11 ماۋسىم، 2021

سىناققا سالعان ەكى جىل

71 رەت كورسەتىلدى

قازاقستان الەمدەگى تاۋەلسىز ەلدەر قاتارى­­نا قوسىلىپ، تەرەزەسى تەڭ، قۇقىعى ءبىر دەر­­بەس مەملەكەت بولعانىنا بيىل وتىز جىل تولادى.

وسى ءبىر تاريح ول­شە­مىندەگى قاس قاعىم ۋاقىتتا قازاق ۇلتى عالامات جەتىستىككە جەتىپ، شەكاراسى شە­گەن­دەلگەن ەگەمەندى ەلگە اينالدى، ءوز تاع­دىرىن ءوزى ايقىندايتىن دارەجەگە جەتتى، حالىق­ارالىق قاۋىمداستىقتا ءوز ورنىن تاۋىپ، بەدەلى، ىقپالى ارتتى.

 

سونىڭ ناتيجەسىندە ەلىمىزدىڭ تاۋەل­سىز مەملەكەت رەتىندە نەگىزى، تۇ­عىرى، ىرگەتاسى بەرىك قا­لان­دى. بۇل – ارينە، وسى كەزەڭدەگى مەم­­لەكەت باسشىسى، تۇڭعىش پرەزيدەنت نۇر­سۇل­تان نازارباەۆتىڭ سىرتقى ساياسات­تاعى قاجىرلى، تاباندى ەڭبەگىنىڭ جەمىسى.

سونىمەن قاتار قازىرگى كەزەڭدە الەم­دەگى حا­لىق­ارالىق جاعداي ەرەكشە كۇر­دەلەنىپ كەتتى. حالىق­ارالىق قۇقىق بۇزىلىپ، الپاۋىت ەلدەرگە تەجەۋ مەن توقتام بولماي قالدى. ولار باس­قا ەلدەردىڭ ىشكى جاعدايىنا، ىسىنە تىك­ەلەي ارالاساتىن بولدى، ءوز مۇد­­دە­سى ءۇشىن سوعىس اشۋعا دايىن ەكەن­­دىك­­­تەرىن كورسەتىپ وتىر. بىرىككەن ۇلت­تار ۇيىمى وسىنداي قىسىمنان، اگرەس­سيادان قور­عانىس الەۋەتى تومەن ەل­­دەر­دى ساقتاۋعا، ونى بول­دىرماۋعا ازىر­­­گە قاۋقارسىز. سونىمەن بىرگە الەم­دەگى قا­لىپ­تاسقان جاھاندانۋ ءۇردىسى با­سەڭ­­­دەپ، كوپتەگەن ىقپالدى مەم­لەكەت­تە ۇلت­­شى­ل­دىق كوزقاراس بوي كوتەرە باس­تادى، الەم­دىك ساۋدادا ءار مەم­­لە­­كەت ءوز مۇد­دەسىن قور­عاۋ­عا كوشتى. دۇنيە­جۇ­زىلىك ساۋدا ۇيى­مىنىڭ بەدەلى، ۇيلەس­تىرۋ­­شى ءرولى تومەن­دەپ كەتتى، ورتاق كەلىسىل­­­گەن پرين­تسيپ­تەر مەن ءتارتىپ بۇزىلا باس­تادى. سانك­تسيالىق تەكەتىرەس ءۇردىس الدى.

ەڭ كۇردەلىسى – الەمدە قاۋىپسىزدىك دەڭگەيى كۇرت تومەن­­دەدى، تەرروريزم مەن ەكسترەميزم ءورشىپ تۇر، جاپ­­پاي قارۋلانۋ، اسىرەسە يادرولىق قارۋ­دى جەتىل­دىرۋ با­سەڭ­دەر ەمەس، الپاۋىت ەلدەر ءتىپتى عا­رىشتى دا، عا­­لام­­توردى دا وسى ماقساتقا پاي­دالانۋدى قولعا الا باستادى. ۆيرۋستىق اۋرۋ­دىڭ نەشە ءتۇرى پايدا بولىپ، جالپى ادامزات بالاسىنا قاۋىپ تۋعىزۋدا.

مىنە، وسى جاعدايلار پرەزيدەنت قاسىم-جومارت توقاەۆتىڭ العاشقى ەكى جىلعى قىزمەتى­مەن تۇسپا-تۇس كەلىپ، مەملەكەت باسشىسى رەتىن­دە وعان وراسان زور جاۋاپكەرشىلىك پەن مىندەت­تەر ارتتى، جاڭا باتىل قادامدار مەن ناقتى شەشىم­دەردى تالاپ ەتتى.

وسى رەتتە سوڭعى ەكى جىلدا اتقا­رىل­عان ىسكە زەر سالساق، ەلباسىنىڭ نازارى مەن قازاقستان حالقىنىڭ سەنىمى، قالاۋى مەملەكەت باسشىسى رەتىندە جان-جاقتى دايىندىقتان وتكەن، ەلدە دە، الەمدە دە بەدەلى ۇلكەن تۇلعاعا – قاسىم-جومارت كەمەل ۇلىنا تۇسكەنى دەر كەزىندە قابىلدانعان تاريحي شەشىم بولعانىن ۋاقىت كورسەتىپ وتىر. ساياسي ساباقتاستىقتى باسشىلىققا العان پرەزي­دەنت زامان تالابىنا ساي بارلىق سالا بويىنشا كوپتەگەن جاڭا باستاما مەن رەفورما ۇسىندى، ءتيىستى زاڭدار، ارنايى شەشىمدەر قابىلداندى. ناقتىراق ايتقاندا، قوعامداعى جاعدايعا شىنايى دياگنوز قويىپ، ونىڭ شەشۋ جولدارىن ايقىن كورسەتىپ بەردى. شىندىعىنا كەلسەك، وسى ەكى جىلدا بيلىك تە، قوعام دا وزگەردى، حالىقتىڭ ۇنىنە قۇلاق اساتىن بيلىك قالىپتاسىپ كەلەدى، ونىڭ جۇمىسىندا جاريالىلىق پايدا بولدى، الەۋمەتتىك جەلىنى كەڭىنەن پايدالانۋعا كوشتى، ارىز-شاعىم جاۋاپسىز قالمايتىن بولدى، تسيفرلىق قوعامعا بەت الدىق.

ەڭ ماڭىزدىسى ەلدەگى ىشكى تۇراق­تىلىق، بەيبىت ءومىر، ەتنوس پەن دىنارالىق تۇسىنىستىك، سىيلاستىق ساقتالىپ قالدى. ارينە، ەكونوميكادا، الەۋمەتتىك سالادا ءالى دە شەشىلمەگەن ماسەلەلەر جەت­كى­لىكتى، ءبىزدىڭ ەلدىڭ بىرلىگى مەن ىنتى­ما­عى ساقتالعان جاعدايدا ولاردىڭ شە­شىمى تابىلاتىنى انىق، وعان پرەزيدەنت قاسىم-جومارت توقاەۆتىڭ قولعا العان رەفورمالارى كەپىل بولا الادى، تەك قولداي بىلەيىك.

يكرام ادىربەكوۆ،

مەملەكەت جانە قوعام قايراتكەرى،

توتەنشە جانە وكىلەتتى ەلشى

 

سوڭعى جاڭالىقتار

الماتىداعى احۋال كۇردەلى

ايماقتار • بۇگىن، 19:45

بالالار Ashyq جۇيەسىنە ەنگىزىلە مە؟

قازاقستان • بۇگىن، 19:20

شىمكەنتتە كارانتين كۇشەيتىلەدى

ايماقتار • بۇگىن، 15:47

اتوم كولگە ساپار

ايماقتار • بۇگىن، 15:37

قازاقستاندا جاڭا تەلەارنا اشىلدى

قازاقستان • بۇگىن، 11:55

ۇقساس جاڭالىقتار