ايماقتار • 07 ماۋسىم، 2021

جانداربەك بەكشين: كوروناۆيرۋس سۋبۇرقاقتار ارقىلى دا جۇعۋى مۇمكىن

929 رەت كورسەتىلدى

بۇگىن، 7 ماۋسىمدا وڭىرلىك كوممۋنيكاتسيالار قىزمەتىنىڭ ونلاين-ءباسپاسوز كونفەرەنتسياسى بارىسىندا الماتىنىڭ مەملەكەتتىك باس سانيتارلىق دارىگەرى جانداربەك بەكشين سۋبۇرقاقتار ارقىلى دا كوروناۆيرۋس ينفەكتسياسىن جۇقتىرۋى مۇمكىن ەكەنىن ايتتى، دەپ حابارلايدى Egemen.kz.

ساياباقتاردا، ادام كوپ جينالاتىن ورىندار مەن بازارلاردىڭ كىرەبەرىستەرىنە بەتپەردە رەجيمىن باقىلاۋ كۇشەيتىلدى. بۇل جەرلەرگە بەتپەردەسىز كىرۋگە بولمايدى. سونىمەن قاتار، تۇرعىندار راديوبايلانىس ارقىلى ساياباقتار مەن قوعامدىق ورىنداردا كوروناۆيرۋستىڭ الدىن الۋ جانە ودنا قورعانۋ شارالارى تۋرالى حابارلاندى. قالادا كورنەكى ۇگىت جاڭارتىلىپ، قورعانۋ تاسىلدەرى، سانيتارلىق قاۋىپسىزدىك شارالارىن ساقتاۋ تۋرالى ەسكەرتۋ جاسالادى. ساياباقتاردا سانيتارلىق پاترۋلدەر جۇمىس جاسايدى، مونيتورينگتىك توپتاردىڭ جۇمىسى وزگەردى.

ج. بەكشيننىڭ ايتۋىنشا، سۋبۇرقاقتار ارقىلى تەك كوروناۆيرۋستى عانا ەمەس، باسقا دا اۋرۋلاردى جۇقتىرۋ مۇمكىن ەكەن. ول سۋبۇرقاقتاردا شومىلۋ سالدارىنان قالادا پارازيتتىك اۋرۋلاردىڭ ءورشۋى تىركەلگەن جاعدايدى ەسكە سالدى. 

«سۋبۇرقاقتاردا شومىلۋعا بولمايدى. سۋبۇرقاقتاردا شومىلۋ ادامداردىڭ دەنساۋلىعىنا زيان. تۇمان ءتارىزدى اسەرى بار سۋبۇرقاقتار ەرەكشە قاۋىپ توندىرەدى. پاندەميا كەزىندە ولاردىڭ جۇمىسى توقتاتىلادى»، دەدى ج. بەكشين.

الماتىنىڭ مەملەكەتتىك باس سانيتارلىق دارىگەرى قالالىق جاسىل ەكونوميكا باسقارماسىنىڭ سۋبۇرقاقتار جانىنا شومىلۋعا تىيىم سالاتىن بەلگىلەر ورناتاتىنىن ايتتى. سۋبۇرقاقتار كۇندە دەزينفەكتسيالانادى.

سۋبۇرقاقتاردىڭ  جۇمىسىن سانيتارلىق دارىگەرلەر دە، جەرگىلىكتى اتقارۋشى ورگاندار دا باقىلاۋعا الدى. كاسىپكەرلەر سانالى ازاماتتىق ۇستانىمدارىن كورسەتتى. ماسەلەن، الماتىداعى دوستىق پەن قۇرمانعازى كوشەلەرىنىڭ قيىلىسىنداعى جەكە تۇمان ءتارىزدى سۋبۇرقاق ادامداردىڭ كوپ جينالۋىنا بايلانىستى جابىلدى.

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار