بۇل تۋرالى جۋرناليست ميحايل كوزاچكوۆ ءوزىنىڭ Telegram ارناسىندا جازدى. سونداي-اق, ول قايعىلى وقيعا «استانا تريۋمفى» تۇرعىن ءۇي كەشەنىندە بولعان دەگەن بولجاممەن ۆيدەو تىركەدى.
ەلوردادا «كوك كيت» سياقتى جاسوسپىرىمدەرگە ارنالعان جاڭا ويىننىڭ پايدا بولۋى تۋرالى جاعىمسىز قاۋەسەتتەر بار. ياعني, ءسىز دەڭگەيدى كوتەرۋ ءۇشىن تاپسىرمالاردى ورىنداۋىڭىز كەرەك, بۇنداي ويىنداردا ءتىپتى ويىنشىعا وزىنە-ءوزى قول جۇمساۋعا دەگەن نۇسقاۋلىقتار دا بەرىلۋى مۇمكىن», دەيدى جۋرناليست.
29 مامىر كۇنى, ساعات 23:18-دە ەسىل اۋداندىق پوليتسيا دەپارتامەنتىنىڭ كەزەكشى بولىمىنە قابانباي باتىر داڭعىلىنىڭ بويىندا 20-شى قاباتتىڭ بالكونىنان كامەلەتكە تولماعان بالا قۇلادى دەگەن اقپارات تۇسكەن.
ء«جاسوسپىرىم الىنعان جاراقاتتارىنىڭ سالدارىنان سول جەردە قايتىس بولدى. قايعىلى وقيعا بولعان كەزدە بالانىڭ اناسى ۇيدە بولعانى انىقتالدى. تاركىلەنگەن كومپيۋتەردى زەرتتەۋ كەزىندە بالانىڭ ءوز-وزىنە قول جۇمساۋ سيپاتىنداعى سايتتار مەن ويىندارعا تىركەلۋى انىقتالماعان. بۇل فاكت بويىنشا قىلمىستىق ءىس قوزعالدى. تەرگەۋ ءجۇرىپ جاتىر», دەپ حابارلادى قۇزىرلى ورگان وكىلدەرى.
