ال شەتەلدەن تراكتور, كومباين, دانسەپكىش كەشەن سياقتى قىمبات تەحنيكالاردى ساتىپ العان شارۋاشىلىقتارعا مەملەكەت بۇرىنعىداي تەحنيكا قۇنىنىڭ 25%-ىن قايتارىپ بەرەدى.
– بۇل تۇزەتۋلەر ينۆەستيتسيالىق سۋبسيديالاۋ ەرەجەلەرىنە ەنگىزىلىپ بولدى. اۋىل شارۋاشىلىعى مينيسترلىگى سۋبسيديالاۋعا جاتاتىن وتاندىق تەحنيكالار تىزبەسىن بەكىتىپ, Qoldau.kz جۇيەسىنە ورنالاستىرىپ قويدى. قازاقستاندا قۇراستىرىلعان اۋىلشارۋاشىلىق تەحنيكالارىن ساتىپ العىسى كەلگەن فەرمەرلەر ەسق ارقىلى وسى پورتالعا كىرىپ, سۋبسيدياعا ءوتىنىم بەرە الادى, – دەدى قوستاناي وبلىستىق كاسىپكەرلەر پالاتاسى اشك ءبولىمىنىڭ باستىعى قايىر ايسين.
سۋبسيديالاۋ ەرەجەلەرىندەگى وزگەرىستەر فەرمەرلەر مەن ديقاندارعا عانا ەمەس, سونداي-اق اۋىل شارۋاشىلىعى ماقساتىنداعى تەحنيكالاردى قۇراستىراتىن جەرگىلىكتى كاسىپورىندارعا دا قولداۋ كورسەتۋگە باعىتتالعان. ماشينا قۇراستىراتىن زاۋىت وكىلدەرىنىڭ سوزىنشە, ەلىمىزدە وتاندىق كومبايندار مەن تراكتورلار كوپتەپ قۇراستىرىلىپ جاتقانىمەن, بۇگىنگى تاڭدا سۋبسيديانىڭ باسىم بولىگى شەتەلگە كەتىپ جاتىر. ويتكەنى شاماسى جەتكەن شارۋالار وتاندىق ەمەس, شەتەلدىك تەحنيكانى ساتىپ العىسى كەلىپ تۇرادى. ال شەتەلدىڭ تراكتوردىڭ قۇنى قازاقستاندا قۇراستىرىلعان تراكتوردان الدەقايدا قىمبات بولعاندىقتان, وعان وتاندىق تراكتورعا قاراعاندا سۋبسيديا دا بىرنەشە ەسە كوپ تولەنەدى. وبلىستىق كاسىپكەرلەر پالاتاسى وكىلدەرىنىڭ ايتۋىنشا, وتاندىق ونىمگە بەرىلەتىن ينۆەستيتسيالىق سۋبسيديا كولەمىنىڭ ۇلعايۋى شارۋالاردىڭ جەرگىلىكتى زاۋىتتان شىققان تەحنيكالارعا دەگەن قىزىعۋشىلىعىن ارتتىرادى.
قوستاناي وبلىسى
