قوعام • 14 ماۋسىم، 2021

الماتىدا 31 مىڭ جاڭا جۇمىس ورنى اشىلدى

30 رەت كورسەتىلدى

الماتى اكىمىنىڭ ورىنباسارى ءىلياس وسەروۆ وڭىرلىك كوممۋنيكاتسيالار قىزمەتىنىڭ ونلاين ءباسپاسوز-كونفەرەنتسياسىندا شوب قولداۋ مەن قالا تۇرعىندارىن جۇمىسپەن قامتۋ شارالارى تۋرالى مالىمدەدى، دەپ حابارلايدى Egemen.kz.

ءىلياس وسەروۆتىڭ مالىمەتى بويىنشا، اعىمداعى جىلدىڭ 1 ماۋسىمىنا الماتىدا 31 مىڭ جۇمىس ورنى اشىلدى. بۇل رەتتە قالا بويىنشا ورتاشا جالاقى رەسپۋبليكالىق دەڭگەيدەن 16،3%-عا جوعارى جانە جىل سايىن ءوسىپ كەلەدى.

اعىمداعى جىلى شوب جەڭىلدىكپەن نەسيەلەندىرۋ قۇرالدارى كەڭەيدى، بۇل قالا تۇرعىندارىنىڭ جۇمىسپەن قامتىلۋىنا وڭ اسەرىن تيگىزدى. نەسيەنى جەڭىلدىك شارتتارمەن قايتا قارجىلاندىرۋ، سونداي-اق نەسيەلەر بويىنشا مەرزىمىن ۇزارتۋ مۇمكىندىگى بەرىلدى. زارداپ شەككەن سالالار ءۇشىن سالىقتىق ىنتالاندىرۋ شارالارى قابىلداندى.

قولداۋ باعدارلامالارىنىڭ ارقاسىندا شاعىن جانە ورتا كاسىپكەرلىكتىڭ جۇمىس جاسايتىن سۋبەكتىلەرىنىڭ سانى شامامەن 1%-عا ءوستى.

2020 جىلى 74 مىڭنان استام كاسىپكەر سالىقتىق جەڭىلدىكتەرگە يە بولدى. زارداپ شەككەن سالالاردىڭ 3 مىڭ قارىز الۋشىلارىنىڭ نەسيەلەرى كەيىنگە قالدىرىلدى، 300-دەن استام كاسىپكەر كوممۋنالدىق مەنشىك نىساندارىندا جالداۋ اقىلارىن تولەۋدەن بوساتىلدى. ارزان مولشەرلەمە بويىنشا كاسىپكەرلەردىڭ 1 مىڭنان استام جوبالارى قارجىلاندىرىلدى.

«كاسىپكەرلەردىڭ ءتيىمدى جۇمىس ىستەۋى ءۇشىن ءبىز نارىققا قاتىسۋشىلار اراسىندا ءوزارا ءتيىمدى جانە ۇزاق مەرزىمدى ەكونوميكالىق قارىم-قاتىناستى قالىپتاستىرۋ ءۇشىن جاعداي جاسايمىز»، دەدى ول.

ماسەلەن، الماتى بانكتەرى 3 ترلن تەڭگەدەن استام نەسيە بەردى. ونىڭ ىشىندە 643،9 ملرد تەڭگەنى شاعىن كاسىپكەرلىك ءۇشىن نەسيەلەر قۇرادى. جالپى، جىل باسىنان بەرى شاعىن بيزنەستى نەسيەلەۋ 2،6 ەسە ارتتى.

«جوعارى تابىستى جۇمىس ورىندارىن قۇرۋ ءۇشىن ءبىز ەكونوميكادا قۇرىلىمدىق مانەۆر جاساۋعا كىرىستىك. بۇل قۇرىلىمدىق مانەۆر باسىم سالالاردى دامىتۋ كورىنىس تاپقان الماتى-2050 ستراتەگياسىندا قاراستىرىلعان. تۋريزم، تسيفرلاندىرۋ، كرەاتيۆتى ەكونوميكا سالالارى دامۋدىڭ باستى سالالارى بولىپ بەلگىلەندى»، دەپ اتاپ ءوتتى وسەروۆ.

سوڭعى جاڭالىقتار

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار