بۇل تۇرعىدا ەلىمىزدە جاس مامانداردى جۇمىسپەن قامتۋعا باعىتتالعان «جاستار تاجىريبەسى» مەملەكەتتىك باعدارلاماسى قولعا الىنعان. بيىلدىڭ وزىندە اتالعان باعدارلامابويىنشا 300-دەن اسا ادامدى ۋاقىتشا جۇمىسقا ورنالاستىرۋ جوسپارلانعان.
كەز كەلگەن جۇمىس بەرۋشى قول استىندا تاجىريبەلى ماماننىڭبولعانىن قالايدى. وسىنداي جاعدايدى باسىنان وتكەرگەن شىمكەنت قالاسىنىڭ تۇرعىنى ۋسەينوۆ شارحاننىڭ ايتۋىنشا, ەڭبەك ءوتىلى بولماسا, وقۋ ورنىن كەشە عانا بىتىرگەن جاستاردىڭ ماماندىعى بويىنشا جۇمىسقا ورنالاسۋى قيىن-اق.
«جوعارعى وقۋ ورنىن ءبىتىرىپ, قولىما ديپلومدى العان سوڭ ءوز ماماندىعىم بويىنشا جۇمىس ىزدەپ, ءبىراز مەكەمەنىڭ تابالدىرىعىن توزدىردىم.ءتۇرلى ورگاندارعا جۇگىندىم. بارلىق جەر مەنەن ەڭبەك ءوتىلىن سۇرادى. وقۋدى جاڭا بىتىرگەن جاس ماماندا ەڭبەك ءوتىلى قايدان بولسىن. ءتىپتى جارتى ايلىققا تاجىريبە جيناۋ ءۇشىن دە ەشقانداي مەكەمە جۇمىسقا المادى», دەيدى ول.
مۇنداي جاعدايعا كوپتەگەن تۇلەك تاپ بولادى. كەشەگى ستۋدەنتتەر ءۇشىن مەملەكەت«جاستار تاجىريبەسى»باعدارلاماسىن ۇسىنادى. بۇل باعدارلاماعا بۇرىن ەشقانداي جەردە جۇمىس جاساماعان, ديپلوم العانىنا 3 جىل بولماعان 29 جاسقا دەيىنگى جاستار قاتىسا الادى. بار بولعانى جۇمىسپەن قامتۋ, الەۋمەتتىك باعدارلامالار جانە ازامماتتىق حال اكتىلەرىن تىركەۋ بولىمىنە بارىپ ءتيىستى قۇجاتتاردى تاپسىرۋى كەرەك.
وسىدان ەكى جىل بۇرىن«جاستار تاجىريبەسى» ارقىلى «ەكى قولعا ءبىر كۇرەك» تاپقانداردىڭ ءبىرى– دياس قاسىموۆ.
«ۋنيۆەرسيتەت بىتىرگەن بەتە اسكەرگە كەتتىم. كەلگەننەن كەيىن بىردەن «جاستار تاجىريبەسى» بويىنشا قۇجات تاپسىردىم. سەبەبى جۇمىس بەرۋشىلەر ەڭبەك ءوتىلىن سۇرايدى. ال بۇل– جاقسى مۇمكىندىك. تاجىريبە جيناقتايسىڭ, ەڭبەكاقى الاسىڭ, زەينەتاقى اۋدارىمدارىڭ ءجۇرىپ جاتادى. اقشاسى از دەمەيمىن, مۇلدەم تولەنبەسە,بۇدان دا جامان بولۋى مۇمكىن ەدى عوي», دەيدىول.
مەملەكەت جاس مامانداردى 6 ايعا جۇمىسقا ورنالاستىرادى. قارجىلاندىرۋ مەملەكەت تاراپىنان بولادى. اي سايىنعىجالاقى – 25 اەك كولەمىندە, ياعني 72 925تەڭگە.
«جاستار تاجىريبەسى»– ەڭبەك جولىن جاڭادان باستاعان جاستارعا تاپتىرماس مۇمكىندىك. جاۋاپتى مامانداردىڭ ايتۋىنشا, باعدارلاماعا قاتىسۋشىلاردىڭ كوبى وزدەرىنجاقسى مامان رەتىندە كورسەتە وتىرىپ, جولداما العان جەرىنە تۇراقتى ورنالاسادى.
2021جىلى ءدال وسى باعدارلاما ارقىلى 362 ادامدى ۋاقىتشا جۇمىسقا ورنالاستىرۋ جوسپارلانعان. بۇل ماقساتقا مەملەكەتتەن 144ملن 549مىڭ تەڭگە ءبولىندى. بۇگىنگى تاڭدا ەلىمىزدە مەدبيكە, زاڭگەر, تەحنيك-باعدارلاماشى, ەسەپ جانە اۋديتماماندارى سۇرانىسقا يە.ءبىر وكىنىشتىسى, 2017جىلى باستالعان بۇل باعدارلامانىڭ بيىل سوڭعى جىلى ەكەن.
سۇندەت ورالبەكوۆ,
ل.گۋميلەۆ اتىنداعى ەۇۋ «جۋرناليستيكا» فاكۋلتەتىنىڭ ستۋدەنتى
