قايعىلى جاعداي مامىردىڭ 5-ىندە ورىن العان. بۇل تۋرالى ەسىل اۋداندىق پب كەزەكشى بولىمىنە اۋداندىق اۋرۋحانانىڭ فەلدشەرى حابارلاسىپ, اۋرحانانىڭ جانساقتاۋ بولىمىندە 17 جاستاعى ءجاسوسپىرىمنىڭ قايتىس بولعاندىعى تۋرالى ايتتى.
«انىقتالعانداي, سول كۇنى ءبىر توپ ءجاسوسپىرىم مەكتەپ اكىمشىلىگىن حاباردار ەتپەي, جەرگىلىكتى قىزىلسۋ سۋ قويماسىنا بارعان. شومىلۋ كەزىندە 2004 جىلعى ءجاسوسپىرىم سۋعا باتىپ كەتتى. سوت-مەديتسينالىق ساراپتامانىڭ قورىتىندىسىنا سايكەس, ءجاسوسپىرىم «وكپەگە سۋدىڭ ءتۇسۋى ارقىلى مەحانيكالىق اسفيكسيا» سالدارىنان كوز جۇمعان», دەلىنگەن ۆەدومستۆو تاراتقان اقپاراتتا.
