ءبىلىم • 11 ماۋسىم، 2021

Nazarbayev University ۇلگىسىندەگى ۋنيۆەرسيتەتتەر قاي وڭىرلەردە اشىلادى

82 رەت كورسەتىلدى

قر ءبىلىم جانە عىلىم ءمينيسترى اسحات ايماعامبەتوۆ 2022 جىلى Nazarbayev University ۇلگىسىندەگى ۋنيۆەرسيتەتتەر قاي قالالاردا اشىلاتىنىن ايتىپ بەردى، دەپ حابارلايدى Egemen.kz

«شىنىندا دا، ءبىزدىڭ الدىمىزدا وسىنداي مىندەت تۇر. ەڭ الدىمەن، Nazarbayev University ءتيپى بويىنشا الدىڭعى قاتارلى ەكى جوعارى وقۋ ورنىن قۇرۋ. ەكىنشىسى – 20 اكادەميالىق ارتىقشىلىق ورتالىقتارىن قۇرۋ. بۇل – ەلىمىزدىڭ جوعارى ءبىلىم بەرۋ جۇيەسى ءۇشىن وتە ماڭىزدى جوبالار.

اكادەميالىق ارتىقشىلىق ورتالىقتارى بويىنشا جۇمىستار باستالدى. ورتالىقتار جۇمىس ىستەپ تۇرعان جوو-لار بازاسىندا ولاردىڭ الەۋەتىن، ماتەريالدىق-تەحنيكالىق بازاسىن نىعايتۋ، ءبىلىم بەرۋ باعدارلامالارىن جاقسارتۋ، پروفەسسورلىق-وقىتۋشىلىق قۇرامنىڭ بىلىكتىلىگىن ارتتىرۋ ءۇشىن قۇرىلماق»، دەدى مينيستر ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.

ال وزىق جوعارى وقۋ ورىندارىن اشۋعا شىمكەنت جانە پەتروپاۆل قالالارى تاڭدالعان. «الدىن الا ەكى ءوڭىر انىقتالدى: شىمكەنت جانە پەتروپاۆل قالالارى. قازىر جوبالىق قۇجاتتامانى دايىنداپ جاتىرمىز. ازىرشە بۇل جوو-لار جۇمىس ىستەپ تۇرعان ۋنيۆەرسيتەتتەردىڭ جانىنان ەنشىلەس ۇيىمدار رەتىندە قۇرىلادى. بىراق ولار زاڭدى تۇلعالار بولادى.

ءبىزدىڭ پايىمداۋىمىزشا، ولاردى بىردەي اكادەميالىق ءداستۇرى بار جوو رەتىندە ەمەس، جەكە-جەكە زاڭدى تۇلعا، قىزمەتكەرلەر جيناۋ، مادەنيەت پەن ءداستۇرىن قالىپتاستىرۋ ماڭىزدى. ولاردىڭ ءبىلىم بەرۋ باعدارلاماسىن حالىقارالىق سەرىكتەستەرمەن Nazarbayev University ۇلگىسىندە قۇرۋدى جوسپارلاپ وتىرمىز. ارنايى كورپۋستار اشۋ جوسپارلانعان، وعان قاراجات بولەك بولىنەدى. قازىر ەكى ءوڭىردىڭ اكىمدىكتەرى جەر تەلىمدەرىن ءبولۋ جۇمىستارىن جۇرگىزۋدە. جالپى، وسى جوو-لار دايارلايتىن نەگىزگى باعىتتاردى انىقتالىپ جاتىر. سوندىقتان، جالپى Nazarbayev University جۇمىسىنىڭ تاجىريبەسى پايدالانىلادى»، دەدى اسحات ايماعامبەتوۆ.

ءمينيستردىڭ ايتۋىنشا، ساپا Nazarbayev University ءتيپى بويىنشا بولادى. ول ءۇشىن شەتەلدىك ارىپتەستەر تارتىلادى، حالىقارالىق باعدارلامالاردى اككرەديتتەۋ جۇرگىزىلەدى.

 

 

سوڭعى جاڭالىقتار

اقتوبەدە قوقىس پوليگونى ورتەندى

ايماقتار • بۇگىن، 19:58

تۋريستكە دە ءتارتىپ بار

ايماقتار • بۇگىن، 18:06

دوللار قايتا قىمباتتاي باستادى

ەكونوميكا • بۇگىن، 11:47

ۇقساس جاڭالىقتار