ەكونوميكا • 14 ماۋسىم، 2021

5 ملن تەڭگەنىڭ گرانتى كىمگە بۇيىرادى؟

63 رەت كورسەتىلدى

بيزنەس سالاسىنا قاتىستى تىڭ يدەياڭىز بار ما؟ قارجىنىڭ ازدىعىنان كەرەمەت باستاماڭىزدى جۇزەگە اسىرا الماي ءجۇرسىز بە؟ وندا «بيزنەستىڭ جول كارتاسى – 2025» باعدارلاماسى اياسىندا وتەتىن بايقاۋعا قاتىسىپ، باق سىناپ كورىڭىز. مەملەكەتتىك قولداۋ شەڭبەرىندە يننوۆاتسيالىق جوبالارعا 2 ملن-نان 5 ملن تەڭگە ارالىعىنداعى گرانتتى ۇتۋعا مۇمكىندىك بەرەتىن بايقاۋدىڭ شارتى ەلوردالىق كاسىپكەرلەرگە ءتۇسىندىرىلدى.

ەلوردالىق كاسىپكەرلەر پالاتاسى نۇر-سۇلتان قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسىمەن بىرلەسىپ، «بيزنەستىڭ جول كارتاسى – 2025» باعدارلاما اياسىنداعى بايقاۋ جونىندە الەۋمەتتىك جەلىدە تىكەلەي ەفير وتكىزدى. وندا پالاتا ديرەكتورىنىڭ ورىنباسارى بەيسەن جولبولديەۆ جانە نۇر-سۇلتان قالاسى ينۆەستيتسيالار جانە كاسىپكەرلىكتى دامىتۋ باسقارماسىنىڭ باس مامانى ايجان نۇرماتوۆا قاجەتتى مالىمەتتەردى ءبولىسىپ، باعدارلاما اياسىنداعى جوبالار تۋرالى كاسىپكەرلەرگە ءتۇسىندىرىپ بەردى.

ايجان نۇرماتوۆانىڭ ايتۋىنشا، 2021 جىلى يننو­ۆاتسيالىق بيزنەس-جوبالاردى گرانتتىق قارجىلاندىرۋعا 345 ملن تەڭگە بولىنگەن. «بيىل بايقاۋعا قاتىسۋعا وتىنىمدەر qoldau.kz پورتالى ارقىلى تەك ونلاين قابىلدانادى. پورتالعا جەكە كاسىپكەرلىك نەمەسە جاۋاپكەرشىلىگى شەكتەۋلى سەرىكتەستىكتىڭ  ەلەكتروندى تسيفرلى قولتاڭباسىمەن عانا كىرۋگە بولادى. وتىنىممەن قوسا، كەرەكتى قۇجاتتىڭ ءبارى PDF فورماتىندا تاپسىرىلۋى كەرەك. گرانت الۋعا ۇكىمەتتىڭ قاۋلىسىمەن بەكىتىلگەن ەكونوميكانىڭ باسىم سەكتورلارىنداعى شاعىن بيزنەس وكىلدەرى ۇمىتكەر بولا الادى (ەكونوميكانىڭ باسىم سەكتورى تىزبەسىن مىنا سىلتەمەدەن كورۋگە بولادى:  https://adilet.zan.kz/rus/docs/P1900000968). گرانت الۋدىڭ باستى شارتى تىڭ بيزنەس-يدەيا، يننوۆاتسيالىق جوبا بولۋى قاجەت جانە جاڭا جۇمىس ورىندارىن قۇرۋعا سەپتىگى ءتيۋى كەرەك»، دەدى ا.نۇرماتوۆا.

بايقاۋعا قاتىسۋعا ۇمىتكەرلەردىڭ «باستاۋ-بيزنەس» نەمەسە «بيزنەس-مەكتەپ» كۋرستارىنان وتكەنىن راستايتىن، مەرزىمى ەكى جىلدان اسپاعان سەرتيفيكاتى، بيزنەس-جوسپارى، مەملەكەتتىك گرانت سوماسىنىڭ 10 پايىزىنان كەم تۇسپەيتىن تەڭ قارجىلاندىرۋ مۇمكىندىگى بارىن راستايتىن قۇجاتى بولۋى مىندەتتى. قالعان قۇجاتتار ءتىزىم بويىنشا انىقتالادى.

«الەۋمەتتىك وسال توپقا جاتاتىن ۇمىتكەرلەرگە جەكە قارجىلاندىرۋ جانە بيزنەس-يدەيانىڭ جاڭاشىلدىعى جونىندەگى تالاپتار قويىلمايدى»، دەيدى باس مامان.

كاسىپكەرلەر ۇتقان گرانت قارجىسىن تاۋارعا، قىزمەت كورسەتۋگە قاجەتتى شيكىزاتتى، ماتەريالداردى ساتىپ الۋعا نەمەسە ماتەريالدىق ەمەس اكتيۆتەر مەن تەحنولوگيالاردى، كەشەندى كاسىپكەرلىك ليتسەنزياعا قۇقىقتاردى الۋعا (فرانچايزينگ) جۇمساي الادى. سونداي-اق زەرتتەۋ­لەرگە، جاڭا تەحنولوگيالاردى ەنگىزۋگە بايلانىستى شىعىنداردى وتەۋگە ارناسا دا بولادى.

«گرانت قاراجاتى ەكى ترانشپەن بولىنەدى. ءبىرىنشى ترانش تولىق يگەرىلگەننەن كەيىن ەكىنشىسى بەرىلەدى. بايقاۋ وتكىزۋ تۋرالى جانە ءوتىنىم قابىلداۋدىڭ ناقتى ۋاقىتى جونىندە جەكەلەي حابارلايمىز»، دەيدى ا.نۇرماتوۆا.

نۇر-سۇلتان قالالىق كاسىپكەرلەر پالاتاسى بەرگەن مالىمەت بويىنشا، بىلتىر جالپى سوماسى 250 ملن تەڭگەنى قۇرايتىن 5 ملن تەڭگەگە دەيىنگى گرانتتى 57 كاسىپكەر العان ەكەن.

سوڭعى جاڭالىقتار

ەرتەڭ ۇكىمەت وتىرىسى وتەدى

ۇكىمەت • بۇگىن، 15:00

شاپپا شوت پەن «قۇيرىقتى» پىشاق

ايماقتار • بۇگىن، 08:32

جاڭاوزەندەگى جىلىجاي

ايماقتار • بۇگىن، 08:30

توي تويلاۋ توقتاماي تۇر

كوروناۆيرۋس • بۇگىن، 08:24

تاۋار اينالىمىندا ءوسىم بار

ەكونوميكا • بۇگىن، 08:12

ۇقساس جاڭالىقتار