قازاقستان • 12 ماۋسىم، 2021

مادەنيەت ءمينيسترى: جاستار كادرلىق رەزەرۆى – وزىق كوزقاراستار مەن يدەيالاردىڭ تاسىمالداۋشىلارى

51 رەت كورسەتىلدى

مادەنيەت جانە سپورت ءمينيسترى اقتوتى رايىمقۇلوۆا پرەزيدەنتتىك جاستار كادر رەزەرۆىنىڭ فورۋمىنا قاتىستى. مينيستر تاۋەلسىزدىك جىلدارىندا ادام رەسۋرستارىن دامىتۋ جانە ادامي كاپيتالعا قوسقان ۇلەس قازاقستاننىڭ الەۋمەتتىك-ەكونوميكالىق ساياساتىنىڭ نەگىزگى باسىمدىعى بولعانىنا توقتالدى.

«تۇڭعىش پرەزيدەنت – ەلباسى نۇرسۇلتان نازارباەۆ ادامي كاپيتالدى دامىتۋ – ورنىقتى ەكونوميكالىق دامۋدىڭ نەگىزى جانە يننوۆاتسيانىڭ باستى قوزعالتقىش كۇشى ەكەنىن ءاردايىم اتاپ وتەدى. جاھاندىق باسەكەلەستىككە ءوز ادامي كاپيتالىن ىلگەرىلەتەتىن ەلدەر عانا جەڭىسكە جەتەدى.

مەملەكەت باسشىسى قاسىم-جومارت توقاەۆ مەملەكەتتىك ساياساتتىڭ نەگىزگى كومپونەنتى رەتىندەگى ادامي كاپيتالدىڭ رولىنە ەرەكشە نازار اۋدارادى. پرەزيدەنت ۇلى ويشىل اباي قۇنانباي ۇلىنىڭ 175 جىلدىق مەرەيتويىنا ارنالعان ء«ححى عاسىرداعى اباي جانە قازاقستان» اتتى ماقالاسىندا ادامي كاپيتالدى دامىتۋ، قوعامنىڭ زياتكەرلىك الەۋەتىن قالىپتاستىرۋ مەن جەتىلدىرۋ يدەياسىن بەلگىلەگەنى كەزدەيسوق ەمەس. ابايدىڭ ادام مەن قوعام، ءبىلىم مەن عىلىم، مەملەكەت پەن ۇكىمەت تۋرالى مۇراسى ءوزىنىڭ ماڭىزىلىعىن جوعالتپاي، ءاربىر ءداۋىر ءۇشىن وزەكتى دەپ سەنىممەن ايتۋعا بولادى.

بۇگىنگى تاڭدا ادامي كاپيتال ورتالىق رەسۋرستىق پاراديگما، ەلدىڭ نەگىزگى ستراتەگيالىق جانە باعدارلامالىق قۇجاتتارىنىڭ باسىم باعىتى.

اتاپ ايتقاندا، ەلىمىزدىڭ 2025 جىلعا دەيىنگى دامۋىنىڭ ۇلتتىق جوسپارىندا جانە مەملەكەتتىك باسقارۋدىڭ 2030 جىلعا دەيىنگى جاڭا تۇجىرىمداماسىندا «ادامعا باعدارلانۋ» ۇعىمى ايقىندالعان، ول جۇرگىزىلىپ جاتقان اۋقىمدى رەفورمالار شەڭبەرىندە باستى قۇندىلىق ازامات پەن ولاردىڭ ءال-اۋقاتى ەكەنىن بىلدىرەدى.

مەملەكەت باسشىسىنىڭ باستاماسى بويىنشا پرەزيدەنتتىك جاستار كادرلىق رەزەرۆىنىڭ جاس باسقارۋشىلار پۋلى قۇرىلدى. سول ارقىلى نەعۇرلىم تالانتتى جانە كاسىبي دايارلانعان جاستار ءۇشىن «الەۋمەتتىك ليفت» مۇمكىندىكتەرى جاسالدى.

جاستار كادرلىق رەزەرۆى – بۇل ەڭ الدىمەن وزىق كوزقاراستار مەن يدەيالاردىڭ تاسىمالداۋشىلارى، يننوۆاتسيالىق دامۋدىڭ بەلسەندى جاقتاۋشىلارى. ولاردىڭ باسەكەلەستىكتەگى نەگىزگى ارتىقشىلىقتارى – بۇل زاماناۋي قاجەتتىلىكتىڭ اسەرىنەن تۋىنداعان ءبىلىمى مەن كرەاتيۆتىگى»، دەدى.

وسىدان كەيىن اقتوتى رايىمقۇلوۆا بىرىككەن ۇلتتار ۇيىمىنىڭ باس اسسامبلەياسى 2021 جىلدى تۇراقتى دامۋ ءۇشىن حالىقارالىق كرەاتيۆتى ەكونوميكا جىلى دەپ جاريالاعانىن، وسى باعىتتى دامىتۋ ماقساتىندا ەلىمىزدە مەملەكەت باسشىسىنىڭ تاپسىرماسى بويىنشا كرەاتيۆتى يندۋستريالاردى دامىتۋ تۇجىرىمداماسىن ازىرلەۋ جۇمىسى باستالعانىن جەتكىزدى. 

«كرەاتيۆتى يندۋستريانىڭ نەگىزگى باعىتتارى مادەنيەت پەن ونەر سالاسىن قامتيتىنىن ەسكەرە وتىرىپ، مينيسترلىك تۇجىرىمدامالىق تاسىلدەرىن ازىرلەۋ بويىنشا ۇيىمداستىرىلعان جۇمىسقا بەلسەندى تۇردە تارتىلعان.

جالپى العاندا، كرەاتيۆتى يندۋستريا باعىتى جوعارى الەۋەتكە يە. ول ەل ەكونوميكاسىن دامىتۋدا عانا ەمەس، قازاقستاندى حالىقارالىق ارەنادا ىلگەرىلەتۋگە، دارىندى جاستاردىڭ ءوزىن-ءوزى تانىتۋىنا مۇمكىندىك بەرەدى. بۇگىندە قازاقستاندا ساپالى كرەاتيۆتى ءونىم جاساپ جاتقان ازاماتتار سانى ارتىپ كەلەدى. قازاقستاندىقتار مۋزىكادا، كينورەجيسسۋرادا، ديزايندا، ارحيتەكتۋرادا، ساندە، قولونەردە، جارنامادا، تەلەكوممۋنيكاتسيادا جانە باق-تا وزدەرىنىڭ جەتىستىكتەرىن كورسەتىپ كەلەدى.

سونىمەن قاتار مادەنيەت جانە سپورت مينيسترلىگى «ەلدىڭ زاماناۋي مادەني كەلبەتىن قالىپتاستىرۋ» ۇلتتىق جوباسىنىڭ قۇرامىندا  «ەل رۋحى» جەكە باعىتىن ازىرلەۋ بويىنشا بەلسەندى جۇمىس ىستەپ جاتىر. بۇل باعىت شەڭبەرىندە مادەنيەتتىڭ الەۋمەتتىك-يدەولوگيالىق ميسسياسىن بەكىتۋ جانە وسكەلەڭ ۇرپاقتى تاربيەلەۋ، سونداي-اق كرەاتيۆتى يندۋستريالاردى ىنتالاندىرۋ جولىمەن تالانتتى جاستاردى دامىتۋ ءۇشىن جاعدايلار جاساۋ ارقىلى ۇلتتىق بىرەگەيلىكتى قالىپتاستىرۋعا باعىتتالعان جوبالار ىسكە اسىرىلاتىن بولادى.

ادامي كاپيتالدى دامىتۋدىڭ تاعى ءبىر ماڭىزدى كورسەتكىشى حالىقتىڭ سالاۋاتتى ءومىر سالتى داعدىلارىن قالىپتاستىرۋ. رۋحاني جانە دەنە تاربيەسىن مەكتەپ قابىرعاسىنان قالىپتاستىرۋ قاجەت. بۇقارالىق سپورتتى دامىتۋ مەن سالاۋاتتى ءومىر سالتىن ناسيحاتتاۋ جونىندەگى كەشەندى شارالاردىڭ بارلىعى «دەنى ساۋ ۇلت» ۇلتتىق جوسپارىنىڭ جوباسىندا كورىنىس تاپتى.

مەملەكەت باسشىسى قاسىم-جومارت توقاەۆتىڭ تاپسىرماسىن ورىنداۋ ماقساتىندا العاش رەت بالالار مەن جاسوسپىرىمدەرگە ارنالعان مەملەكەتتىك شىعارماشىلىق جانە سپورتتىق تاپسىرىستار مەحانيزمى ەنگىزىلدى. مەملەكەتتىك شىعارماشىلىق جانە سپورتتىق تاپسىرىستى ىسكە اسىرۋ بيىل 1 مامىردان باستالدى. بۇل شارا 4 جاستان 18 جاسقا دەيىنگى بالالاردىڭ اقىسىز نەگىزدە شىعارماشىلىق ۇيىرمەلەر مەن سپورت سەكتسيالارىنا بارۋىن قامتاماسىز ەتۋگە مۇمكىندىك بەرەدى. كەز-كەلگەن ەكونوميكالىق جۇيەنىڭ ءتيىمدى قىزمەتى ءۇشىن رۋحاني باي، جان-جاقتى ادامي كاپيتالدى قۇرا وتىرىپ، سالاۋاتتى بەينەگە عانا ەمەس، سونىمەن قاتار شىعارماشىلىق دامىتۋعا دا ىقپال ەتەدى. العا قويىلعان مىندەتتەردى ىسكە اسىرۋدا مادەنيەت جانە سپورت مينيسترلىگى ءوز تاراپىنان تالانتتاردى انىقتاۋ مەن ۇلتتىڭ شىعارماشىلىق جانە سپورتتىق الەۋەتىن دامىتۋ بويىنشا جۇمىسىن جالعاستىراتىن بولادى»، دەپ ايتتى مينيستر.

سوڭعى جاڭالىقتار

تۋريستكە دە ءتارتىپ بار

ايماقتار • بۇگىن، 18:06

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار