«قر قىجك-ءنىڭ 55, 56, 151, 152-باپتارىن باسشىلىققا الا وتىرىپ, سوت مىنانى قاۋلى ەتتى: ەلجان امانتاي ۇلى بىرتانوۆقا قاتىستى ۇيقاماق تۇرىندەگى بۇلتارتپاۋ شاراسىنىڭ مەرزىمى 2021 جىلعى 14 ماۋسىمنان باستاپ 14 شىلدەنى قوسا العاندا 9 ايعا ۇزارتىلسىن. كۇدىكتىنىڭ قورعاۋشىلارى مەن ادۆوكاتتارىنىڭ ءوتىنىشى قاناعاتتاندىرۋسىز قالدىرىلسىن», دەدى تەرگەۋ سوتىنىڭ سۋدياسى اقمارال يساەۆا.
ەسكە سالا كەتەيىك, 8 ماۋسىمدا ماماندىرىلعان اۋدانارالىق تەرگەۋ سوتىندا ەكس-مينيستر ەلجان ءبىرتانوۆتى ۇيقاماقتا ۇستاۋ مەرزىمىن ۇزارتۋ ماسەلەسى قارالدى. پروكۋرور سوتتان بۇرىنعى مينيستر ەلجان ءبىرتانوۆتى ۇيقاماقتا ۇستاۋ مەرزىمىن 2021 جىلدىڭ 14 شىلدەسىنە دەيىن سوزۋدى سۇرادى.
ودان بولەك, مەملەكەتتىك ايىپتاۋشى ەلجان ءبىرتانوۆتى ۇيقاماقتا ۇستاۋ جاعدايىن كۇشەيتىپ, جاقىن تۋىستارىنان باسقا ادامدارمەن سويلەسۋىنە تىيىم سالۋدى, سونداي-اق مەديتسينالىق ۇيىمدارمەن بايلانىسۋدى ەسەپكە الماعاندا, ونىڭ ۇيدەن شىعىۋىنا تىيىم سالۋدى سۇرادى.
سونداي-اق قر باس پروكۋرورىنىڭ ورىنباسارى بۇل ءىس بويىنشا تەرگەۋ مەرزىمىن 2021 جىلدىڭ 1 تامىزىنا دەيىن ۇزارتقانى ايتىلدى.
