ايماقتار • 15 ماۋسىم، 2021

كاسىپكەرلىككە قوماقتى قارجى ءبولىندى

16 رەت كورسەتىلدى

بيىل قوستاناي وبلىسىندا «باستاۋ-بيزنەس» كاسىپكەرلىكتى قولداۋ جوباسى بويىنشا ءبىلىم الىپ شىققان تۇلەكتەرگە جالپى سوماسى 1 ملرد تەڭگە جەڭىلدەتىلگەن نەسيە ءبولىندى. جىلدىق سىياقىسى 6 پايىزدان اسپايتىن قوماقتى نەسيە قارجىسى جۇمىسپەن قامتۋدىڭ جول كارتاسىن جۇزەگە اسىرۋ اياسىندا قاراستىرىلىپ وتىر.

– بيىل وبلىستا جاڭا كاسىپ باستاعىسى كەلەتىندەر تۇڭعىش رەت جۇمىسپەن قامتۋدىڭ جول كارتاسى اياسىندا نەسيەلەندىرىلەدى. بۇل ماقساتقا رەسپۋبليكا بويىنشا بارلىعى 22،5 ملرد تەڭگە قاراستىرىلعان. سونىڭ 1 ملرد تەڭگەسى قوستاناي وبلىسىنا بۇيىردى. شاعىن نەسيەنىڭ وتەۋ مەرزىمى – 5 جىل. ال مال شارۋاشىلىعىمەن اينالىساتىندار قارىزىن 7 جىلعا دەيىنگى مەرزىم ىشىندە قايتارا الادى. اۋىل جانە شاعىن قالا تۇرعىندارىنا 2500 اەك، ياعني 7 ملن 292 500 تەڭگە، ال قالالار مەن مونوقالالاردا تۇراتىن كاسىپكەرلەرگە 6 500 اەك-كە دەيىن نەسيە بەرىلەدى. سوڭعىلارى 19 ملن-عا جۋىق قارجىنى جەڭىلدىكپەن نەسيەگە الا الادى، – دەدى قوستاناي وبلىستىق كاسىپكەرلەر پالاتاسىنىڭ ساراپشىسى لەيلا اقتاەۆا.

بيىل وڭىردە «باستاۋ-بيزنەس» جوباسى بو­يىنشا 1 250 ادام ءبىلىم الادى دەپ جوسپارلانعان. بۇگىنگە دەيىن 627 تۇرعىن سەرتيفيكات الىپ ۇلگەرسە، 249 ادام وقۋدى جالعاستىرىپ جاتىر. وبلىستىق كاسىپكەرلىكتى قولداۋ پالاتاسىنىڭ مالىمەتىنشە، بيىل جوبانى تامامداعان 170 تۇلەك جەكە كاسىپ اشۋ ماقساتىندا قارجى گرانتتارىنا قول جەتكىزگەن. ال 61 ادام جەڭىلدەتىلگەن نەسيە العان. 14 ماۋسىمنان باستاپ جوبانىڭ ءۇشىنشى لەگىنە قاتىسقىسى كەلەتىندەردەن ءوتىنىش قابىلدانا باستايدى. وعان جۇمىسسىزدار مەن جۇمىسى بار ادامداردىڭ جەكەلەگەن ساناتتارى قاتىسا الادى.
«باستاۋ-بيزنەس» جوباسى اياسىندا كاسىپكەرلىك نەگىزدەرىن مەڭگەرگىسى كەلەتىن تۇرعىندار ءبىلىم كۋرستارىنا قاتىسۋعا جولداما الۋ ءۇشىن اۋەلى جۇمىسپەن قامتۋ ورتالىقتارىنا بارۋى كەرەك.

 

قوستاناي وبلىسى

سوڭعى جاڭالىقتار

ەرتەڭ ۇكىمەت وتىرىسى وتەدى

ۇكىمەت • بۇگىن، 15:00

شاپپا شوت پەن «قۇيرىقتى» پىشاق

ايماقتار • بۇگىن، 08:32

جاڭاوزەندەگى جىلىجاي

ايماقتار • بۇگىن، 08:30

ۇقساس جاڭالىقتار