىرعانى ءۇشىن ايىپتالعان بولاتىن. تەرگەۋ نۇسقاسى بويىنشا، ول «نۇرلى جەر» مەملەكەتتىك باعدارلاماسى بويىنشا كوپقاباتتى تۇرعىن ۇيلەر سالۋ ءۇشىن بولىنگەن بيۋدجەت اقشاسىن ۇرلاعان. كەيىن سوتتا تەرگەۋ نۇسقاسى راستالمادى. سوت جاقسىلىق شالابەكوۆكە تاعىلعان ايىپتى قايتا قاراپ، ونىڭ وكىلەتتىگىن اسىرا پايدالانعانى ءۇشىن ايىپتى دەپ تاپتى. 8 ماۋسىمدا قازىبەك بي اۋداندىق سوتى ونى ءبىر جارىم جىلعا باس بوستاندىعىنان ايىردى. بيۋدجەت قاراجاتىن جىمقىردى دەپ ايىپتالعان كاسىپكەر ەرمەك قاسەنوۆكە سوت 5 جىلعا شارتتى تۇردە باس بوستاندىعىنان ايىرۋ جازاسىن تاعايىندادى. سوت ونى الاياقتىق ءۇشىن كىنالى دەپ تاپتى.

سوڭعى جاڭالىقتار

«ساتەمىر حان» كىم؟

رۋحانيات • كەشە

«ەسىل وزەن»

ونەر • كەشە

تاسادا قالعان تۇلعا

تاريح • كەشە

ساحنا سۋرەتكەرى

ونەر • كەشە

ۇقساس جاڭالىقتار