قازاقستانعا كەلگەن نيدەرلاندىق بيزنەس دەلەگاتسياسىنىڭ قۇرامىنا KUBO, Dutch Greenhouse Delta, Van der Hoeven Horticultural Projects, Certhon, Gakon, Koppert Biological Systems, Food Ventures, Hoogendoorn, Svensson, Priva, HVA International, Dalsem, Rijk Zwaan جانە ت. ب. وكىلدەرى كىردى.
تاراپتار اوك سالاسىنداعى ىنتىماقتاستىقتى دامىتۋ كەلەشەگىن, ونىڭ ىشىندە قازاقستاننىڭ جىلىجاي كەشەندەرىن, تۇقىم شارۋاشىلىعىن جانە اۋىل شارۋاشىلىعىنىڭ باسقا دا سەكتورلارىن دامىتۋدا جيىنتىقتى ەسەپتەۋلەر, جاساندى زەردە جانە باسقا دا يننوۆاتسيالىق تەحنولوگيالاردى ەنگىزۋ پەرسپەكتيۆالارىن تالقىلادى.
كەلىسسوز قورىتىندىسى بويىنشا «Kazakh Invest» ۇك» اق, «ۇلتتىق اگرارلىق عىلىمي-ءبىلىم بەرۋ ورتالىعى» كەاق, قازاقستاننىڭ كارتوپ جانە كوكونىس وسىرۋشىلەر وداعى, «قازىنا كاپيتال مەنەدجمەنت» اق وكىلدەرى, سونداي-اق بىرقاتار قازاقستاندىق كومپانيالار Dutch Greenhouse Delta, Food Ventures, Rijk Zwaan, Solynta جانە Koppert Biological Systems-بەن قازاقستاندا جەمىس-كوكونىس شارۋاشىلىعى مەن تۇقىمدىق كارتوپ ءوندىرىسىن, وسىمدىكتەردى بيولوگيالىق قورعاۋ قۇرالدارىن دامىتۋ, قر جىلىجاي كەشەندەرىن سالۋ, تۇركىستان وبلىسىندا دەمونستراتسيالىق ستانتسيا مەن جوعارى تەحنولوگيالىق-زەرتتەۋ ورتالىعىن سالۋ بويىنشا بىرلەسكەن جوبالاردى ىسكە اسىرۋدى كوزدەيتىن كەلىسىمدەرگە قول قويدى.
اتالعان جوبالار بويىنشا قر ەكونوميكاسىنا سالىنعان ينۆەستيتسيالاردىڭ جالپى سوماسى 100 ملرد تەڭگەدەن اسادى. ولاردى ىسكە اسىرۋ قازاقستاندا جاڭا ساپالى جۇمىس ورىندارىن قۇرۋعا, اوك سالاسىندا وزىق تەحنولوگيالار مەن پراكتيكانى ەنگىزۋگە, سونداي-اق قازاقستاننىڭ ازىق-ت ۇلىك قاۋىپسىزدىگىن قامتاماسىز ەتۋ دەڭگەيىن جانە ەكسپورتتىق الەۋەتىن ارتتىرۋعا جول اشادى.
نيدەرلاندتىق كومپانيالاردىڭ وكىلدەرى قر-عا ساپارى اياسىندا الماتى, اقتوبە, باتىس قازاقستان وبلىستارى مەن الماتى قالاسىنا وڭىرلەردىڭ باسشىلىعىمەن جانە قازاقستاندىق سەرىكتەستەرىمەن بىرلەسكەن جوبالاردى ىسكە اسىرۋدى ەگجەي-تەگجەيلى تالقىلاۋ ءۇشىن بارادى.
قازاقستاندا نيدەرلاندتىق كاپيتالدىڭ قاتىسۋىمەن 900-دەن استام كاسىپورىن جۇمىس ىستەيدى, ولار قر ەكونوميكاسىنىڭ ەنەرگەتيكا, ماشينا جاساۋ, قۇرىلىس, كولىك-لوگيستيكا جانە اگروونەركاسىپ سەكتورلارىندا كەڭىنەن ۇسىنىلعان.
وزىق تەحنولوگيالار مەن اگروسەكتوردى جۇرگىزۋدىڭ ءتيىمدى ادىستەرىن پايدالاناتىن نيدەرلاندى كوشباسشى ورىنعا يە جانە الەم بويىنشا اقش-تان كەيىن اۋىل شارۋاشىلىعى ونىمدەرىنىڭ ەكىنشى ءىرى ەكسپورتتاۋشىسى.
كەلىسسوزدەرگە قازاقستان تاراپىنان اۋىل شارۋاشىلىعى ءمينيسترى ساپارحان وماروۆ, نيدەرلاند كورولدىگىندەگى قر توتەنشە جانە وكىلەتتى ەلشىسى اسقار جۇماعاليەۆ, «Kazakh Invest» ۇك» اق باسقارما توراعاسى مەيىرجان يۋسۋپوۆ, «ۇلتتىق اگرارلىق عىلىمي-ءبىلىم بەرۋ ورتالىعى» كەاق باسقارما توراعاسى گۇلميرا يساەۆا, «بايتەرەك» ۇبح» اق باسقارما توراعاسىنىڭ ءبىرىنشى ورىنباسارى قانىش ءىزباستين, نيدەرلاندى تاراپىنان قر-داعى ەلشى اندرە كارستەنس قاتىستى.
