«اعىمداعى جىلعى 10 ماۋسىمدا ساعات 17.00-دەن باستاپ 22.00-گە دەيىن تەرروريزمگە قارسى كۇرەس جونىندەگى استانالىق جەدەل شتابى «جولاۋشىلار تاسىمالى» اق «سەۆەرنىي» جولاۋشىلار تاسىمالى وڭىرلىك فيليالىنىڭ تەحنيكالىق جولاۋشىلار پاركىنىڭ اۋماعىندا (گەتە كوشەسى 7) جوسپارلى تەرروريزمگە قارسى وقۋ-جاتتىعۋىن وتكىزۋدى جوسپارلاپ وتىر», دەلىنگەن حابارلامادا.
ءىس-شارانىڭ ماقساتى - جەدەل شتاب كۇشتەرى مەن قۇرالدارىنىڭ تەرروريستىك كورىنىستەرگە شۇعىل ارەكەت ەتۋ, تەرروريزم اكتىسىنىڭ سالدارىن جويۋ جانە ازايتۋ بويىنشا مىندەتتەردى ورىنداۋىنا دايىندىعىن تەكسەرۋ.
«وقۋ-جاتتىعۋى ءارتۇرلى كۇردەلى ەلەمەنتتەردى ەسكەرە وتىرىپ, بارىنشا اسكەري جاعدايعا جاقىن وتكىزىلەدى. تەحنيكالىق جولاۋشىلار پاركىنىڭ ماڭايىندا شەكتەۋ شارالارى قاراستىرىلعان. وسىعان بايلانىستى تۇرعىنداردى وتكىزىلەتىن وقۋ-جاتتىعۋ شارالارىنا تۇسىنىستىكپەن قاراۋعا, قاۋىپسىزدىك شارالارىن ساقتاۋعا جانە شاراعا جۇمىلدىرىلعان مەملەكەتتىك ورگانداردىڭ قىزمەتشىلەرىنىڭ زاڭدى تالاپتارىن ورىنداۋعا شاقىرامىز», دەدى شتاب وكىلدەرى.
