قازاقستان • 12 ماۋسىم، 2021

ايدا بالاەۆا پرەزيدەنت كادرلىق رەزەرۆى فورۋمىنىڭ قاتىسۋشىلارىمەن كەزدەستى

68 رەت كورسەتىلدى

بۇگىن نۇر-سۇلتاندا پرەزيدەنتتىك جاستار كادرلىق رەزەرۆىنىڭ بەيرەسمي فورۋمى ءوتتى. اقپارات جانە قوعامدىق دامۋ ءمينيسترى ايدا بالاەۆا ءسوز سويلەۋ بارىسىندا مەملەكەتتىك باسقارۋشىلاردىڭ جاڭا بۋىنى مىندەتتەردى ەكپىندى وزگەرىپ وتىراتىن جاعدايلاردا شەشەتىن بولادى دەپ اتاپ ءوتتى، دەپ حابارلايدى Egemen.kz مينيسترلىككە سىلتەمە جاساپ.

«پاندەميا كەزىندە سەنىمدى جانە كاسىبي اقپاراتتى بەرە وتىرىپ، قوعامدا تۇراقتىلىقتى ساقتاۋدىڭ قانشالىقتى ماڭىزدى ەكەنىن كوردىك.

ءبىز كوپتەگەن فەيكتەردى كوردىك، قوعامدا تۇسىنىسپەۋشىلىك بولدى. ءولىم دەڭگەيى جوعارى بولسا دا، ادامدار ۆيرۋس بار، ۆيرۋس قاۋىپتى ەكەندىگىنە سەنبەدى. ارينە، مۇندا اقپاراتتى كاسىبي تۇردە بەرۋ ماڭىزدى بولدى»، دەدى ا.بالاەۆا.

مينيستر سەنىمدى اقپاراتقا نەگىزدەلگەن قوعامدىق پىكىردى قالىپتاستىرۋعا ىقپال ەتەتىن سالالىق جۋرناليستيكانى دامىتۋدىڭ وزەكتىلىگى تۋرالى ايتتى.

«مينيسترلىك 2020 جىلى جۋرناليستيكانى دامىتۋ بويىنشا ارنايى جوسپار قابىلدادى، وندا جۋرناليستەردى دايارلاۋ، قايتا دايارلاۋ جانە بىلىكتىلىگىن ارتتىرۋ ماسەلەلەرى قاراستىرىلعان. سالالىق جۋرناليستيكانىڭ قانشالىقتى ماڭىزدى ەكەنىن كوردىك. وسىعان بايلانىستى ءبىزدىڭ مينيسترلىك مەموراندۋمدارعا قول قويدى، ءتۇرلى سالالار بويىنشا جۋرناليستەردى دايارلاۋعا باعىتتالعان ناقتى سەمينارلار وتۋدە. ءبىرىنشى كەزەكتە بۇل مەديتسينا»، دەدى مينيستر.

سونىمەن قاتار ا.بالاەۆا مينيسترلىكتىڭ جوباسى بولىپ تابىلاتىن Stopfake.kz جالعان اقپاراتپەن كۇرەس جونىندەگى سايتىن پرەزيدەنتتىك كادر رەزەرۆىنىڭ وكىلى جۇرگىزەتىنىن اتاپ ءوتتى.

ايدا بالاەۆا پرەزيدەنتتىك رەزەرۆ مۇشەلەرىنە جۇمىستا تابىس تىلەي وتىرا، «جاڭا جاعدايدا قانداي دا ءبىر سالانى جەتىلدىرۋگە تۇرتكى جانە سەرپىن بولۋى مۇمكىن باستى جوبالار ءبىز ءۇشىن وتە ماڭىزدى. سوندىقتان، مەن سىزدەردى ىنتىماقتاستىققا شاقىرامىن»، دەدى.

 

 

سوڭعى جاڭالىقتار

تۋريستكە دە ءتارتىپ بار

ايماقتار • بۇگىن، 18:06

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار