قازاقستان • 12 ماۋسىم، 2021

«اتامەكەن» رەيتينگى وقۋ ورنى تۋرالى العاشقى پىكىردى قالىپتاستىرادى - ولجاس ورداباەۆ

1210 رەت كورسەتىلدى

«اتامەكەن» ۇلتتىق كاسىپكەرلەر پالاتاسى ءتورتىنشى جىل قاتارىنان قازاقستاندىق جوعارى وقۋ ورىندارىنىڭ ءبىلىم باعدارلامالارىنا رەيتينگ جۇرگىزىپ كەلەدى. 2018-2020 جج. ارالىعىندا قر ءبىلىم جانە عىلىم مينيسترلىگىنىڭ تاپسىرىسىمەن ءۇش رەت جاريالاندى. «اتامەكەن» ۇكپ توراعاسىنىڭ ورىنباسارى ولجاس ورداباەۆ  MEDIA CLUB QAZAQSTAN پلاتفورماسىندا وتكەن ەفيردە رەيتينگ ءتۇرلى تالاپتار بويىنشا جۇرگىزىلۋى كەرەك ەكەنىن ايتتى، دەپ حابارلايدى Egemen.kz.

«رەيتينگ وقۋ ورنى تۋرالى العاشقى پىكىردى قالىپتاستىرادى. ول قانداي تالاپتار بويىنشا جاسالاتىنى وتە ماڭىزدى. ءبىز ءتورتىنشى جىل قاتارىنان ۇسىنىپ جۇرگەن رەيتينگ ەكى تالاپ بويىنشا جۇرگىزىلەدى. ءبىرىنشىسى – تۇلەكتەردىڭ جۇمىسقا ورنالاسۋى، ەكىنشىسى – ءبىلىم باعدارلامالارىنىڭ وزەكتىلىگى. ياعني ستۋدەنت وقىپ جۇرگەندە كەرەك داعدىلاردى قانشالىقتى كوپ مەڭگەرەتىنىن، وقۋ بىتىرگەن سوڭ ءبىر جىل ىشىندە جۇمىس تابۋىنا قانشالىقتى كومەكتەسەتىنىن زەرتتەيدى. «اتامەكەن» رەيتينگى ۋنيۆەرسيتەتتىڭ پوتەنتسيالىن انىقتامايدى. ولار ءار ءتۇرلى تالاپتار بويىنشا جۇرگىزىلۋى كەرەك. «اتامەكەن» ۇكپ رەيتينگى تۇلەكتەردىڭ جۇمىسقا ورنالاسۋ دەڭگەيى بويىنشا جاسالادى»،-دەيدى ولجاس ورداباەۆ.

ەستەرىڭىزگە سالا كەتەيىك، 2020 جىلى «اتامەكەن» ۇكپ جۇرگىزگەن زەرتتەۋ جۇمىسىندا 2 مىڭ ءبىلىم بەرۋ باعدارلاماسى قامتىلدى، 68 مىڭ تۇلەكتىڭ جۇمىسقا تۇرۋىنا تالداۋ جاسالدى. رەيتينگ 108 ۋنيۆەرسيتەت بويىنشا جۇرگىزىلدى.

رەيتينگ ناتيجەسى بويىنشا ەلىمىز بويىنشا ۇزدىك دەپ تانىلعان العاشقى 5 ۋنيۆەرسيتەت:

  1. م. س. نارىكباەۆ اتىنداعى كازگيۋ ۋنيۆەرسيتەتى;
  2. قازاقستان-بريتان ۋنيۆەرسيتەتى;
  3. كيمەپ ۋنيۆەرسيتەتى;
  4. حالىقارالىق اقپاراتتىق تەحنولوگيالار ۋنيۆەرسيتەتى;
  5. قازاقستان-نەمىس ۋنيۆەرسيتەتى.

 

 

 

 

سوڭعى جاڭالىقتار

تۋريستكە دە ءتارتىپ بار

ايماقتار • بۇگىن، 18:06

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار