وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا قاراعاندا, وڭىردە جىل باسىنان بەرى 6 بالا تەرەزەدەن قۇلاعان.
«سونداي وقىس وقيعانىڭ ءبىرى 2 ماۋسىمعا قاراعان تۇندە اتىراۋ قالاسىندا قايتالاندى. وتىز ءۇش جاستاعى جالعىزباستى ايەل 6 جاسار بالاسىن قىدىرتىپ, ۇيىنە تاكسيمەن كەش كەلگەن. بالاسىن پاتەرگە كىرگىزىپ, كولىكتەگى قالعان زاتتارىن الۋعا بەت العان. اناسى ۇيگە ورالعاندا, بالاسىنىڭ تەرەزەدەن قۇلاپ كەتكەنىن بايقاعان. ءجاسوسپىرىم ءتۇرلى جاراقاتپەن وبلىستىق بالالار اۋرۋحاناسىنىڭ جانساقتاۋ بولىمىنە جاتقىزىلدى», دەپ حابارلادى دەپارتامەنتتىڭ ءباسپاسوز قىزمەتى.
