پەتروپاۆلدا بەلگىسىز بىرەۋلەردىڭ كوپقاباتتى ءۇيدىڭ ءماڭىندا يتتى سويعانى جايلى بەينەجازبا الەۋمەتتىك جەلىدە تارادى.
سولتۇستىك قازاقستان وبلىسى پوليتسيا دەپارتامەنتى ءباسپاسوز قىزمەتىنىڭ مالىمەتىنشە, وسى دەرەككە قاتىستى پەتروپاۆلدا قر قك 316-بابى «جانۋارلارعا قاتىگەزدىك جاساۋ» بويىنشا سوتقا دەيىنگى تەرگەۋ باستالدى. قازىرگى ۋاقىتتا ءبىرىنشى پوليتسيا ءبولىمىنىڭ قىزمەتكەرلەرى سوتقا دەيىنگى تەرگەۋ اياسىندا جۇمىس ىستەپ جاتىر.
ءيتتى سويعاندار 42 جاستاعى ەر ادام مەن 60 جاستاعى ايەل. جەدەل ۋاكىلدەر ولاردى انىقتاپ, ۇستادى.
پەتروپاۆلداعى «فاۋنا» قوعامدىق بىرلەستىگى وكىلدەرى دە بۇل وقيعا جايىندا پىكىر بىلدىردى.
«بۇگىن بارلىعى جانتۇرشىگەرلىك بەيناجازبانى كوردى... بۇل وڭباعانداردى جازالاپ, قىلمىستىق جاۋاپقا تارتۋ ءۇشىن بارىنشا كۇش سالعان بويجەتكەنگە العىس ايتامىز. قازىر مەن دە بارىپ, «فاۋنا» قب ۆولونتەرلەرى اتىنان ارىز جازامىن. مۇنداي ارىزداردىڭ كوپ بولعانى دۇرىس, سوندا ولار جازادان قۇتىلىپ كەتپەيدى.
2020 جىلى بۇل ايەل بىزگە دە كەلىپ يت سۇراعان ەدى. ولاردان بۇعان دەيىن دە قانشاما جانۋار زارداپ شەگۋى مۇمكىن», دەيدى ۆولونتەر.
