«8 ماۋسىم كۇنى ساعات 11:54-تە ەلوردالىق ءورت سوندىرۋشىلەر گەرتسەن كوشەسىندە ورىن العان ءورتتى سوندىرۋگە شىقتى. ءورت سوندىرۋشىلەر وقيعا ورنىنا جەدەل جەتتى. ساعات 12:02-دە موتوتسيكل ساتاتىن دۇكەننىڭ ىرگەلەس اۋماعىندا 15 شارشى مەتردە 36 دانا موتوتسيكل مەن 1 دانا قاردا جۇرەتىن تەحنيكانىڭ جانىپ جاتقاندىعى انىقتالدى», دەپ حابارلادى توتەنشە جاعدايلار مينيسترلىگىنىڭ ءباسپاسوز قىزمەتى.
ءورت ساعات 12:09-دا تولىقتاي ءسوندىرىلدى. ءسوندىرۋ جۇمىستارىنا نۇر-سۇلتان قالاسى تجد جەكە قۇرامىنان 10 ادام جانە 2 تەحنيكا جۇمىلدىرىلعان.
«زارداپ شەككەندەر مەن قايتىس بولعاندار جوق. ءورتتىڭ شىعۋ سەبەبى انىقتالۋدا. توتەنشە جاعدايلار مينيسترلىگى ازاماتتارعا ءورت قاۋىپسىزدىگى ەرەجەلەرىن قاتاڭ ساقتاۋ قاجەت ەكەندىگىن ەسكەرتەدى», دەيدى تجم ءباسپاسوز قىزمەتى.
