پرەزيدەنت • 12 ماۋسىم، 2021

مەملەكەت باسشىسى موڭعوليانىڭ جاڭادان سايلانعان پرەزيدەنتىنە قۇتتىقتاۋ جەدەلحاتىن جولدادى

118 رەت كورسەتىلدى

قاسىم-جومارت توقاەۆ ۋحنااگين حۋرەلسۋحتىڭ موڭعوليا پرەزيدەنتى بولىپ سايلانۋىنا بايلانىستى قۇتتىقتاۋ جەدەلحاتىن جولدادى، دەپ حابارلايدى Egemen.kz مەملەكەت ءباسشىسىنىڭ باسپاسوز قىزمەتىنە سىلتەمە جاساپ.

– Ciزدi موڭعوليانىڭ پرەزيدەنتى لاۋازىمىنا سايلانۋىڭىزبەن قازاقستان حالكىنىڭ جانە جەكە ءوزىمنىڭ اتىمنان شىن جۇرەكتەن قۇتتىقتايمىن!

سايلاۋداعى ايقىن جەڭىسىڭىز مەملەكەتىڭىزدىڭ دامۋىنا قوسقان مول ۇلەسىڭىز بەن قاجىرلى ەڭبەگىڭىزدىڭ ناتيجەسى جانە موڭعول حالقىنىڭ وزىڭىزگە ارتقان ۇلكەن سەنىمى دەپ بىلەمىن. وسى رەتتە، ەلىڭىزدىڭ بولاشاعىن جارقىن، مەرەيىن ۇستەم ەتۋگە باعىتتالعان باستامالارىڭىز بەن جوسپارلارىڭىزدىڭ ءاردايىم ءساتتى جۇزەگە اساتىنىنا كامىل سەنەمىن.

قازاقستان مەن موڭعوليا اراسىنداعى ءوزارا قۇرمەت پەن جان-جاقتى ىنتىماقتاستىققا نەگىزدەلگەن ءداستۇرلى قاتىناستاردىڭ ءوpici كەڭەيگەنىن ەرەكشە اتاپ وتەمىن. حالىقتارىمىزدىڭ يگىلىگى ءۇشىن ەكىجاقتى جانە كوپجاقتى فورماتتارداعى ارىپتەستىگىمىزدى دامىتۋدا سىزبەن بىرگە كۇش-جىگەر جۇمساۋعا دايىن ەكەنىمدى ناقتىلايمىن، – دەلىنگەن جەدەلحاتتا.

قاسىم-جومارت توقاەۆ ۋحنااگين حۋرەلسۋحتىڭ اسا جاۋاپتى قىزمەتىنە تولاعاي تابىس، وتباسىنا باياندى باقىت تىلەپ، دوستاس موڭعول حالقىنىڭ ءوسىپ-وركەندەي بەرۋىنە تىلەكتەستىك ءبىلدىردى.

سوڭعى جاڭالىقتار

اقتوبەدە قوقىس پوليگونى ورتەندى

ايماقتار • بۇگىن، 19:58

تۋريستكە دە ءتارتىپ بار

ايماقتار • بۇگىن، 18:06

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار