«اقپاراتتىق جۇيەلەردى قولدانۋ ارقىلى جۇرگىزىلگەن ءوتىنىش بەرۋشىنىڭ جەكە باسىن تەكسەرە كەلە ءبىزدىڭ ءبولىم قىزمەتكەرلەرى س. ەسىمدى ازاماتتىڭ 2015 جىلدان باستاپ رەسەيدىڭ استراحان وبلىسى بويىنشا ءىىم-دە رف قك-ءنىڭ 105 بابى, 1 بولىگى - كىسى ءولتىرۋ قىلمىسى ءۇشىن ىزدەۋدە ەكەندىگىن انىقتادى. قالالىق كريمينالدىق پوليتسيا قىزمەتكەرلەرىنىڭ كومەگىمەن كۇدىكتى ۇستالدى. س. ەسىمدى ازامات وزبەكستاننان الماتىعا جۇمىس ىستەۋگە كەلگەن», دەدى الماتى قالالىق پد كوشى-قون قىزمەتى باسقارماسىنىڭ باستىعى, پوليتسيا پولكوۆنيگى اسحات بۋتۋنچينوۆ.
