كۆازيمەملەكەتتىك سەكتوردىڭ جەكەلەگەن سۋبەكتىلەرىنىڭ ساتىپ الۋى تۋرالى قر زاڭى

1. وسى زاڭ كەيىننەن ساتىپ الۋ قۇقىعىمەن جەكە تۇلعالارعا نەمەسە مەملەكەتتىك ەمەس زاڭدى تۇلعالارعا سەنىمگەرلىك باسقارۋعا بەرىلگەن, داۋىس بەرەتىن اكتسيالارىنىڭ (جارعىلىق كاپيتالعا قاتىسۋ ۇلەستەرىنىڭ) ەلۋ جانە ودان دا كوپ پايىزى ۇلتتىق باسقارۋشى حولدينگكە, ۇلتتىق حولدينگكە, ۇلتتىق كومپانيالارعا تىكەلەي نەمەسە جاناما تيەسىلى زاڭدى تۇلعالاردى قوسپاعاندا, ۇلتتىق باسقارۋشى حولدينگتەردىڭ, ۇلتتىق حولدينگتەردىڭ, ۇلتتىق كومپانيالاردىڭ جانە داۋىس بەرەتىن اكتسيالارىنىڭ (جارعىلىق كاپيتالعا قاتىسۋ ۇلەستەرىنىڭ) ەلۋ جانە ودان دا كوپ پايىزى ۇلتتىق باسقارۋشى حولدينگتەرگە, ۇلتتىق حولدينگتەرگە, ۇلتتىق كومپانيالارعا تىكەلەي نەمەسە جاناما تيەسىلى ۇيىمداردىڭ, سونداي-اق الەۋمەتتىك-كاسىپكەرلىك كورپوراتسيالاردىڭ (بۇدان ءارى – كۆازيمەملەكەتتىك سەكتوردىڭ جەكەلەگەن سۋبەكتىلەرى) جۇمىس ىستەۋىن قامتاماسىز ەتۋ, سونداي-اق جارعىلىق قىزمەتىن ورىنداۋ ءۇشىن قاجەتتى تاۋارلاردى, جۇمىستاردى, كورسەتىلەتىن قىزمەتتەردى ساتىپ الۋعا بايلانىستى قاتىناستاردى رەتتەيدى.
2. وسى زاڭ:

1) جەكە تۇلعالاردان ەڭبەك شارتتارى بويىنشا نە كاسىپكەرلىك قىزمەت سۋبەكتىلەرى بولىپ تابىلمايتىن جەكە تۇلعالاردان وتەۋلى قىزمەتتەر كورسەتۋ شارتتارى بويىن­شا كورسەتىلەتىن قىزمەتتەردى, ونىڭ ىشىندە جەكەشە نوتا­ريۋستار, ادۆوكاتتار مەن سوت ورىنداۋشىلارى كور­سەتەتىن قىزمەتتەردى ساتىپ الۋ;

2) مۇشەلىك جارنالاردى (سالىمداردى), ونىڭ ىشىندە زاڭدى تۇلعالاردىڭ جارعىلىق كاپيتالىنا ەنگىزۋ;

3) زاڭدى تۇلعالاردىڭ اكتسيالارى پاكەتتەرىن, جارعىلىق كاپيتالعا قاتىسۋ ۇلەستەرىن (بۇدان ءارى – قاتىسۋ ۇلەستەرى) ساتىپ الۋ;

4) باسقارۋ ورگانى مەن بايقاۋ كەڭەسىنىڭ مۇشەلەرىنە سىياقى تولەۋ, باسقارۋ ورگانى مەن بايقاۋ كەڭەسى مۇشە­لەرىنىڭ مىندەتتەردى ورىنداۋىنا بايلانىستى شىعىس­تاردى (جول ءجۇرۋ جانە تۇرۋ, تاۋلىكتىك) وتەۋ نە تولەۋ;

5) قازاقستان رەسپۋبليكاسىنىڭ حالىقارالىق شارتتارىنا سايكەس, سونداي-اق قازاقستان رەسپۋبليكاسى مۇشەسى بولىپ تابىلاتىن حالىقارالىق ۇيىمدار قارجى­لاندىراتىن ينۆەستيتسيالىق جوبالاردى ىسكە اسىرۋ شەڭبەرىندە جۇزەگە اسىرىلاتىن تاۋارلاردى, جۇمىس­تاردى, كورسەتىلەتىن قىزمەتتەردى ساتىپ الۋ;

6) قازاقستان رەسپۋبليكاسىنىڭ ۇلتتىق بانكى, بانكتەر جانە قازاقستان رەسپۋبليكاسىنىڭ زاڭناماسىنا سايكەس الىنعان ليتسەنزيالار نەگىزىندە بانك وپەراتسيالارى­نىڭ جەكەلەگەن تۇرلەرىن جۇزەگە اسىراتىن ۇيىمدار جۇ­زەگە اسىراتىن بانك وپەراتسيالارىن جۇرگىزۋگە باي­لانىستى قارجىلىق كورسەتىلەتىن قىزمەتتەردى جانە با­عالى قاعازدار نارىعىندا وزگە دە قاتىسۋشىلاردىڭ كور­سەتىلەتىن قىزمەتتەرىن, بروكەرلىك جانە (نەمەسە) دي­لەر­لىك كورسەتىلەتىن قىزمەتتەردى, كاستودياندىق قىز­­مەت كورسەتۋدى ساتىپ الۋ, اقپارات تاسىمالىنىڭ اۆ­تو­ماتتاندىرىلعان قارجى جۇيەسىنە قوسۋ, وعان قىز­مەت كورسەتۋ جانە ونى پايدالانۋ جونىندەگى كورسە­تىلەتىن قىزمەتتەردى, اقپارات بەرۋدىڭ جانە تولەمدەر جا­ساۋ­دىڭ حالىقارالىق بانكارالىق جۇيەسىنىڭ كور­سەتىلەتىن قىزمەتتەرىن, ونىڭ ىشىندە بانكتىك ءۇزىندى كو­شىرمەلەردى جانە قازاقستان رەسپۋبليكاسىنىڭ اۋما­عىندا قىزمەتىن جۇزەگە اسىراتىن قور بيرجاسى كورسەتەتىن اقپاراتتىق كورسەتىلەتىن قىزمەتتەردى الۋعا بايلانىستى كورسەتىلەتىن قىزمەتتەردى, قازاقستان رەسپۋبليكاسىنىڭ ەكىنشى دەڭگەيدەگى بانكتەرىنىڭ جانە (نەمەسە) حالىقارالىق (شەتەلدىك) بانكتەردىڭ, قولايلى حاتتاردى شىعارۋ بويىنشا زاڭ كونسۋلتانتتارىنىڭ, قارجى كونسۋلتانتتارىنىڭ, سىرتقى اۋديتورلىق ۇيىمداردىڭ جانە (نەمەسە) باعالاۋ ۇيىمدارىنىڭ, سەنىمگەرلىك باسقارۋشى ينۆەستوردىڭ, تولەمدىك ترانسفەر-اگەنتتەردىڭ, تىركەۋشىلەردىڭ كورسەتىلەتىن قىزمەتتەرىن, پروتسەستىك, تورەلىك جانە تاپسىرىس بەرۋشىنىڭ قارىز الۋدى ۇيىمداستىرۋىنا, ونىڭ ىشىندە باعالى قاعازدار شىعارۋعا جانە ولاردى ساتىپ الۋعا, بورىشتى جانە ينۆەستيتسيالىق (قازىناشىلىق) پورتفەلدى باسقارۋعا قاجەتتى وزگە دە كورسەتىلەتىن قىزمەتتەردى, جەتەكشى حالىقارا­لىق قار­جىلىق اقپارات بەرۋشىلەردىڭ اقپارات­تىق-تالداۋ جۇيەلەرى كورسەتەتىن قىزمەتتەردى ساتىپ الۋ, سونداي-اق «جوبالىق قارجىلاندىرۋ جانە سەكيۋري­تيلەندىرۋ تۋرالى» قازاقستان رەسپۋبليكاسىنىڭ زاڭىنا سايكەس وريگيناتور جانە (نەمەسە) كرەديتور رەتىندە سەكيۋري­تيلەندىرۋ مامىلەلەرىن جۇزەگە اسىرۋ كەزىندە جوعارىدا كورسەتىلگەن قىزمەتتەردى ساتىپ الۋ;

7) تەڭىز پورتىندا الىناتىن الىمدار مەن تولەمدەردى تولەۋ;

8) وكىلدىك شىعىستاردى, ءىسساپار شىعىستارىن تولەۋ جانە ءىسساپار شىعىستارىنا بايلانىستى كورسەتىلەتىن قىز­مەتتەردى ساتىپ الۋ;

9) ۇلتتىق باسقارۋشى حولدينگتىڭ ەكسپورتتىق كرەديتتەردى ساقتاندىرۋعا ماماندانعان حالىقارالىق ساقتاندىرۋ كومپانياسىنىڭ كورسەتىلەتىن قىزمەتتەرىن ساتىپ الۋى;

10) باعالى قاعازداردى بىرىڭعاي تىركەۋشىنىڭ كور­سەتىلەتىن قىزمەتتەرىن جانە باعالى قاعازدارمەن جاسا­لاتىن وپەراتسيالار بويىنشا كورسەتىلەتىن قىزمەتتەردى سا­تىپ الۋ;

11) ۋاقىتشا بوس اقشانى ورنالاستىرۋعا بايلانىستى قازى­ناشىلىق وپەراتسيالاردى جۇزەگە اسىرۋ كەزىندە قار­جى قۇرالدارىن, ونىڭ ىشىندە باعالى قاعازداردى سا­تىپ الۋ;

12) قازاقستان رەسپۋبليكاسىنىڭ بيۋدجەت زاڭناماسىنا سايكەس مەملەكەتتىك كەپىلدىك بەرۋ, مەملەكەتتىك كەپىلدىك بويىنشا مىندەتتەمەلەر ورىندالعان جاعدايدا بولىنگەن رەسپۋبليكالىق بيۋدجەت قاراجاتىن قايتارۋ جونىندەگى قۇقىقتىق قاتىناستار شەڭبەرىندە سەنىم بىلدىرىلگەن وكىلدىڭ (اگەنتتىڭ) كورسەتىلەتىن قىزمەتتەرىن ساتىپ الۋ;

13) اگروونەركاسىپتىك كەشەن سالاسىنداعى ۇلتتىق كوم­پانيانىڭ اۋىل شارۋاشىلىعى ءونىمىن جانە ونى قايتا وڭدەۋ ونىمدەرىن, سونداي-اق قازاقستان رەسپۋبليكاسىنىڭ زاڭناماسىنا سايكەس جۇزەگە اسىرىلاتىن, ولاردى ساق­تاۋ, قايتا وڭدەۋ, تاسىمالداۋ جونىندەگى كورسەتىلەتىن قىز­مەتتەردى ساتىپ الۋى;

14) قازاقستان رەسپۋبليكاسىنىڭ زاڭناماسىنا سايكەس جۇزەگە اسىرىلاتىن, الەۋمەتتىك ءمانى بار ازىق-ت ۇلىك تاۋارلارىن ازىق-ت ۇلىك تاۋارلارىنىڭ وڭىرلىك تۇراق­تاندىرۋ قورلارىنا ساتىپ الۋ جاعدايلارىنا قولدا­نىلمايدى.

2-باپ. وسى زاڭدا پايدالانىلاتىن نەگىزگى ۇعىمدار

وسى زاڭدا مىناداي نەگىزگى ۇعىمدار پايدالانىلادى:

1) الدىن الا بىلىكتىلىكتى ىرىكتەۋ – الەۋەتتى ءونىم بەرۋ­شىلەردى ساتىپ الۋدى جۇزەگە اسىرۋ قاعيدالارىندا كوز­دەل­گەن بىلىكتىلىك تالاپتارىنا سايكەستىگى تۇرعىسىنان با­عا­لاۋ پروتسەسى;

2) انىق ەمەس اقپارات – الەۋەتتى ءونىم بەرۋشىنىڭ نەمەسە ءونىم بەرۋشىنىڭ تەندەر, اۋكتسيون, ءبىر كوزدەن الۋ جانە باعا ۇسىنىستارىن سۇراتۋ تاسىلدەرىمەن ساتىپ الۋعا قاتىسۋعا ارنالعان وتىنىمىندە قامتىلعان, سول سياقتى قۇجاتتاردىڭ شىنايى مازمۇنىن بۇرمالايتىن جانە الەۋەتتى ءونىم بەرۋشىنىڭ نەمەسە ءونىم بەرۋشىنىڭ ۇسىنىلعان وتىنىمىنە سايكەس كەلمەيتىن تۇزەتۋلەر ارقىلى ەنگىزىلگەن جالعان مالىمەتتەر;

3) الەۋەتتى ءونىم بەرۋشى – ساتىپ الۋ تۋرالى شارت جاساسۋعا ءۇمىتتى, كاسىپكەرلىك قىزمەتتى جۇزەگە اسىراتىن جەكە تۇلعا, زاڭدى تۇلعا (ەگەر قازاقستان رەسپۋبليكاسىنىڭ زاڭ­­دارىندا ولار ءۇشىن وزگەشە بەلگىلەنبەسە, مەملەكەتتىك مەكە­مەلەردى قوسپاعاندا), كونسورتسيۋم;

4) بىرتەكتى تاۋارلاردىڭ تۇرلەرى – ءبىرىن-ءبىرى الماستىرمايتىن بىرتەكتى تاۋارلار;

5) بىرتەكتى تاۋارلار, جۇمىستار, كورسەتىلەتىن قىز­مەت­تەر – بىردەي بولىپ تابىلماسا دا, ۇقساس سيپات­تاما­لارى بار جانە ناق سول ءبىر فۋنكتسيالاردى ورىنداۋعا مۇم­كىندىك بەرەتىن ۇقساس قۇراۋىشتاردان تۇراتىن تاۋارلار, جۇمىستار, كورسەتىلەتىن قىزمەتتەر;

6) جۇمىستار – زاتتىق ناتيجەسى بار قىزمەت, سونداي-اق قازاقستان رەسپۋبليكاسىنىڭ زاڭدارىنا سايكەس جۇمىستارعا جاتقىزىلعان وزگە دە قىزمەت;

7) كەلىسۋ كوميسسياسى – شارت جاساسۋدان جالتارعان جانە ساتىپ الۋعا جوسىقسىز قاتىسۋشىلاردىڭ تىزىلىمىنە نەمەسە قوردىڭ سەنىمسىز الەۋەتتى ءونىم بەرۋشىلەرىنىڭ ء(ونىم بەرۋشىلەرىنىڭ) تىزبەسىنە ەنگىزىلگەن الەۋەتتى ءونىم بەرۋ­شىلەردىڭ جولدانىمدارىن قارايتىن, تۇراقتى جۇمىس ىستەيتىن القالى ورگان. كەلىسۋ كوميسسياسىنىڭ قۇرا­مى, جۇمىس ىستەۋ جانە شەشىم قابىلداۋ ءتارتىبى ساتىپ الۋ­دى جۇزەگە اسىرۋ قاعيدالارىندا ايقىندالادى. بۇل رەت­تە كەلىسۋ كوميسسياسىنىڭ قۇرامىنا مىندەتتى تۇردە قازاق­ستان رەسپۋبليكاسىنىڭ ۇلتتىق كاسىپكەرلەر پالا­تاسىنىڭ, قازاقستان رەسپۋبليكاسىنىڭ ۇلتتىق كاسىپ­كەرلەر پالاتاسىندا اككرەديتتەلگەن سالالىق قاۋىم­داستىقتاردىڭ (وداقتاردىڭ) وكىلدەرى كىرەدى;

8) كورسەتىلەتىن قىزمەتتەر – تاپسىرىس بەرۋشىنىڭ قاجەت­­تىلىكتەرىن قاناعاتتاندىرۋعا باعىتتالعان, زاتتىق ناتي­جەسى جوق قىزمەت;

9) قوردىڭ ۇيىمدارى – داۋىس بەرەتىن اكتسيالارىنىڭ (قاتىسۋ ۇلەستەرىنىڭ) ەلۋ جانە ودان دا كوپ پايىزى مەنشىك نەمەسە سەنىمگەرلىك باسقارۋ قۇقىعىمەن قورعا تىكەلەي نەمەسە جاناما تيەسىلى زاڭدى تۇلعالار. جاناما تيەسىلىلىك وزگە زاڭدى تۇلعانىڭ داۋىس بەرەتىن اكتسيالارىنىڭ (قا­تىسۋ ۇلەستەرىنىڭ) ەلۋ جانە ودان دا كوپ پايىزى ءاربىر كەلەسى زاڭدى تۇلعاعا مەنشىك نەمەسە سەنىمگەرلىك باسقارۋ قۇقى­عىمەن تيەسىلى بولاتىنىن بىلدىرەدى;

10) وفتەيك-كەلىسىمشارت – قۇنى, سانى (كولەمى) جانە بەرۋ مەرزىمدەرى بويىنشا الدىن الا كەلىسىلگەن تالاپتارمەن ءونىم بەرۋشى بولاشاقتا ءوندىرۋدى جانە ونى بەرۋدى قامتاماسىز ەتۋدى جوسپارلاپ وتىرعان تاۋاردى بەرۋگە تاپسىرىس بەرۋشى مەن ءونىم بەرۋشى اراسىندا جاسالعان شارت;

11) ساتىپ الۋ – تاپسىرىس بەرۋشىلەردىڭ وسى زاڭدا, ساتىپ الۋدى جۇزەگە اسىرۋ قاعيدالارىندا بەلگىلەنگەن تار­تىپ­پەن تاۋارلاردى, جۇمىستاردى, كورسەتىلەتىن قىز­مەتتەردى اقىلى نەگىزدە ساتىپ الۋى;

12) ساتىپ الۋ ۆەب-پورتالى – وسى زاڭعا جانە ساتىپ الۋدى جۇزەگە اسىرۋ قاعيدالارىنا سايكەس ساتىپ الۋدى ەلەكتروندىق فورماتتا وتكىزۋدى قامتاماسىز ەتەتىن اقپاراتتىق جۇيە;

13) ساتىپ الۋعا قاتىسۋشى – تاپسىرىس بەرۋشى, ساتىپ الۋدى ۇيىمداستىرۋشى, الەۋەتتى ءونىم بەرۋشى, ءونىم بە­رۋشى جانە ەلەكتروندىق ساتىپ الۋ اقپاراتتىق جۇيە­سىنىڭ وپەراتورى;

14) ساتىپ الۋدى باقىلاۋ جونىندەگى ورتالىق­تاندى­رىلعان قىزمەت – اكتسيونەرى ۇلتتىق باسقارۋشى حولدينگ نەمەسە ۇلتتىق حولدينگ بولىپ تابىلاتىن ۇلتتىق كومپا­نيانى قوسپاعاندا, ۇلتتىق باسقارۋشى حولدينگتىڭ, ۇلتتىق حولدينگتىڭ, ۇلتتىق كومپانيانىڭ قىزمەتى, سون­داي-اق الەۋمەتتىك-كاسىپكەرلىك كورپوراتسيانىڭ قىزمەتى;

15) ساتىپ الۋدى جۇزەگە اسىرۋ قاعيدالارى – رەتتە­لەتىن قاتىناستار سالاسىنا قاراي:

قوردى جانە قوردىڭ ۇيىمدارىن قوسپاعاندا, كۆازيمەملەكەتتىك سەكتوردىڭ جەكەلەگەن سۋبەكتىلەرى ءۇشىن – ساتىپ الۋ سالاسىنداعى ۋاكىلەتتى ورگان بەكىتەتىن, قوردى جانە قوردىڭ ۇيىمدارىن قوسپاعاندا, كۆازيمەملەكەتتىك سەكتوردىڭ جەكەلەگەن سۋبەكتىلەرىنىڭ ساتىپ الۋىن جۇزەگە اسىرۋ ءتارتىبىن ايقىندايتىن نورماتيۆتىك قۇقىقتىق اكت;

قور جانە قوردىڭ ۇيىمدارى ءۇشىن – ساتىپ الۋ سالاسىنداعى ۋاكىلەتتى ورگانمەن كەلىسۋ بويىنشا قوردىڭ ديرەكتورلار كەڭەسىنىڭ شەشىمىمەن بەكىتىلەتىن قوردىڭ جانە قور ۇيىمدارىنىڭ ساتىپ الۋىن جۇزەگە اسىرۋ ءتارتىبى (بۇدان ءارى – قوردىڭ ساتىپ الۋىن جۇزەگە اسىرۋ ءتارتىبى);

16) ساتىپ الۋدى ۇيىمداستىرۋشى – تاپسىرىس بەرۋ­شىنىڭ لاۋازىمدى ادامى نەمەسە قۇرىلىمدىق بولىمشەسى نە ساتىپ الۋدى ۇيىمداستىرۋ مەن وتكىزۋ راسىمدەرىن ورىن­داۋعا جاۋاپتى بولىپ ايقىندالعان زاڭدى تۇلعا;

17) ساتىپ الۋ جونىندەگى ساراپتاما كوميسسياسى – ساتىپ الۋدى ۇيىمداستىرۋشى نە تاپسىرىس بەرۋشى ساتىپ الىناتىن تاۋارلاردىڭ, جۇمىستاردىڭ, كورسەتىلەتىن قىزمەتتەردىڭ تەحنيكالىق تاپسىرماسىن جانە (نەمەسە) تەحنيكالىق وزىندىك ەرەكشەلىگىن ازىرلەۋگە جانە (نەمەسە) الەۋەتتى ءونىم بەرۋشىلەر ۇسىنىستارىنىڭ ساتىپ الىناتىن تاۋارلاردىڭ, جۇمىستاردىڭ, كورسەتىلەتىن قىزمەتتەردىڭ تەحنيكالىق وزىندىك ەرەكشەلىگىنە سايكەستىگىنە قاتىستى ساراپتامالىق قورىتىندى دايىنداۋعا قاتىسۋ ءۇشىن ساراپشىلاردى تارتا وتىرىپ قۇراتىن القالى ورگان;

