تۇركىستان قپب-عا جەرگىلىكتى تۇرعىن الاياقتىڭ قۇربانى بولعانىن ايتىپ ارىزدانعان. ونىڭ ايتۋىنشا, تانىسى كورەيا ەلىنە جۇمىسقا تۇرعىزىپ بەرەتىنىن ايتىپ, 350 مىڭ تەڭگە قاراجاتىن العان. الايدا بۇگىنگى كۇنگە دەيىن ۋادە ەتىلگەن جۇمىستى دا, ءوز اقشاسىن دا الا الماعان. اتالعان جايت قر قىلمىستىق كودەكسىنىڭ 190-بابى (الاياقتىق) بويىنشا تىركەلدى.
تۇركىستان قالالىق پوليتسيا باسقارماسىنىڭ پوليتسەيلەرى جەدەل-ىزدەستىرۋ جۇمىستارىن جۇرگىزىپ, كۇدىكتى دەپ تانىلعان كەنتاۋ قالاسىنىڭ تۇرعىنىن انىقتاپ, باسقارماعا جەتكىزدى. كۇدىكتى ازامات جابىرلەنۋشىگە جالعان اقپارات بەرىپ, اقشانى وزىنە العان. قازىرگى تاڭدا ءتارتىپ ساقشىلارى وقيعانىڭ تولىق ءمان-جايىن تەكسەرۋدە.
