نۇر-سۇلتان قالاسى سۋرەتشىلەر وداعىنىڭ توراعاسى ءومىرالى يسمايلوۆ كورمەنىڭ اشىلۋ سالتاناتىندا سۋرەتشىلەردىڭ قىلقالامىنان شىققان نەبىر عاجاپ تۋىندىلاردى تاماشالاۋعا شاقىردى.
– مەملەكەتتىك رامىزدەر كۇنىمەن تۇسپا-تۇس كەلگەن «تاۋەلسىزدىك كوكجيەگى» اتتى كورمەنىڭ اشىلۋى وتۋدە. بۇل – سۋرەتشىلەر ءۇشىن ايتۋلى كۇن. قازاقستان رەسپۋبليكاسى تاۋەلسىزدىگىنىڭ 30 جىلدىعىنا ورايلاستىرعان كورمەدە سىزدەر بوياۋ بولمىسىن ۇعۋعا ۇمتىلعان قىلقالام شەبەرلەرىنىڭ تۋىندىلارىن تاماشالايسىزدار. ەلiمiزدە وسىنداي كورمەلەر كوپ بولا بەرسiن, – دەدى ءو.يسمايلوۆ.
اتالعان كورمەدە سۋرەتشىلەردىڭ كەسكىندەمە, گرافيكا جانە ءمۇسىن جانرىنداعى ءارتۇرلى تەحنيكامەن ورىندالعان 60-تان استام تۋىندىلارى ەكسپوزيتسيالاندى. قىلقالام شەبەرلەرى ءوز شىعارماشىلىعىندا قازاقستاننىڭ تاريحىن, مادەنيەتى مەن تابيعاتىن تانىستىردى. شارا بارىسىندا ايماقتان كەلگەن سۋرەتشىلەر ءوزارا پىكىر الماسىپ, وسىنداي كەزدەسۋ ۇيىمداستىرۋعا مۇرىندىق بولعان مۋزەي ۇجىمىنا العىسىن ءبىلدىردى.
ايتا كەتەيىك, «تاۋەلسىزدىك كوكجيەگى» اتتى سۇلۋلىق پەن اسەمدىككە تولى كورمەنى ونەرسۇيەر قاۋىم 28 ماۋسىمعا دەيىن تاماشالاي الادى. كورمەگە ونلاين جانە وففلاين فورماتتا قاتىسۋعا رۇقسات ەتىلگەن.
ءنۇربيبى قادىروۆا