18) ساتىپ الۋ جونىندەگى ساراپشى – وتكىزىلەتىن ساتىپ الۋ سالاسىندا ءتيىستى قۇجاتتارمەن (ديپلومدارمەن, سەرتيفيكاتتارمەن, كۋالىكتەرمەن جانە باسقا دا قۇجاتتارمەن) راستالاتىن ارناۋلى جانە (نەمەسە) ءتيىستى تەحنيكالىق ءبىلىمى, تاجىريبەسى مەن بىلىكتىلىگى بار, ساتىپ الۋدى ۇيىم­داستىرۋشى نە تاپسىرىس بەرۋشى ساتىپ الىناتىن تاۋارلاردىڭ, جۇمىستاردىڭ, كورسەتىلەتىن قىزمەتتەردىڭ تەحنيكالىق تاپسىرماسىن جانە (نەمەسە) تەحنيكالىق وزىندىك ەرەكشەلىگىن ازىرلەۋگە جانە (نەمەسە) الەۋەتتى ءونىم بەرۋشىلەر ۇسىنىستارىنىڭ ساتىپ الىناتىن تاۋارلاردىڭ, جۇمىستاردىڭ, كورسەتىلەتىن قىزمەتتەردىڭ تەحنيكالىق وزىندىك ەرەكشەلىگىنە سايكەستىگىنە قاتىستى ساراپتامالىق قورىتىندى دايىنداۋعا قاتىسۋ ءۇشىن تار­تاتىن جەكە تۇلعا;

19) ساتىپ الۋ سالاسىنداعى ۋاكىلەتتى ورگان – كۆا­زيمەملەكەتتىك سەكتوردىڭ جەكەلەگەن سۋبەكتىلەرىنىڭ سا­تىپ الۋى سالاسىندا باسشىلىقتى, سونداي-اق سالا­ارا­لىق ۇيلەستىرۋدى جۇزەگە اسىراتىن ورتالىق اتقارۋشى ورگان;

20) ساتىپ الۋ تۋرالى شارت (بۇدان ءارى – شارت) – وسى زاڭعا, قازاقستان رەسپۋبليكاسىنىڭ ازاماتتىق زاڭ­ناماسىنا جانە ساتىپ الۋدى جۇزەگە اسىرۋ قاعيدالارىنا سايكەس جاسالعان ازاماتتىق-قۇقىقتىق شارت;

21) تاپسىرىس بەرۋشىلەر – كۆازيمەملەكەتتىك سەكتور­دىڭ جەكەلەگەن سۋبەكتىلەرى;

22) تاۋارلار – نارسەلەر (زاتتار), ونىڭ ىشىندە جارتىلاي فابريكاتتار نەمەسە قاتتى, سۇيىق نەمەسە گاز تارىز­دەس كۇيدەگى شيكىزات, ەلەكتر جانە جىلۋ ەنەرگياسى, زيات­كەرلىك مەنشىك قۇقىعىنىڭ وبەكتىلەرى, سونداي-اق قازاق­ستان رەسپۋبليكاسىنىڭ زاڭدارىنا سايكەس ساتىپ الۋ-ساتۋ مامىلەلەرىن جاساسۋعا بولاتىن زاتتىق قۇقىقتار;

23) تەندەرلىك كوميسسيا (اۋكتسيوندىق كوميسسيا) – ساتىپ الۋدى تەندەر (اۋكتسيون) تاسىلىمەن وتكىزۋ ءراسىمىن ورىنداۋ ءۇشىن ساتىپ الۋدى ۇيىمداستىرۋشى نە تاپسىرىس بەرۋشى قۇراتىن القالى ورگان;

24) ۇلتتىق ءال-اۋقات قورى (بۇدان ءارى – قور) – ۇلتتىق باس­قارۋشى حولدينگ;

25) ەلەكتروندىق دۇكەن – ساتىپ الۋ ۆەب-پورتالىمەن ينتەگراتسيالانعان, ساتىپ الۋدى جۇزەگە اسىرۋ قاعي­دالارىندا ايقىندالعان تارتىپپەن ساتىپ الۋدى وتكىزۋدى قام­تاماسىز ەتەتىن اقپاراتتىق جۇيە;

26) ەلەكتروندىق ساتىپ الۋ اقپاراتتىق جۇيەسىنىڭ وپەراتورى – قارىم-قاتىناس سالاسىنا قاراي:

قوردى جانە قوردىڭ ۇيىمدارىن قوسپاعاندا, كۆازي­مەملەكەتتىك سەكتوردىڭ جەكەلەگەن سۋبەكتىلەرى ءۇشىن – ساتىپ الۋ سالاسىنداعى ۋاكىلەتتى ورگان ايقىنداعان, وكىلەتتىكتەرى ساتىپ الۋدى جۇزەگە اسىرۋ قاعيدالارىندا ايقىن­دالاتىن زاڭدى تۇلعا (زاڭدى تۇلعالار);

قور جانە قوردىڭ ۇيىمدارى ءۇشىن – قور ايقىنداعان, وكىلەتتىكتەرى قوردىڭ ساتىپ الۋىن جۇزەگە اسىرۋ تارتى­بىندە ايقىندالاتىن زاڭدى تۇلعا.

3-باپ. قازاقستان رەسپۋبليكاسىنىڭ كۆازيمەملەكەتتىك سەكتوردىڭ جەكەلەگەن سۋبەكتىلەرىنىڭ ساتىپ الۋى تۋرالى زاڭناماسى

1. قازاقستان رەسپۋبليكاسىنىڭ كۆازيمەملەكەتتىك سەكتوردىڭ جەكەلەگەن سۋبەكتىلەرىنىڭ ساتىپ الۋى تۋرالى زاڭناماسى قازاقستان رەسپۋبليكاسىنىڭ كونستيتۋتسياسىنا نەگىزدەلەدى جانە قازاقستان رەسپۋبليكاسى ازاماتتىق كودەكسىنىڭ, وسى زاڭنىڭ نورمالارىنان جانە قازاقستان رەس­پۋبليكاسىنىڭ وزگە دە نورماتيۆتىك قۇقىقتىق اكتى­لەرىنەن تۇرادى.
2. ەگەر قازاقستان رەسپۋبليكاسى راتيفيكاتسيالاعان حالىقارالىق شارتتا وسى زاڭدا كوزدەلگەننەن وزگەشە قاعيدالار بەلگىلەنسە, وندا حالىقارالىق شارتتىڭ قاعيدالارى قولدانىلادى.

4-باپ. ساتىپ الۋدى جۇزەگە اسىرۋ قاعيداتتارى

ساتىپ الۋ:

1) ساتىپ الۋ ءۇشىن پايدالانىلاتىن اقشانى وڭتايلى جانە ءتيىمدى جۇمساۋ;

2) ءونىم بەرۋشىلەردىڭ كوممەرتسيالىق قۇپياعا قۇقىق­تارىن جانە (نەمەسە) زاڭدى مۇددەلەرىن ساقتاي وتىرىپ (تەندەر قورىتىندىلارى شىعارىلعانعا دەيىن) ساتىپ الۋ پروتسە­سىنىڭ اشىقتىعى مەن بۇكپەسىزدىگى;

3) الەۋەتتى ءونىم بەرۋشىلەر اراسىنداعى ادال باسەكە­لەس­تىك, ساتىپ الۋعا قاتىسۋشىلار اراسىندا ءسوز بايلاسۋعا جول بەرمەۋ;

4) ساتىپ الۋعا قاتىسۋشىلاردىڭ جاۋاپكەرشىلىگى;

5) سىبايلاس جەمقورلىق كورىنىستەرىنە جول بەرمەۋ;

6) وتاندىق تاۋار وندىرۋشىلەرگە, سونداي-اق جۇمىستار مەن كورسەتىلەتىن قىزمەتتەردى وتاندىق بەرۋشىلەرگە قازاق­ستان رەسپۋبليكاسى راتيفيكاتسيالاعان حالىقارالىق شارت­تارعا قايشى كەلمەيتىندەي شامادا قولداۋ كورسەتۋ;

7) يننوۆاتسيالىق جانە جوعارى تەحنولوگيالىق تاۋارلاردى, جۇمىستاردى, كورسەتىلەتىن قىزمەتتەردى ساتىپ الۋ;

8) وسى زاڭدا كوزدەلگەن جاعدايلاردان باسقا, الەۋەتتى ءونىم بەرۋشىلەرگە ساتىپ الۋدى وتكىزۋ راسىمىنە قاتىسۋ ءۇشىن تەڭ مۇمكىندىكتەر بەرۋ;

9) ساتىپ الىناتىن تاۋارلارداعى زياتكەرلىك مەنشىك وبەك­تىلەرىنە قۇقىقتاردى ساقتاۋ قاعيداتتارىنا نەگىزدە­لەدى.

5-باپ. ساتىپ الۋ پروتسەسى

1. ساتىپ الۋ پروتسەسى مىنالاردى قامتيدى:

1) ساتىپ الۋ جوسپارىن (الدىن الا, جىلدىق, ۇزاق مەر­زىمدى) ازىرلەۋ جانە بەكىتۋ;

2) ءونىم بەرۋشىنى تاڭداۋ جانە ونىمەن شارت جاساسۋ;

3) شارتتى ورىنداۋ.

2. ساتىپ الۋ پروتسەسى ساتىپ الۋدى جۇزەگە اسىرۋ قاعيدالارىنا سايكەس ساتىپ الۋ ساناتتارىن باسقارۋ جانە قورلاردى باسقارۋ راسىمدەرىن دە قامتۋى مۇمكىن.
3. ساتىپ الۋ, وسى زاڭنىڭ 18-بابىندا كوزدەلگەن جاعدايلاردى قوسپاعاندا, ساتىپ الۋ ۆەب-پورتالى ارقىلى جۇزەگە اسىرىلادى.

6-باپ. ساتىپ الۋدى جوسپارلاۋ

1.ساتىپ الۋدى جوسپارلاۋ ءتيىستى بيزنەس-جوسپارلار جانە (نەمەسە) بيۋدجەتتەر جانە (نەمەسە) دامۋ جوسپار­لارى جانە (نەمەسە) جوندەۋ جۇرگىزۋ جوسپارلارى جانە (نەمەسە) وندىرىستىك باعدارلامالار جانە (نەمەسە) ينۆەس­تيتسيالىق باعدارلامالار جانە (نەمەسە) مەملەكەتتىك تاپ­سىر­مانى ورىنداۋعا ارنالعان شارتتار نەگىزىندە جۇزەگە اسىرىلادى.

2.ساتىپ الۋ جوسپارى (الدىن الا, جىل­­دىق, ۇزاق مەرزىمدى) ساتىپ الۋ ۆەب-پورتالىن­دا جاريالانادى.

3.ساتىپ الۋدى جۇزەگە اسىرۋ قاعيدالارىندا كوز­دەلگەن جاعدايلاردى قوسپاعاندا, تاپسىرىس بەرۋشى, ساتىپ الۋدى ۇيىمداستىرۋشى بىرتەكتى ەمەس تاۋارلاردى, جۇ­مىستار مەن كورسەتىلەتىن قىزمەتتەردى – بىرتەكتىلىگى بويىنشا, بىرتەكتى تاۋارلاردى – بىرتەكتى تاۋارلاردىڭ تۇرلەرى بويىنشا جانە بەرۋ ورىندارى بويىنشا, بىر­تەكتى جۇمىستاردى, كورسەتىلەتىن قىزمەتتەردى ولاردىڭ ورىندالعان, كورسەتىلگەن ورنى بويىنشا لوتتارعا بولۋگە مىندەتتى.

4. بىردەي تاۋارلار تىزبەسى بويىنشا باعالاردى جوس­پار­لاۋ:

1) ساتىپ الۋدى جۇزەگە اسىرۋ قاعيدالارىنا سايكەس – قوردى جانە قوردىڭ ۇيىمدارىن قوسپاعاندا, كۆازي­مەملەكەتتىك سەكتوردىڭ جەكەلەگەن سۋبەكتىلەرى ءۇشىن;

2) قور ايقىنداعان تارتىپپەن – قور جانە قوردىڭ ۇيىمدارى ءۇشىن ايقىندالاتىن باعالاردىڭ جول بەرىلەتىن اۋىتقۋى شەگىندە جۇزەگە اسىرىلادى.

قوردى جانە قوردىڭ ۇيىمدارىن قوسپاعاندا, كۆازيمەملەكەتتىك سەكتوردىڭ جەكەلەگەن سۋبەكتىلەرى ءۇشىن بىردەي تاۋارلاردىڭ تىزبەسىن ساتىپ الۋ سالاسىنداعى ۋاكىلەتتى ورگان ايقىندايدى.

قور جانە قوردىڭ ۇيىمدارى ءۇشىن بىردەي تاۋارلاردىڭ تىزبەسىن قور ايقىندايدى.

5. ساتىپ الۋ جوسپارىن ازىرلەۋ جانە بەكىتۋ, وعان وزگە­رىستەر ەنگىزۋ ءتارتىبى مەن مەرزىمدەرى ساتىپ الۋدى جۇزەگە اسىرۋ قاعيدالارىندا ايقىندالادى.

7-باپ. ساتىپ الۋعا قاتىسۋعا بايلانىستى شەك­تەۋ­لەر

1. الەۋەتتى ءونىم بەرۋشى, ەگەر:

1) الەۋەتتى ءونىم بەرۋشى نەمەسە ونىڭ قوسالقى مەردىگەرى (بىرلەسىپ ورىنداۋشىسى) نە كونسورتسيۋمعا قاتىسۋشى مەملەكەتتىك ساتىپ الۋعا جوسىقسىز قاتىسۋ­شىلاردىڭ تىزىلىمىندە جانە (نەمەسە) ساتىپ الۋعا جوسى­قسىز قاتىسۋشىلاردىڭ تىزىلىمىندە جانە (نەمەسە) قوردىڭ سەنىمسىز الەۋەتتى ءونىم بەرۋشىلەرىنىڭ ء(ونىم بەرۋشىلەردىڭ) تىزبەسىندە جانە (نەمەسە) وزدەرىنە قاتىستى بانكروت دەپ تانۋ تۋرالى سوت شەشىمى زاڭدى كۇشىنە ەنگەن بورىشكەرلەر تىزىمىندە تۇرسا;

2) «قىلمىستىق جولمەن الىنعان كىرىستەردى زاڭداس­تىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل تۋرالى» قازاقستان رەسپۋبليكاسىنىڭ زاڭىندا بەلگىلەنگەن تارتىپپەن الەۋەتتى ءونىم بەرۋشى جانە (نەمەسە) ول تارتاتىن قوسالقى مەردىگەر (بىرلەسىپ ورىنداۋشى) جانە (نەمەسە) ولاردىڭ باسشىسى جانە (نەمەسە) قۇرىلتايشىلارى (اكتسيونەرلەرى) تەرروريزم مەن ەكسترەميزمدى قارجىلاندىرۋعا بايلانىستى ۇيىمدار مەن تۇلعالاردىڭ تىزبەسىنە نەمەسە جاپپاي قىرىپ-جويۋ قارۋىن تاراتۋدى قارجىلاندىرۋعا بايلانىستى ۇيىمدار مەن تۇلعالاردىڭ تىزبەسىنە ەنگىزىلگەن بولسا;

3) الەۋەتتى ءونىم بەرۋشى تىركەلگەن جەرى سالىق جانە بيۋدجەتكە تولەنەتىن باسقا دا مىندەتتى تولەمدەردىڭ ءتۇسۋىن قامتاماسىز ەتۋ سالاسىندا باسشىلىقتى جۇزەگە اسىراتىن ۋاكى­لەتتى مەملەكەتتىك ورگان بەكىتەتىن جەڭىلدىكتى سالىق سالىناتىن مەملەكەتتەردىڭ تىزبەسىنە ەنگىزىلگەن مەملەكەت نەمەسە اۋماق بولاتىن زاڭدى تۇلعا بولىپ تابىلسا, وتكىزى­لەتىن ساتىپ الۋعا قاتىسۋعا قۇقىلى ەمەس.

2. وسى باپتىڭ 1-تارماعىندا كورسەتىلگەن الەۋەتتى ءونىم بەرۋشىلەرمەن شارت جاساسۋعا جول بەرىلمەيدى.

8-باپ. الەۋەتتى ءونىم بەرۋشىگە قويىلاتىن بىلىكتىلىك تالاپتارى

1. الەۋەتتى ءونىم بەرۋشىگە قويىلاتىن بىلىكتىلىك تالاپ­تارى ساتىپ الۋدى جۇزەگە اسىرۋ قاعيدالارىنا سايكەس اي­قىندالادى.
2. الەۋەتتى ءونىم بەرۋشى بىلىكتىلىك تالاپتارىنا ءوزى­نىڭ سايكەستىگىن راستاۋ ءۇشىن ساتىپ الۋدى جۇزەگە اسىرۋ قاعيدالارىندا كوزدەلگەن ءتيىستى قۇجاتتاردى ۇسىنادى.
3. قازاقستان رەسپۋبليكاسىنىڭ بەيرەزيدەنت-الەۋەتتى ءونىم بەرۋشى ساتىپ الۋدى جۇزەگە اسىرۋ قاعيدالارىندا بەل­گىلەنگەن بىلىكتىلىك تالاپتارىنا ءوزىنىڭ سايكەستىگىن راستاۋ ءۇشىن قازاقستان رەسپۋبليكاسىنىڭ رەزيدەنتتەرى ۇسى­ناتىن ناق سونداي قۇجاتتاردى نە قازاقستان رەسپۋب­ليكاسىنىڭ بەيرەزيدەنت-الەۋەتتى ءونىم بەرۋشىنىڭ بىلىك­تىلىگى تۋرالى ۇقساس مالىمەتتەردى راستايتىن قۇجاتتاردى ۇسى­نادى.

9-باپ. الەۋەتتى ءونىم بەرۋشىنىڭ نەمەسە ءونىم بەرۋشىنىڭ

انىق ەمەس اقپارات بەرۋىنىڭ سالدارلارى

1. ساتىپ الۋ پروتسەسىندە انىق ەمەس اقپارات بەرگەن الەۋەتتى ءونىم بەرۋشىلەر نەمەسە ءونىم بەرۋشىلەر ساتىپ الۋ­دى جۇزەگە اسىرۋ قاعيدالارىندا ايقىندالعان تارتىپ­پەن ساتىپ الۋعا جوسىقسىز قاتىسۋشىلاردىڭ تىزىلىمىنە, قور­دىڭ سەنىمسىز الەۋەتتى ءونىم بەرۋشىلەرىنىڭ ء(ونىم بەرۋ­شىلەرىنىڭ) تىزبەسىنە ەنگىزىلەدى.
2. الەۋەتتى ءونىم بەرۋشى نەمەسە ءونىم بەرۋشى بەرەتىن اقپاراتتىڭ انىقتىعىن تاپسىرىس بەرۋشى, ساتىپ الۋدى ۇيىمداستىرۋشى, ساتىپ الۋدى باقىلاۋ جونىندەگى ورتالىقتاندىرىلعان قىزمەت, ساتىپ الۋ سالاسىنداعى ۋاكىلەتتى ورگان نە مەملەكەتتىك اۋديت جانە قارجىلىق باقىلاۋ ورگاندارى ساتىپ الۋدى جۇزەگە اسىرۋدىڭ كەز كەلگەن ساتىسىندا انىقتاۋى مۇمكىن.
3. الەۋەتتى ءونىم بەرۋشىنىڭ نەمەسە ءونىم بەرۋشىنىڭ انىق ەمەس اقپارات بەرۋ فاكتىسىن انىقتاعان ساتىپ الۋدى باقىلاۋ جونىندەگى ورتالىقتاندىرىلعان قىزمەت, ساتىپ الۋ سالاسىنداعى ۋاكىلەتتى ورگان نە مەملەكەتتىك اۋديت جانە قارجىلىق باقىلاۋ ورگاندارى وسىنداي فاكت انىقتالعان كۇننەن باستاپ بەس جۇمىس كۇنىنەن كەشىكتىرمەي, بۇل تۋرالى:

1) ەگەر مۇنداي فاكت ساتىپ الۋ قورىتىندىلارى شى­عارىلعاننان كەيىن انىقتالسا, تاپسىرىس بەرۋشىنى;

2) ەگەر مۇنداي فاكت ساتىپ الۋ قورىتىندىلارى شىعارىلعانعا دەيىن انىقتالسا, تاپسىرىس بەرۋشىنى, ساتىپ الۋدى ۇيىمداستىرۋشىنى جازباشا حاباردار ەتەدى.

بۇل رەتتە جازباشا حابارلاماعا وسى فاكتىنى راستايتىن قۇجاتتاردىڭ كوشىرمەلەرى قوسا بەرىلۋگە ءتيىس.

10-باپ. ساتىپ الۋعا جوسىقسىز قاتىسۋشىلاردىڭ ءتىزى­­لىمى

1. ساتىپ الۋعا جوسىقسىز قاتىسۋشىلاردىڭ ءتىزىلى­مى ەلەك­تروندىق ساتىپ الۋ اقپاراتتىق جۇيەسىندە قالىپتاس­تىرىلادى.
2. ساتىپ الۋعا جوسىقسىز قاتىسۋشىلاردىڭ ءتىزىلىمى:

1) جەڭىمپاز دەپ ايقىندالعان, بىراق شارت جاساسۋدان جالتارعان الەۋەتتى ءونىم بەرۋشىلەردىڭ;

2) بىلىكتىلىك تالاپتارى جانە (نەمەسە) كونكۋرستىق باعا ۇسىنىسىنا اسەر ەتەتىن قۇجاتتار بويىنشا انىق ەمەس اقپارات بەرگەن الەۋەتتى ءونىم بەرۋشىلەردىڭ نەمەسە ءونىم بەرۋشىلەردىڭ;

3) وزدەرىمەن جاسالعان شارتتار بويىنشا ءوز مىندەت­تەمەلەرىن ورىنداماعان نە تيىسىنشە ورىنداماعان ءونىم بەرۋشىلەردىڭ تىزبەسىن بىلدىرەدى.

وسى تارماقتىڭ ءبىرىنشى بولىگىنىڭ 1) تارماقشاسىندا كورسەتىلگەن جاعدايدا, تاپسىرىس بەرۋشى الەۋەتتى ءونىم بەرۋشىنىڭ شارت جاساسۋدان جالتارعان كۇنىنەن باستاپ ون جۇمىس كۇنى ىشىندە وسىنداي الەۋەتتى ءونىم بەرۋشى تۋرالى مالىمەتتەردى ساتىپ الۋدى باقىلاۋ جونىندەگى ورتالىقتاندىرىلعان قىزمەتكە جىبەرۋگە مىندەتتى.

وسى تارماقتىڭ ءبىرىنشى بولىگىنىڭ 2) تارماقشاسىندا كورسەتىلگەن جاعدايدا, تاپسىرىس بەرۋشى, ساتىپ الۋدى ۇيىمداستىرۋشى بۇزۋشىلىق فاكتىسى تۋرالى وزدەرىنە ءمالىم بولعان كۇننەن باستاپ كۇنتىزبەلىك وتىز كۇننەن كەشىكتىرمەي, سوتقا وسىنداي الەۋەتتى ءونىم بەرۋشىنى نەمەسە ءونىم بەرۋشىنى ساتىپ الۋعا جوسىقسىز قاتىسۋشى دەپ تانۋ تۋرالى تالاپ قويۋمەن جۇگىنۋگە مىندەتتى.

وسى تارماقتىڭ ءبىرىنشى بولىگىنىڭ 3) تارماقشاسىندا كورسەتىلگەن جاعدايدا, تاپسىرىس بەرۋشى ءونىم بەرۋشىنىڭ شارت­تى بۇزۋ فاكتىسى تۋرالى وزىنە ءمالىم بولعان كۇننەن باستاپ كۇنتىزبەلىك وتىز كۇننەن كەشىكتىرمەي, ءونىم بەرۋشى تۇراقسىزدىق ايىبىن (ايىپپۇلدى, ءوسىمپۇلدى) تولەگەن جانە ول شارتتىق مىندەتتەمەلەردى تولىق ورىنداعان جاعدايلاردى قوسپاعاندا, سوتقا وسىنداي ءونىم بەرۋشىنى ساتىپ الۋعا جوسىقسىز قاتىسۋشى دەپ تانۋ تۋرالى تالاپ قويۋمەن جۇگىنۋگە مىندەتتى.

3. كەلىسۋ كوميسسياسى الەۋەتتى ءونىم بەرۋشىنىڭ جول­دانىمىن قارايدى جانە الەۋەتتى ءونىم بەرۋشىنى ساتىپ الۋ­عا جوسىقسىز قاتىسۋشىلاردىڭ تىزىلىمىنەن مەرزىمىنەن بۇرىن شىعارۋ نەمەسە مەرزىمىنەن بۇرىن شىعارۋدان باس تارتۋ تۋرالى شەشىم قابىلدايدى.
4. ساتىپ الۋعا جوسىقسىز قاتىسۋشىلاردىڭ ءتىزىلىمى:

وسى باپتىڭ 2-تارماعى ءبىرىنشى بولىگىنىڭ 1) تار­ماقشاسىندا كوزدەلگەن جاعدايدا, ساتىپ الۋدى باقىلاۋ جونىندەگى ورتالىقتاندىرىلعان قىزمەتتىڭ شەشىمى;

وسى باپتىڭ 2-تارماعى ءبىرىنشى بولىگىنىڭ 2) جانە 3) تارماقشالارىندا كوزدەلگەن جاعدايلاردا, زاڭدى كۇشىنە ەنگەن سوت شەشىمى نەگىزىندە قالىپتاستىرىلادى.

5. وسى باپتىڭ 2-تارماعى ءبىرىنشى بولىگىنىڭ

1) تارماق­شاسىندا كوزدەلگەن نەگىز بويىنشا ساتىپ الۋعا جوسىقسىز قاتىسۋشىلاردىڭ تىزىلىمىنە ەنگىزىلگەن الەۋەتتى ءونىم بەرۋشىلەر ولاردى ساتىپ الۋعا جوسىقسىز قاتىسۋشىلار دەپ تانۋ تۋرالى شەشىم قابىلدانعان كۇننەن باستاپ جيىرما ءتورت اي بويى ساتىپ الۋعا قاتىسۋعا جىبەرىلمەيدى.

وسى باپتىڭ 2-تارماعى ءبىرىنشى بولىگىنىڭ 2) جانە 3) تارماقشالارىندا كوزدەلگەن نەگىزدەر بويىنشا ساتىپ الۋعا جوسىقسىز قاتىسۋشىلاردىڭ تىزىلىمىنە ەنگىزىلگەن الەۋەتتى ءونىم بەرۋشىلەر نەمەسە ءونىم بەرۋشىلەر وسىنداي الەۋەتتى ءونىم بەرۋشىلەردى نەمەسە ءونىم بەرۋشىلەردى ساتىپ الۋعا جوسىقسىز قاتىسۋشىلار دەپ تانۋ تۋرالى سوت شەشىمى زاڭدى كۇشىنە ەنگەن كۇننەن باستاپ جيىرما ءتورت اي بويى ساتىپ الۋعا قاتىسۋعا جىبەرىلمەيدى.

ساتىپ الۋعا جوسىقسىز قاتىسۋشىلاردىڭ تىزىلىمىنەن شىعارۋ ءۇشىن مىنالار نەگىزدەر بولىپ تابىلادى:

1) وسى تارماقتىڭ ءبىرىنشى جانە ەكىنشى بولىكتەرىندە بەلگىلەنگەن مەرزىمنىڭ ءوتۋى;

2) الەۋەتتى ءونىم بەرۋشىنى نەمەسە ءونىم بەرۋشىنى ساتىپ الۋعا جوسىقسىز قاتىسۋشى دەپ تانۋ تۋرالى شەشىمنىڭ كۇشىن جويۋ تۋرالى زاڭدى كۇشىنە ەنگەن سوت اكتىسىنىڭ بولۋى;

3) كەلىسۋ كوميسسياسىنىڭ الەۋەتتى ءونىم بەرۋشىنى ساتىپ الۋعا جوسىقسىز قاتىسۋشىلاردىڭ تىزىلىمىنەن مەرزىمىنەن بۇرىن شىعارۋ تۋرالى شەشىمى.

6. الەۋەتتى ءونىم بەرۋشىنى نەمەسە ءونىم بەرۋشىنى ساتىپ الۋعا جوسىقسىز قاتىسۋشىلاردىڭ تىزىلىمىنە ەنگىزۋ تۋرالى شەشىمگە ول قازاقستان رەسپۋبليكاسىنىڭ زاڭناماسىنا سايكەس شاعىم جاساي الادى.

11-باپ. ساتىپ الۋدى جۇزەگە اسىرۋ تاسىلدەرى

1. ساتىپ الۋ:

1) تەندەر;

2) اۋكتسيون;

3) باعا ۇسىنىستارىن سۇراتۋ;

4) ءبىر كوزدەن الۋ تاسىلدەرىمەن;

5) تاۋار بيرجالارى ارقىلى;

6) ەلەكتروندىق دۇكەن ارقىلى;

7) حولدينگىشىلىك كووپەراتسيا شەڭبەرىندە جۇزەگە اسىرىلادى.

2. وسى باپتىڭ 1-تارماعىندا كوزدەلگەن تاسىلدەرمەن ساتىپ الۋدى جۇزەگە اسىرۋ ءتارتىبى ساتىپ الۋدى جۇزەگە اسىرۋ قاعيدالارىندا ايقىندالادى.
3. وسى باپتىڭ 1-تارماعىنىڭ 1) جانە 3) تارماقشا­لارىندا كوزدەلگەن تاسىلدەرمەن ساتىپ الۋ ساتىپ الۋدى جۇزەگە اسىرۋ قاعيدالارىنا سايكەس الدىن الا بىلىكتىلىكتى ىرىك­تەۋ قولدانىلا وتىرىپ جۇرگىزىلۋى مۇمكىن.
4. وسى باپتىڭ 1-تارماعىنىڭ 2) تارماقشاسىندا كوزدەلگەن تاسىلمەن ساتىپ الۋ قور جانە قوردىڭ ۇيىمدارى ساتىپ الۋدى جۇزەگە اسىرعان كەزدە قولدانىلمايدى.
5. وسى باپتىڭ 1-تارماعىنىڭ 5) تارماقشاسىندا كوز­دەلگەن ساتىپ الۋ ءتاسىلى ساۋدا قىزمەتىن رەتتەۋ سالا­سىنداعى ۋاكىلەتتى ورگان بەكىتكەن بيرجالىق تاۋارلار تىز­بەسىنە قولدانىلادى.
6. وسى باپتىڭ 1-تارماعىنىڭ 7) تارماقشاسىندا كوزدەلگەن ساتىپ الۋ ءتاسىلى قوردىڭ جانە قور ۇيىم­دارىنىڭ ساتىپ الۋىنا عانا قولدانىلادى.
7. ساتىپ الۋدى جۇزەگە اسىرۋ ءتاسىلىن تاپسىرىس بەرۋشى وسى زاڭعا, ساتىپ الۋدى جۇزەگە اسىرۋ قاعيدالارىنا سايكەس ايقىندايدى.
8. ساتىپ الۋدى جۇزەگە اسىرۋ كەزىندە:

1) مىناداي:

نەگىزگى (ورناتىلعان) جابدىقتى قوسىمشا جيناقتاۋ, قوسىمشا جاراقتاۋ, بىرىزدەندىرۋ نەمەسە ونىڭ قولدا

بار تاۋارلارمەن, جۇمىستارمەن جانە كورسەتىلەتىن قىزمەتتەرمەن ۇيلەسىمدىلىگىن قامتاماسىز ەتۋ ءۇشىن, سونداي-اق ودان ءارى تەحنيكالىق قولداپ وتىرۋ, وعان سەرۆيستىك قىزمەت كورسەتۋ جانە جوندەۋ, ونىڭ ىشىندە جوسپارلى جوندەۋ (قاجەت بولعان كەزدە) ءۇشىن تاۋارلاردى, جۇمىستار مەن كورسەتىلەتىن قىزمەتتەردى ساتىپ الۋ;

ەگەر قوردىڭ ساتىپ الۋىن جۇزەگە اسىرۋ تارتىبىنە سايكەس ازىرلەنگەن جانە بەكىتىلگەن ساتىپ الۋ ساناتتىق ستراتەگياسىندا وزگەشە كوزدەلۋى;

تاپسىرىس بەرۋشىنىڭ ءونىم بەرۋشى رەتىندە قازاقستان رەسپۋبليكاسىنىڭ بەيرەزيدەنتىمەن ءوزى جاساسقان شارت بويىنشا مىندەتتەمەلەردى ورىنداۋى ءۇشىن تاۋار­لاردى, جۇمىستار مەن كورسەتىلەتىن قىزمەتتەردى ساتىپ الۋ جانە وسى شارتتا تاۋار بەلگىلەرىنە, قىزمەت كور­سەتۋ بەلگىلەرىنە, فيرمالىق اتاۋلارعا, پاتەنتتەرگە, پاي­دالى مودەلدەرگە, ونەركاسىپتىك ۇلگىلەرگە, تاۋاردىڭ شىعا­رىلعان جەرىنىڭ اتاۋىنا جانە ءوندىرۋشىنىڭ اتاۋىنا, سون­داي-اق ساتىپ الىناتىن تاۋارلاردىڭ, جۇمىستاردىڭ, كور­سەتىلەتىن قىزمەتتەردىڭ جەكەلەگەن الەۋەتتى ءونىم بەرۋ­شىگە نە وندىرۋشىگە تيەسىلىلىگىن ايقىندايتىن وزگە دە مالىمەتتەرگە جانە (نەمەسە) قۇجاتتارعا ءتيىستى نۇسقاۋ­لاردىڭ بولۋى جاعدايلارىن قوسپاعاندا, تەندەرلىك قۇجات­تامادا (اۋكتسيوندىق قۇجاتتامادا) الەۋەتتى ءونىم بەرۋشىلەرگە ساتىپ الۋدى جۇزەگە اسىرۋ قاعيدالارىندا كوزدەلمەگەن بىلىكتىلىك تالاپتارىن بەلگىلەۋگە نە تەندەر­لىك قۇجاتتامادا (اۋكتسيوندىق قۇجاتتامادا) نەمەسە باعا ۇسىنىستارىن سۇراتۋ تاسىلىمەن ساتىپ الۋدى جۇزەگە اسىرۋ كەزىندە ورنالاستىرىلاتىن اقپاراتتا ساتىپ الىناتىن تاۋار­لاردىڭ, جۇمىستاردىڭ, كورسەتىلەتىن قىزمەتتەردىڭ جەكە­لەگەن الەۋەتتى ءونىم بەرۋشىلەرگە تيەسىلىلىگىن ايقىن­دايتىن سيپاتتامالارعا نۇسقاۋ جاساۋعا;

2) ساتىپ الۋدى جۇزەگە اسىرۋ قاعيدالارىندا كوزدەل­مەگەن جاعدايلاردا ساتىپ الۋدى جۇزەگە اسىرۋدان باس تارتۋعا;

3) ساتىپ الۋدى جۇزەگە اسىرۋ قاعيدالارىندا كوزدەل­مەگەن نەگىزدەر بويىنشا الەۋەتتى ءونىم بەرۋشىنى جانە (نەمەسە) ول تارتاتىن جۇمىستاردى ورىنداۋ بويىنشا قوسال­قى مەردىگەرلەردى نە قىزمەتتەردى كورسەتۋ بويىنشا بىر­لەسىپ ورىنداۋشىلاردى بىلىكتىلىك تالاپتارىنا جانە (نەمەسە) تەندەرلىك قۇجاتتامانىڭ (اۋكتسيوندىق قۇجات­تامانىڭ) تالاپتارىنا سايكەس كەلمەيدى دەپ تانۋعا;

4) ساتىپ الۋدى جۇزەگە اسىرۋ قاعيدالارىندا كوزدەل­گەن جاعدايلاردى قوسپاعاندا, ساتىپ الۋدى جۇزەگە اسى­رۋ كەزىندە بىرتەكتى ەمەس تاۋارلاردى, جۇمىستار مەن كور­سەتىلەتىن قىزمەتتەردى – بىرتەكتىلىگى بويىنشا, بىرتەكتى تاۋار­لاردى – بىرتەكتى تاۋارلاردىڭ تۇرلەرى بويىنشا جانە بەرۋ ورىندارى بويىنشا, بىرتەكتى جۇمىستاردى, كور­سەتىلەتىن قىزمەتتەردى ولاردىڭ ورىندالعان, كورسەتىل­گەن ورنى بويىنشا لوتتارعا بولمەۋگە;

5) ساتىپ الۋ بويىنشا ساراپتاما كوميسسياسىنىڭ نە ساتىپ الۋ جونىندەگى ساراپشىنىڭ تەندەرلىك كوميسسيانىڭ (اۋكتسيوندىق كوميسسيانىڭ) زاڭسىز شەشىم قابىلداۋىنا نەگىز بولاتىن كورىنەۋ جالعان ساراپتامالىق قورىتىندى دايىنداۋىنا;

6) ساتىپ الۋدى جۇزەگە اسىرۋ قاعيدالارىندا كوزدەل­مەگەن جاعدايلاردا ءبىر كوزدەن الۋ تاسىلىمەن ساتىپ الۋدى جۇزەگە اسىرۋعا;

7) الەۋەتتى ءونىم بەرۋشىدەن تەندەرلىك قۇجاتتامادا كوزدەل­مەگەن قۇجاتتاردى ۇسىنۋدى تالاپ ەتۋگە جول بەرىلمەيدى.

12-باپ. شارتتى جاساسۋ جانە ورىنداۋ

1. شارتتى جاساسۋ جانە ورىنداۋ وسى زاڭعا, قازاقستان رەسپۋبليكاسىنىڭ ازاماتتىق زاڭناماسىنا, ساتىپ الۋدى جۇ­زەگە اسىرۋ قاعيدالارىنا سايكەس جۇزەگە اسىرىلادى.
2. شارتتىڭ تاراپتارىنا قاتىستى تەپە-تەڭدىك نەگىزدە شارت بويىنشا مىندەتتەمەلەردى ورىنداماعانى نە تيىسىن­شە ورىنداماعانى ءۇشىن جاۋاپتىلىق كوزدەلۋگە ءتيىس.

شارتتا تاۋارلاردىڭ بەرىلگەنى, جۇمىستاردىڭ ورىندالعانى نە قىزمەتتەردىڭ كورسەتىلگەنى ءۇشىن وسى شارت­ بويىنشا مىندەتتەمەلەر ورىندالعان كۇننەن باستاپ وتىز جۇمىس كۇنىنەن اسپايتىن مەرزىمدە تولىق اقى تولەۋ تۋرا­لى تالاپتار قامتىلۋعا ءتيىس.

3. ساتىپ الۋدى جۇزەگە اسىرۋ قاعيدالارىندا كوزدەل­گەن جاعدايلاردا تاراپتاردىڭ ءوزارا كەلىسۋى بويىنشا شارت­­تىڭ جوباسىنا نە جاسالعان شارتقا وزگەرىستەر ەن­گىزۋگە جول بەرىلەدى.
4. شارتتىڭ جوباسىنا نە جاسالعان شارتقا وتكىزىلەتىن (وتكىزىلگەن) ساتىپ الۋ تالاپتارىنىڭ مازمۇنىن وزگەرتۋى مۇمكىن وزگەرىستەردى ەنگىزۋگە جول بەرىلمەيدى.

5.وفتەيك-كەلىسىمشارتتاردى قوردى جانە قوردىڭ ۇيىم­دارىن قوسپاعاندا, كۆازيمەملەكەتتىك سەكتوردىڭ جەكەلەگەن سۋبەكتىلەرى ساتىپ الۋ سالاسىنداعى ۋاكىلەتتى ورگان ايقىنداعان تارتىپپەن جاسايدى.

وفتەيك-كەلىسىمشارتتاردى قور جانە قوردىڭ ۇيىمدا­رى قور ايقىنداعان تارتىپپەن جاسايدى.

جاسالعان وفتەيك-كەلىسىمشارتقا ساتىپ الۋ كولەمىن ازايتۋ جانە كەلىسىمشارتتىڭ باعاسىن تومەندەتۋ بويىنشا وزگەرىستەردى بىرجاقتى تارتىپپەن ەنگىزۋگە جول بەرىلمەيدى.

13-باپ. ساتىپ الۋ سالاسىنداعى ۋاكىلەتتى ورگاننىڭ قۇزىرەتى

ساتىپ الۋ سالاسىنداعى ۋاكىلەتتى ورگان:

1) قوردى جانە قوردىڭ ۇيىمدارىن قوسپاعاندا, كۆازي­مەملەكەتتىك سەكتوردىڭ جەكەلەگەن سۋبەكتىلەرىنىڭ ساتىپ الۋ ۆەب-پورتالدارىن ايقىندايدى;

2) قوردى جانە قوردىڭ ۇيىمدارىن قوسپاعاندا, كۆازي­مەملەكەتتىك سەكتوردىڭ جەكەلەگەن سۋبەكتىلەرىنىڭ ساتىپ الۋ ۆەب-پورتالدارىنىڭ جۇمىس ىستەۋ, ونىڭ ىشىندە ۆەب-پور­تالدار جۇمىسىندا تەحنيكالىق ىركىلىستەر تۋىنداعان جاعدايدا جۇمىس ىستەۋ قاعيدالارىن بەكىتەدى;

3) ساتىپ الۋدى جۇزەگە اسىرۋ قاعيدالارىنا سايكەس ساتىپ الۋعا قاتىسۋشىلاردان قاجەتتى اقپارات پەن ماتەريالداردى سۇراتادى;

4) ساراپتامالار جانە كونسۋلتاتسيالار جۇرگىزۋ ءۇشىن مەملەكەتتىك ورگاندار مەن وزگە دە ۇيىمداردىڭ ماماندارىن تارتادى;

5) قوردى جانە قوردىڭ ۇيىمدارىن قوسپاعاندا, كۆازيمەملەكەتتىك سەكتوردىڭ جەكەلەگەن سۋبەكتىلەرى ءۇشىن ساتىپ الۋ ماسەلەلەرى بويىنشا, ونىڭ ىشىندە ءتيىستى سالا­لاردىڭ ۋاكىلەتتى ورگاندارىمەن كەلىسۋ بويىنشا ادىستەمەلىك ۇسىنىمداردى ازىرلەيدى جانە بەكىتەدى;

6) قوردى جانە قوردىڭ ۇيىمدارىن قوسپاعاندا, كۆازيمەملەكەتتىك سەكتوردىڭ جەكەلەگەن سۋبەكتىلەرىنىڭ ساتىپ الۋى سالاسىندا تىزىلىمدەردى قالىپتاستىرۋ جانە جۇرگىزۋ قاعيدالارىن بەكىتەدى;

7) قوردىڭ ساتىپ الۋىن باقىلاۋ جونىندەگى ورتالىق­تاندىرىلعان قىزمەتتى قوسپاعاندا, ساتىپ الۋدى باقىلاۋ جونىندەگى ورتالىقتاندىرىلعان قىزمەت جۇزەگە اسىراتىن باقىلاۋ جۇرگىزۋ قاعيدالارىن ازىرلەيدى جانە بەكىتەدى;

8) كۆازيمەملەكەتتىك سەكتوردىڭ جەكەلەگەن سۋبەك­تىلەرىنىڭ ساتىپ الۋدى جۇرگىزۋى كەزىندە اكىمشىلىك قۇقىق بۇزۋ­شىلىقتار تۋرالى ىستەردى قوزعايدى جانە قارايدى جانە قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىندە بەلگىلەنگەن تارتىپپەن اكىمشىلىك جازالار قولدانادى;

9) قوردى جانە قوردىڭ ۇيىمدارىن قوسپاعاندا, كۆازيمەملەكەتتىك سەكتوردىڭ جەكەلەگەن سۋبەكتىلەرى ءۇشىن وفتەيك-كەلىسىمشارتتى جاساسۋ جانە ورىنداۋ ءتارتىبىن بەكىتەدى;

10) قوردىڭ جانە قور ۇيىمدارىنىڭ وفتەيك-كەلىسىم­شارتتى جاساسۋ جانە ورىنداۋ ءتارتىبىن كەلىسەدى;

11) وسى زاڭدا, قازاقستان رەسپۋبليكاسىنىڭ وزگە دە زاڭ­دارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرادى.

