رەزەڭكە قايىق اعىنمەن دامباعا قاراي جىلدام اعىپ كەلە جاتقان. كۇزەتشىلەردىڭ ايعايىنا ەش جاۋاپ بولماعان. قايعىلى جاعدايدىڭ الدىن الۋ ءۇشىن كۇزەتشىلەر ديسپەتچەرگە حابارلاسىپ, شاندورانى دەرەۋ كوتەرۋدى تالاپ ەتكەن. بۇل دامبانى بوتەن زاتتاردىڭ ءتۇسىپ كەتۋىنەن ساقتايتىن مەتالل ارقالىقتاردان تۇراتىن قۇرىلعى. دەر كەزىندە كوتەرىلگەن ول يىرىمگە ءتۇسىپ كەتە جازداعان قايىقتى ۇستاپ قالادى. ءسويتىپ, بالىقشىنى قۇتقارۋ وپەراتسياسى ءساتتى اياقتالدى.
«تۇنگى اۋىسىمنان شىققان سوڭ, ۇيىقتاماستان كەشكە قاراي بالىق اۋلاۋعا بارىپ ەدىم, كوزىم ءىلىنىپ كەتىپتى. كۇزەتشىلەر مەنى دەر كەزىندە بايقاعانىنا راقمەت. بۇل كۇن مەنىڭ ەكىنشى تۋعان كۇنىم بولدى», دەيدى تاۋەكەلشىل بالىقشى.