14-باپ. كۆازيمەملەكەتتىك سەكتوردىڭ جەكەلەگەن سۋبەك­تىلەرىنىڭ ساتىپ الۋ سالاسىنداعى قۇزىرەتى

1. قور قوردىڭ جانە قور ۇيىمدارىنىڭ ساتىپ الۋ ماسەلەلەرى بويىنشا باقىلاۋدى جانە ادىستەمەلىك باس­شىلىقتى, مونيتورينگتى جانە تالداۋدى جۇزەگە اسىرادى.
2. قور مىناداي فۋنكتسيالاردى جۇزەگە اسىرادى:

1) قوردىڭ جانە قور ۇيىمدارىنىڭ ساتىپ الۋ ۆەب-پورتالىن ايقىندايدى;

2) قوردىڭ جانە قور ۇيىمدارىنىڭ ساتىپ الۋ ۆەب-پورتالىنىڭ جۇمىس ىستەۋ, ونىڭ ىشىندە ۆەب-پورتال جۇمىسىندا تەحنيكالىق ىركىلىستەر تۋىنداعان جاعدايدا جۇمىس ىستەۋ قاعيدالارىن بەكىتەدى;

3) قوردىڭ جانە قور ۇيىمدارىنىڭ ساتىپ الۋ سالا­سىنداعى تىزىلىمدەردى, تىزبەلەردى قالىپتاستىرۋ جانە جۇر­گىزۋ قاعيدالارىن بەكىتەدى;

4) قوردىڭ جانە قور ۇيىمدارىنىڭ وفتەيك-كەلىسىم­شارتتى جاساسۋ جانە ورىنداۋ ءتارتىبىن بەكىتەدى;

5) قوردىڭ جانە قور ۇيىمدارىنىڭ ساتىپ الۋىن باقى­لاۋ جونىندەگى ورتالىقتاندىرىلعان قىزمەتتىڭ فۋنك­تسيالارىن جۇزەگە اسىراتىن قوردىڭ قۇرىلىمدىق بولىم­شەسىن ايقىندايدى;

6) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قوردىڭ جارعىسىندا جانە قوردىڭ ساتىپ الۋىن جۇزەگە اسىرۋ تارتىبىندە بەلگىلەنگەن وزگە دە وكى­لەتتىكتەردى جۇزەگە اسىرادى.

3. قوردىڭ ديرەكتورلار كەڭەسى:

1) قوردىڭ ساتىپ الۋىن جۇزەگە اسىرۋ ءتارتىبىن بەكى­تەدى;

2) قوردىڭ ساتىپ الۋىن جۇزەگە اسىرۋىنا باقىلاۋ جۇرگىزۋ قاعيدالارىن بەكىتەدى.

4. تاپسىرىس بەرۋشىنىڭ نە ساتىپ الۋدى ۇيىمداس­تىرۋشىنىڭ ءبىرىنشى باسشىسى, ءبىرىنشى باسشىسىنىڭ ورىنباسارى نەمەسە وزگە دە باسشىسى ساتىپ الۋ جونىندەگى كوميس­سيانىڭ توراعاسى بولىپ تاعايىندالادى.

15-باپ. قازاقستان رەسپۋبليكاسىنىڭ كۆازيمەملەكەتتىك سەكتوردىڭ جەكەلەگەن سۋبەكتىلەرىنىڭ ساتىپ الۋى تۋرالى زاڭناماسى تالاپتارىنىڭ ساقتالۋىن باقىلاۋ

1. كۆازيمەملەكەتتىك سەكتوردىڭ جەكەلەگەن سۋبەكتى­لەرىنىڭ وسى زاڭنىڭ تالاپتارىن جانە ساتىپ الۋدى جۇزەگە اسىرۋ قاعيدالارىن ساقتاۋىن باقىلاۋدى ساتىپ الۋدى باقىلاۋ جونىندەگى ورتالىقتاندىرىلعان قىزمەت جانە ساتىپ الۋ سالاسىنداعى ۋاكىلەتتى ورگان جۇرگىزەدى.
2. قوردى جانە قوردىڭ ۇيىمدارىن قوسپاعاندا, كۆا­زيمەملەكەتتىك سەكتوردىڭ جەكەلەگەن سۋبەكتىلەرىنىڭ ساتىپ الۋىن باقىلاۋ جونىندەگى ورتالىقتاندىرىلعان قىزمەت ءوز جۇمىسىندا كۆازيمەملەكەتتىك سەكتور سۋبەك­تىسىنىڭ ديرەكتورلار كەڭەسىنە ەسەپ بەرەدى, ول سا­تىپ الۋدى باقىلاۋ جونىندەگى ورتالىقتاندىرىلعان قىز­مەتتىڭ ساندىق قۇرامىن, وكىلەتتىك مەرزىمىن, جۇمىس ءتار­تىبىن ايقىندايدى, ونىڭ باسشىسىن تاعايىندايدى جانە وكىلەتتىگىن توقتاتادى, ونىڭ جۇمىسكەرلەرىنىڭ ەڭبەگىنە اقى تولەۋدىڭ مولشەرى مەن وزگە دە شارتتارىن ايقىندايدى.

قوردىڭ جانە قور ۇيىمدارىنىڭ ساتىپ الۋىن باقىلاۋ جونىندەگى ورتالىقتاندىرىلعان قىزمەت تىكەلەي قوردىڭ باسقارماسىنا باعىنادى. باقىلاۋدى جۇزەگە اسىرۋ ءتارتىبى قوردىڭ ساتىپ الۋىن جۇزەگە اسىرۋىنا باقىلاۋ جۇرگىزۋ قاعيدالارىندا ايقىندالادى.

3. مىنالار باقىلاۋ وبەكتىلەرى بولىپ تابىلادى:

1) تاپسىرىس بەرۋشى, ساتىپ الۋدى ۇيىمداستىرۋشى, تەن­دەرلىك كوميسسيا (اۋكتسيوندىق كوميسسيا), ساتىپ الۋ جونىندەگى ساراپتاما كوميسسياسى, ساتىپ الۋ جونىندەگى ساراپشى;

2) وتكىزىلەتىن ساتىپ الۋ نىساناسى شەگىندە الەۋەتتى ءونىم بەرۋشى, ءونىم بەرۋشى, سونداي-اق ولار جۇمىستاردى ورىن­داۋ بويىنشا قوسالقى مەردىگەرلەر نە قىزمەتتەردى كور­سەتۋ بويىنشا بىرلەسىپ ورىنداۋشىلار رەتىندە تار­تاتىن تۇلعالار;

3) ەلەكتروندىق ساتىپ الۋ اقپاراتتىق جۇيەسىنىڭ وپەراتورى.

4. ساتىپ الۋدى جۇزەگە اسىرۋ قاعيدالارىنىڭ ساق­تالۋىنا باقىلاۋ جۇرگىزۋگە مىنالار نەگىز بولىپ تابىلادى:

1) تەندەرگە نە اۋكتسيونعا قاتىساتىن (قاتىسقان) الەۋەت­تى ءونىم بەرۋشىنىڭ نەمەسە ءونىم بەرۋشىنىڭ نە ونىڭ ۋاكىلەتتى وكىلىنىڭ تاپسىرىس بەرۋشىنىڭ, ساتىپ الۋد­ى ۇيىمداستىرۋشىنىڭ نە تەندەرلىك كوميسسيانىڭ (اۋك­تسيوندىق كوميسسيانىڭ), ساتىپ الۋ جونىندەگى ساراپتاما كوميسسياسىنىڭ, ساتىپ الۋ جونىندەگى ساراپشىنىڭ, ەلەك­تروندىق ساتىپ الۋ اقپاراتتىق جۇيەسى وپەراتورىنىڭ ارە­كەتتەرىنە (ارەكەتسىزدىگىنە), شەشىمدەرىنە شاعىم جاسالعان جازباشا جولدانىمى نە جالپىعا بىردەي قولجەتىمدى اقپاراتتىق جۇيەلەر ارقىلى كەلىپ تۇسكەن جانە قازاقستان رەسپۋبليكاسىنىڭ ەلەكتروندىق قۇجات جانە ەلەكتروندىق تسيفرلىق قولتاڭبا تۋرالى زاڭناماسىنىڭ تالاپتارىنا سايكەس كەلەتىن جولدانىمى;

2) قۇقىق قورعاۋ ورگاندارىنىڭ كەلىپ تۇسكەن قاۋ­لىلارى;

3) ساتىپ الۋدى باقىلاۋ جونىندەگى ورتالىقتاندىرىلعان قىزمەتتىڭ تەكسەرۋ جۇرگىزۋ جوسپارى.

5. ساتىپ الۋدى باقىلاۋ جونىندەگى ورتالىق­تان­دىرىلعان قىزمەت باقىلاۋ ناتيجەلەرى بويىنشا ساتىپ الۋدى جۇزەگە اسىرۋ قاعيدالارىن بۇزۋشىلىقتاردى انىق­تاعان كەزدە باقىلاۋ وبەكتىسىنە:

1) بۇزۋشىلىقتار انىقتالعان كۇننەن باستاپ ءۇش جۇمىس كۇنىنەن كەشىكتىرمەي, بۇزۋشىلىقتاردى جويۋ تۋرا­لى ورىندالۋى مىندەتتى حابارلامانى;

2) انىقتالعان بۇزۋشىلىقتاردى جانە ولاردىڭ تۋىنداۋ سەبەپتەرىن جويۋ جونىندەگى ۇسىنىمداردى قامتيتىن, ورىندالۋى مىندەتتى جوسپارلى تەكسەرۋ اكتىسىن جىبەرەدى.

6. باقىلاۋ ناتيجەلەرى بويىنشا باقىلاۋ وبەكتىسىنىڭ قىلمىس­تىق قۇقىق بۇزۋشىلىق قۇرامىنىڭ بەلگىلەرى بار ارەكەتتى (ارەكەتسىزدىكتى) جاساۋ فاكتىسى انىقتالعان كەزدە ساتىپ الۋدى باقىلاۋ جونىندەگى ورتالىقتاندىرىلعان قىزمەت وسىنداي فاكت انىقتالعان كۇننەن باستاپ بەس جۇمىس كۇنى ىشىندە كورسەتىلگەن ارەكەتتىڭ (ارەكەتسىزدىكتىڭ) جاسالعانى تۋرالى اقپاراتتى جانە وسىنداي فاكتىنى راستايتىن قۇجاتتاردى قۇقىق قورعاۋ ورگاندارىنا بەرۋگە مىندەتتى.
7. ساتىپ الۋدى باقىلاۋ جونىندەگى ورتالىقتان­دى­رىلعان قىزمەت بۇزۋشىلىقتاردى جويۋ تۋرالى حابار­لامانى جىبەرگەن جاعدايدا, باقىلاۋ وبەكتىسى حابارلامادا كورسەتىلگەن بۇزۋشىلىقتاردى وسىنداي حابارلاما تابىس ەتىلگەن (الىنعان) كۇننەن كەيىنگى كۇننەن باستاپ ون جۇمىس كۇنى ىشىندە جويۋعا مىندەتتى.
8. باقىلاۋ ناتيجەلەرى بويىنشا انىقتالعان بۇزۋ­شى­لىقتاردى جويۋ تۋرالى حابارلاما وسى باپتىڭ 7-تارماعىندا كورسەتىلگەن مەرزىمدە ورىندالماعان جاعدايدا, ساتىپ الۋدى باقىلاۋ جونىندەگى ورتالىق­تان­دىرىلعان قىزمەت ماتەريالداردى ساتىپ الۋ سالاسىنداعى ۋاكىلەتتى ورگانعا بەرەدى.

16-باپ. تاپسىرىس بەرۋشىنىڭ, ساتىپ الۋدى ۇيىمداس­تىرۋشىنىڭ, تەندەرلىك كوميسسيانىڭ (اۋكتسيوندىق كوميسسيانىڭ), ساتىپ الۋ جونىندەگى ساراپشىنىڭ, ساتىپ الۋ جونىندەگى ساراپتاما كوميسسياسىنىڭ, ەلەكتروندىق ساتىپ الۋ اقپاراتتىق جۇيەسى وپەراتورىنىڭ ارەكەتتەرىنە (ارەكەتسىزدىگىنە), شەشىمدەرىنە, ساتىپ الۋدى باقىلاۋ جونىندەگى ورتالىقتاندىرىلعان قىزمەتتىڭ شەشىمىنە شاعىم جاساۋ

1. ەگەر تاپسىرىس بەرۋشىنىڭ, ساتىپ الۋدى ۇيىم­داستىرۋشىنىڭ, تەندەرلىك كوميسسيانىڭ (اۋكتسيوندىق كوميس­سيانىڭ), ساتىپ الۋ جونىندەگى ساراپشىنىڭ, ساتىپ الۋ جونىندەگى ساراپتاما كوميسسياسىنىڭ, ەلەكتروندىق ساتىپ الۋ اقپاراتتىق جۇيەسى وپەراتورىنىڭ ارەكەتتەرى (ارەكەتسىزدىگى), شەشىمدەرى الەۋەتتى ءونىم بەرۋشىنىڭ, ءونىم بەرۋشىنىڭ قۇقىقتارىن جانە (نەمەسە) زاڭدى مۇددەلەرىن بۇزسا, الەۋەتتى ءونىم بەرۋشى, ءونىم بەرۋشى ولاردىڭ ارە­كەتتەرىنە (ارەكەتسىزدىگىنە), شەشىمدەرىنە شاعىم جاساۋعا قۇقىلى.
2. ەگەر تاپسىرىس بەرۋشىنىڭ, ساتىپ الۋدى ۇيىمداس­تىرۋشىنىڭ, تەندەرلىك كوميسسيانىڭ (اۋكتسيوندىق كوميسسيانىڭ), ساتىپ الۋ جونىندەگى ساراپشىنىڭ, ساتىپ الۋ جونىندەگى ساراپتاما كوميسسياسىنىڭ, ەلەكتروندىق ساتىپ الۋ اقپاراتتىق جۇيەسى وپەراتورىنىڭ ارەكەتتەرى (ارەكەتسىزدىگى), شەشىمدەرى الەۋەتتى ءونىم بەرۋشىنىڭ قۇقىقتارىن جانە (نەمەسە) زاڭدى مۇددەلەرىن بۇزسا, الەۋەتتى ءونىم بەرۋشى وتىنىمدەر, باعا ۇسىنىستارى اشىلعان كۇنگە دەيىن ولاردىڭ ارەكەتتەرىنە (ارەكەتسىزدىگىنە), شەشىمدەرىنە شاعىم جاساۋعا قۇقىلى.
3. ەگەر تاپسىرىس بەرۋشىنىڭ, ساتىپ الۋدى ۇيىمداس­تىرۋشىنىڭ, تەندەرلىك كوميسسيانىڭ (اۋكتسيوندىق كوميسسيانىڭ), ساتىپ الۋ جونىندەگى ساراپشىنىڭ, ساتىپ الۋ جونىندەگى ساراپتاما كوميسسياسىنىڭ, ەلەكتروندىق ساتىپ الۋ اقپاراتتىق جۇيەسى وپەراتورىنىڭ ارەكەتتەرى (ارەكەتسىزدىگى), شەشىمدەرى ساتىپ الۋعا قاتىسقان الەۋەتتى ءونىم بەرۋشىنىڭ قۇقىقتارىن جانە (نەمەسە) زاڭدى مۇددەلەرىن بۇزسا, ساتىپ الۋعا قاتىسقان الەۋەتتى ءونىم بەرۋشى ساتىپ الۋ قورىتىندىلارى تۋرالى حاتتاما جاريالانعان كۇننەن باستاپ ەكى جۇمىس كۇنى ىشىندە ولار­دىڭ ارەكەتتەرىنە (ارەكەتسىزدىگىنە), شەشىمدەرىنە شاعىم جاساۋعا قۇقىلى.
4. تەندەرلىك كوميسسيا تەندەر ناتيجەلەرىمەن كەلىس­پەگەن الەۋەتتى ءونىم بەرۋشىنىڭ جولدانىمىنا ءۋاجدى شەشىم ۇسىنۋعا مىندەتتى.
5. وسى باپتىڭ 2 جانە 3-تارماقتارىندا كوزدەلگەن جاع­دايلاردا, شارت جاساسۋ مەرزىمى شاعىمدى قاراۋ مەرزىمى اياقتالعانعا دەيىن توقتاتىلا تۇرادى.
6. وسى باپتىڭ 2 جانە 3-تارماقتارىندا بەلگىلەنگەن مەرزىمدەر وتكەن سوڭ تاپسىرىس بەرۋشىنىڭ, ساتىپ الۋدى ۇيىمداستىرۋشىنىڭ, تەندەرلىك كوميسسيانىڭ (اۋكتسيوندىق كوميسسيانىڭ), ساتىپ الۋ جونىندەگى ساراپشىنىڭ, ساتىپ الۋ جونىندەگى ساراپتاما كوميس­سياسىنىڭ, ەلەكتروندىق ساتىپ الۋ اقپاراتتىق جۇيە­سى وپەراتورىنىڭ ارەكەتتەرىنە (ارەكەتسىزدىگىنە), شە­شىم­دەرىنە ساتىپ الۋدى باقىلاۋ جونىندەگى ورتا­لىقتاندىرىلعان قىزمەتكە شاعىم جاساۋ قازاقستان رەسپۋب­ليكاسىنىڭ زاڭدارىنا سايكەس جۇزەگە اسىرىلادى.
7. الەۋەتتى ءونىم بەرۋشىنىڭ, ءونىم بەرۋشىنىڭ شاعىمى قازاقستان رەسپۋبليكاسىنىڭ ەلەكتروندىق قۇجات جانە ەلەكتروندىق تسيفرلىق قولتاڭبا تۋرالى زاڭناماسىنا سايكەس ساتىپ الۋ ۆەب-پورتالى ارقىلى بەرىلۋى مۇمكىن.
8. وسى باپتىڭ 2 جانە 3-تارماقتارىندا بەلگى­لەن­گەن مەرزىمدەردە كەلىپ تۇسكەن شاعىمدى قاراۋ ناتي­جەلەرى بويىنشا ساتىپ الۋدى باقىلاۋ جونىن­دەگى ورتالىقتاندىرىلعان قىزمەت ساتىپ الۋ قورىتىن­دىلارىنىڭ كۇشىن جويۋ جانە (نەمەسە) ولاردى قايتا قاراۋ نە ولاردىڭ كۇشىن جويۋدان جانە (نەمەسە) ولاردى قايتا قاراۋدان باس تارتۋ تۋرالى شەشىم قابىلدايدى.

ساتىپ الۋ قورىتىندىلارىنىڭ كۇشىن جويۋ جانە (نەمەسە) ولاردى قايتا قاراۋ قاجەتتىلىگىنىڭ جوقتى­عى تۋرالى تۇجىرىمداردى قامتيتىن, ساتىپ الۋ قورىتىن­دىلارىنىڭ كۇشىن جويۋدان جانە (نەمەسە) ولاردى قايتا قاراۋدان باس تارتۋ تۋرالى ءۋاجدى نەگىزدەمەسى بار شەشىم وسىنداي شەشىم قابىلدانعان كۇننەن باستاپ كۇنتىزبەلىك ءۇش كۇن ىشىندە ءوتىنىش بەرۋشىگە جىبەرىلەدى.

9. ساتىپ الۋدى باقىلاۋ جونىندەگى ورتالىقتاندى­رىلعان قىزمەتتىڭ وسى باپتىڭ 8-تارماعىنا سايكەس قابىلدانعان شەشىمىمەن كەلىسپەگەن جاعدايدا, الەۋەتتى ءونىم بەرۋشى وعان سوتقا شاعىم جاساۋعا قۇقىلى.

17-باپ. قازاقستان رەسپۋبليكاسىنىڭ كۆازيمەملەكەتتىك سەكتوردىڭ جەكەلەگەن سۋبەكتىلەرىنىڭ ساتىپ الۋى تۋرالى زاڭناماسىنىڭ تالاپتارىن بۇزعانى ءۇشىن جاۋاپتىلىق

قازاقستان رەسپۋبليكاسىنىڭ كۆازيمەملەكەتتىك سەكتوردىڭ جەكەلەگەن سۋبەكتىلەرىنىڭ ساتىپ الۋى تۋرالى زاڭناماسىنىڭ تالاپتارىن بۇزۋ قازاقستان رەسپۋبليكاسىنىڭ زاڭدارىندا بەلگىلەنگەن جاۋاپتىلىققا الىپ كەلەدى.

18-باپ. ساتىپ الۋدى جۇزەگە اسىرۋدىڭ ەرەكشە ءتارتىبى

1. مالىمەتتەرى مەملەكەتتىك قۇپيالاردى قۇرايتىن جانە (نەمەسە) قازاقستان رەسپۋبليكاسىنىڭ ۇكىمەتى ايقىن­داعان, تارالۋى شەكتەۋلى قىزمەتتىك اقپاراتتى قامتيتىن, سونداي-اق قازاقستان رەسپۋبليكاسىنىڭ قور­عانىس ونەركاسىبى جانە مەملەكەتتىك قورعانىستىق تاپسىرىس تۋرالى زاڭناماسىنا سايكەس مەملەكەتتىك قورعانىستىق تاپسىرىس شەڭبەرىندە تاۋارلاردى, جۇمىستاردى, كورسەتىلەتىن قىزمەتتەردى ساتىپ العان جاعدايلاردا جانە ساتىپ الۋدى جۇزەگە اسىرۋ قاعيدالارىندا كوزدەلگەن جاعدايلاردا, ەرەكشە ءتارتىپ قولدانىلاتىن ساتىپ الۋ جۇزەگە اسىرىلادى.
2. ەرەكشە ءتارتىپ ساتىپ الۋدى جۇزەگە اسىرۋ قاعيدا­لارىندا ايقىندالادى.
3. ەرەكشە ءتارتىپ قولدانىلاتىن ساتىپ الۋ ساتىپ الۋ ۆەب-پورتالى پايدالانىلماي جۇزەگە اسىرىلادى.

19-باپ. وسى زاڭدى قولدانىسقا ەنگىزۋ ءتارتىبى

وسى زاڭ, 2023 جىلعى 1 قاڭتاردان باستاپ قولدانىسقا ەنگىزىلەتىن 6-باپتىڭ 4-تارماعىن قوسپاعاندا, 2022 جىلعى 1 قاڭتاردان باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى

ق. توقاەۆ

نۇر-سۇلتان, اقوردا, 2021 جىلعى 8 ماۋسىم  

№ 47-ءVىI  قرز